Bienzedi 11:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bualu bua yeye wakadi muntu muimpe, wakadi mûle tente ne Nyuma Muimpe ne ditabusha; ba bungi bakasangishibua kudi Mukelenge.

MUKANDA WA MYIDI MUKULU

²⁴ Barnabase uvua muntu muimpe, muwule ne Mueyelu wa Tshijila, kabidi ne ditaba. Ke muvua bantu bavua bitaba Mfumu bavulangana bikole.

Bienzedi 11:24 交叉引用

Bienzedi 11:21

Tshianza tshia Nzambi tshiakadi nʼabo; bantu ba bungi bakitabusha, bakakudimuna mitshima yabo kudi Mukelenge.

Bienzedi 5:14

bena kuitabusha bakasangishibua kudi Mukelenge, bisumbu bia balume ne bia bakashi, batambe ba diambedi bungi.

Bienzedi 6:5

Di edi diakabasankisha buonso buabo; bakasungula Stefano, mule tente ne ditabusha ne Nyuma Muimpe; ne Filipo, ne Polokolo, ne Nikanô, ne Timono, ne Pâmena, ne Nikolao wa ku Antiokia wakadi muitabushi wa bualu bua Bena Yuda.

Rome 15:15

Kadi mu manga malu ndi nufundila mei anyi ne dikima dihita, bua kunvuluisha tshiakabidi, bualu bua ngasa wakampabo kudi Nzambi,

Bienzedi 9:31

Nunku bena ekelesia ba mu Yudaya yonso ne ba mu Galela ne ba mu Samalea bakadi ne ditalala, bakadi badiunda mu bualu bua Nzambi; bakadi benda mu dishina dia Mukelenge ne mu disamba dia Nyuma Muimpe; bakadi bavulangana ba bungi.

Bienzedi 6:8

Stefano, mûle tente ne ngasa ne bukole, wakenzenza malu a kukema ne bimanyinu binene munkatshi mua bantu.

Bienzedi 6:3

Bana betu, nukebe balume muanda mutekete munkatshi muenu badi ne lumu luimpe, badi bûle tente ne Nyuma ne lungenyi, netubateke ha mutu ha bualu ebu.

Misambu 112:5

Muntu udi ulesha bantu luse ne udi ubasombesha bintu udi ne disanka, udi ulonda malu andi anu ha muanda.

2 Samuele 18:27

Mutentekedi wakamba ne, Ndi ngelangana meji ne luendu lua muntu udi ku mpala ludi bu lua Ahimasa, muana wa Sadoka. Mukelenge wakamba ne, Yeye udi muntu muimpe, udi ulua ne lumu luimpe.

Rome 5:7

Budi bualu bukole bua muntu kufuila anu muntu mubingishibue, kadi bumue mukuabo neitabushe kufuila muntu muimpe wa bushua.

Bienzedi 24:16

Bua bualu ebu ndi ndienzesha matuku onso bua kuikala bianyi ne mutshima udi kawi ne tshilema kudi Nzambi ne kudi bantu.

Yowanane 7:12

Bantu bakatamba kuelangana mpata ya bualu buandi mu musokoko; bakuabo bakamba ne, Udi muntu muimpe; bakuabo ne, Nasha, yeye udi uhambuisha bantu.

Luke 23:50

Muntu wakadiku, dina diandi Yosefe, yeye wakadi mulumbuludi, wakadi muntu muimpe kai ne kansungunsungu,

Matayi 19:17

Yesu wakamuambila ne, Udi unkonkela bua bualu buimpe tshinyi? Umue udiku udi muimpe; kadi biwasua kubuela mu muoyo, enza mikenshi ya Nzambi.

Matayi 12:35

Muntu muimpe udi uhatula bintu bimpe mu tshibutshilu tshiandi tshimpe; muntu mubi udi uhatula bintu bibi mu tshibutshilu tshiandi tshibi.

Nsumuinu 14:14

Muntu udi usesuka neukute bintu bidiye uhuola mu nshila yandi, ne muntu muimpe neukute bintu bidi bienzedi biandi bimutuadila.

Nsumuinu 13:22

Muntu muimpe udi ushila bana ba bana bandi buhianyi, kadi biuma bia muenji wa malu mabimbitekela bantu bakane.

Nsumuinu 12:2

Muntu muimpe udi uheta diakalengele kudi Yehowa, kadi yeye udi uhisha muntu udi uhangidisha malu mabi.

Misambu 37:23

Biendedi bia muntu bidi bijadikibua kudi Yehowa, ne yeye udi usanka bua nshila wandi.

Bienzedi 2:4

Buonso buabo bakadi bûle tente ne Nyuma Muimpe, bakabanga kuakula miaku mikuabo bu muakabaha Nyuma dî dia kuambabo.

Bienzedi 2:47

bakadi batumbisha Nzambi, bakadi ne diakalengele kudi bantu bonso. Ku dituku ku dituku Mukelenge wakadi usangisha kudibo bakuabo bakadi basungidibua.