Balombodi 5:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua balombodi bakalombola Bena Isalele, ne bualu bua bantu bakadifila bua disua diabo, nuvudishile Yehowa disanka!

MUKANDA WA MYIDI MUKULU

² Mu Izrayele, muntu yonsu mmusulule nsuki yende. Bena Izrayele mbadifile ku mvita: Nuele Maweja-Nangila tuasakidila!

Balombodi 5:2 交叉引用

Balombodi 5:9

Mutshima wanyi udi kudi bakokeshi ba mu Isalele bakadifila munkatshi mua bantu bua disua diabo; nuvudishile Yehowa disanka.

Misambu 110:3

Bantu bebe badi badifila kûdi ne disanka mu dituku diudi ukungisha misumba ya masalayi ebe. Bansongalume bebe badi balua kûdi bu mume, baluate biabo bilenga bia tshijila, bahatuke munda mua lunkelu.

2 Kulondolola 17:16

ku nyima kuandi Amasaya, muana wa Zikeli, wakadifila kudi Yehowa; bena bukitu binunu nkama ibidi bakadi nʼandi.

Filipe 2:13

bualu bua Nzambi ngudi wenzesha munda muenu bua kusua ne bua kuenza kabidi bualu bua disua diandi dimpe.

Didimanyisha 19:2

bualu bua dilumbulula diandi didi dilelela ne diakane; bualu bua wakulumbuluisha mukashi wa masandi mimene, yeye wakanyanga buloba ne masandi andi, ne wakasombuela mashi a bahika bandi mualombe ku tshianza tshiandi.

Didimanyisha 18:20

Nusanke bua bualu buau, wewe diulu, ne nuenu basanto, ne nuenu bapostolo, ne nuenu baprofete; bualu bua Nzambi wakamulumbuluisha ne dilumbuluisha dienu.

Filemone 1:14

kadi tshiakasua kuenza bualu tshi muanze kumanya mûdi wela meshi, bua buimpe buebe kabuikadi bua ku bukole, kadi bua mu disua diebe.

2 Korente 9:7

Nunku muntu ne muntu afile bintu bu muakadisunguileye mu mutshima wandi; kafidi ne kanyinganyinga, anyi bu muenzesha ku bukole; bualu bua Nzambi udi musue muena kuha udi ufila ne disanka.

2 Korente 8:12

Bikala kudilongolola kudiku, bidi bitabushibua bu mudi muntu nʼabi, kembu mudiye kai nʼabi.

1 Korente 9:17

Bua bingenza nunku bua kudisunguila kuanyi, ndi ne difutu; kadi bingikala tshî ngenza nunku bua kudisunguila kuanyi, ndi ne bulami butekibue mu bianza bianyi.

Misambu 136:15

Kadi wakabutula Palô ne misumba yandi ne masalayi mu Mai Manene Makunze, bua luse luandi ludi lujalame tshiendelele.

Misambu 97:8

Siona wakunvua, wakadi ne disanka; bana ba bakashi ba Bena Yuda kabidi bakasanka, bualu bua dilumbulula diebe, Yehowa.

Misambu 94:1

Wewe Yehowa, Nzambi wa disombuela, wewe, Nzambi wa disombuela, utemene biebe!

Misambu 48:11

Mukuna wa Siona wikale ne disanka; bana bakashi ba Bena Yuda basanke bualu bua mikenji yebe mijalame.

Misambu 18:47

Nzambi eu mene udi usombuela, udi uhuekesha bantu muinshi mua bukokeshi buanyi.

Nehemya 11:2

Bantu bakuabo bakavudishila bantu bakadi ne disua dia kushikama mu Yelushalema disanka.

Dielulula 32:43

Nuenu ba bisamba bionso, sankai ne bantu bandi, bualu bua yeye nealombe mashi a bantu bandi, neasombuele badi nʼandi lukuna, udi umusha dihila dia buloba ne dia bantu bandi.

Dielulula 33:21

Yeye udi udianjila kudisunguila tshituha tshiandi, bualu bua etshi ntshituha tshia mukokeshi, wakalua nʼatshi kudi ba ku mutu kua bantu; yeye udi ujadika dilumbulula diakane dia Yehowa, ne mikenji yandi kudi Bena Isalele.

Misambu 103:2

Mutshima wanyi, uvudishile Yehowa disanka; kuhu muoyo bua masanka onso akutuheye: