Bienzedi 10:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Petelo wakabulula mukana muandi, wakamba ne, Bulelela, ndi njingulula ne, Nzambi kena ne kansungunsungu,

MUKANDA WA MYIDI MUKULU

³⁴ Ke Petro kuambila bantu ne: — Mpindiewu ndi njadika ne: Mvidi Mukulu kena ne kansungasunga.

Bienzedi 10:34 交叉引用

Rome 2:11

Bualu bua kakuena kansungunsungu.

2 Kulondolola 19:7

Nunku ditshina dia Yehowa dikale kunudi; nudimuke bimpe bu munudi nuenza bualu bua kakuena malu mabi kudi Yehowa Nzambi wetu, yeye kena ne kansungusungu, kena witabusha bintu bia mbueshilu kudi muntu.

Dielulula 10:17

Bualu bua Yehowa, Nzambi wenu, udi Nzambi wa nzambi mikuabo, udi Mukelenge wa bakelenge, Nzambi munene ne mukole, udibo batshina, yeye katu watangila bantu ne kansungusungu, kena witabusha matutu.

Kolose 3:25

Bualu bua muntu udi wenza bualu bubi neangate kabidi bualu bubi buakenzeye bu difutu diandi; ne kakuena kansungunsungu kudi Nzambi.

Yobe 34:19

Neuhishe udi ubenga kunemeka anu bana ba bakelenge, udi kayi ubala babanji ne, Badi ku mpala kua bahele; bualu bua buonso buabo badi mudimu wa ku bianza biandi?

1 Petro 1:17

Binuamubikila bu Tatu udi ulumbuluisha muntu yonso bu mudi bienzedi biandi kai ne kansungunsungu, nuhitshishe tshikondo tshia buenyi buenu mu ditshina.

Efeze 6:9

Ne nuenu banfumu, nubenzele muomumue, nuhidie kubakanyina; mimanye ne, Mukelenge wabo ne wenu kabidi udi mu diulu, ne kakuena kansungunsungu kudiye.

Luke 20:21

Bakamukonka ne, Muyishi, tudi bamanye ne malu audi wamba ne audi uyisha adi mimpe, kuena ne muntu bualu, wewe udi uyisha bantu nshila wa Nzambi bulelela.

Yakobe 2:9

kadi binuikala ne kansungunsungu kudi bantu, nudi nuenza bualu bubi, nuakuhishibua bu bashihi ba mikenshi kudi mikenshi nkayai.

Kolose 3:11

Nunku kakuena mua kuikala Muena Gelika ne Muena Yuda, Muena ditengula ne udi kai muena ditengula, musenshi, Muena Sekutia, muhika ne mudishikamine; kadi Kilisto udi malu onso ne udi mu malu onso.

Ngalate 2:6

Kadi bantu aba bakadi ne butumbi munkatshi muabo (ne bakadi banganyi diambedi kembualu kundi; Nzambi kena ubala mpala wa muntu) ndi ngamba ne, Bantu aba bakadi ne butumbi kabakanyisha bualu.

Yakobe 2:4

kanuakutahulukangana munkatshi muenu, ne kanuakulua balumbuludi badi ne meshi mabi, anyi?

Dielulula 16:19

Kanulumbuluishi bantu ne dilumbuluisha didi kadiyi diakane; kanutangidi mpala ya bantu; kanuitabushi bintu bia kunubueshilabo nʼabi; bualu bua bintu bia kunubueshilabo nʼabi bidi bifofomesha mesu a muena lungenyi, bidi binyanga dilumbuluisha didi diakane.

Matayi 22:16

Bakatuma bayidi babo kudiye ne Bena Helode, bakamuambila ne, Muyishi, tudi bamanye ne, Wewe udi muena bushua, udi uyisha bantu nshila wa Nzambi bulelela, wewe kuena utshina bantu, bualu bua kuena ne bualu ne muntu;

Matayi 5:2

yeye wakabulula mukana muandi, wakabayisha ne:

Bienzedi 8:35

Filipo wakabulula mukana muandi, wakabanga ku dî edi mu Mukanda wa Nzambi, wakamuambila lumu luimpe lua Yesu.

Dielulula 1:17

Kanuikadi ne kansungusungu hanualumbulula bilumbu; nunvue dî dia muntu mukese ne dia muntu munene muomumue; kanutshinyi mpala wa muntu; bualu bua kulumbulula kua bilumbu kudi kua Nzambi: tshilumbu tshidi tshihita bukole, nulue nʼatshi kundi, meme nentshiunvue.

Bienzedi 10:33

Nunku nakukutumina dî lubilu; wakulua, wakuenza bimpe. Katataka buonso buetu tudi munemu ku mesu kua Nzambi bua kunvua malu onso akukuambila Mukelenge.

Bienzedi 15:9

kakatahulula hankatshi hetu nʼabo, wakuvua mitshima yabo ku ditabusha.

Rome 3:29

Nzambi udi anu Nzambi wa Bena Yuda nkayabo, anyi? Yeye kena Nzambi wa bisamba bia bende kabidi, anyi? E, udi Nzambi wa bisamba bia bende kabidi;

Yakobe 2:1

Bana betu, kanuikadi ne ditabusha dia Mukelenge wetu Yesu Kilisto, Mukelenge wa butumbi, ne kansungunsungu kudi bantu.