Balombodi 18:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bena Dana bakatuma bantu batanu ba mu meku abo, bena bukitu ba ku Solea ne ba ku Eshataola bua kutentekelabo buloba ne bua kubutangilabo. Bakabambila ne, Yai bienu, nutangile buloba; bakalua ku mikuna ya Efelayima ku nsubu wa Mika, bakalalaku,

MUKANDA WA MYIDI MUKULU

² Nanku bena Dane kusungula munkatshi muabu bantu balume batanu bavua ne dikima. Bantu abu bavua bumukila mu bimenga bia Sora ne Eshetayole, bua kuya kutentekela ditunga bimpe. Bantu balume abu kufika mu buloba bua mikuna ya Efrayime. Kuimanabu pabuipi ne kua Mika.

Balombodi 18:2 交叉引用

Balombodi 13:25

Nyuma wa Nzambi wakabanga kumuenzesha mu Mahane-dana, hankatshi ha Solea ne Eshetaola.

Yoshua 2:1

Yoshua, muana wa Nuna, wakatuma batentekedi babidi ku Shitima mu musokoko, wakabambila ne, Yai, nutangile buloba, ne Yeleko. Bobo bakaya, bakabuela mu nsubu wa mukashi muena tshiendenda dina diandi Lahaba, bakalalamu.

Balombodi 18:11

Balume nkama isambombo ba mu tshisamba tshia Dana, bakadi ne bintu bia nvita bisuika hamʼbidi habo, bakumuka ku Solea ne Eshetaola.

Balombodi 18:8

Bakahingana kudi bana babo ba ku Solea ne Eshetaola; bana babo bakakonka ne, Nudi nuamba tshinyi?

Dibadika 13:17

Mose wakabatuma bua kutentekela buloba bua Kanâna, wakabambila ne, Yilai ku nshila wa luseke lua Sude, yai bienu mu buloba bua mikuna

Luke 14:31

Anyi, nfumu kai, biayeye bua kuluangana ne nfumu mukuabo, kai mushikame diambedi muelangane meshi ne, Ndi mua kuluangana ne udi ulua ne masalayi mbombo ibidi bishi, kadi meme ndi ne anu lubombo lumue?

Nsumuinu 20:18

Malu adi bantu bahangidisha adi ajadikibua ku kuhunga kua dî; hakuhabo lungenyi lua kuenza, luangana nvita.

Balombodi 19:18

Yeye wakamukudimuna ne, Tuakufuma ku Beteleheme-yuda; tuyaya ku nyima kua mikuna ya Efelayima, nkunakafuma. Nakadi muye ku Beteleheme-yuda; katataka ntshidi nya ku nsubu wa Yehowa, ne kakuena muntu udi umbuesha mu nsubu wandi.

Balombodi 19:1

Mu matuku au hakadibo kabayi ne mukelenge mu Isalele, Muena Lewi mukuabo wakadi mushikame ku nyima kua mikuna ya Efelayima, wakadiangatshila mukashi muhika wa mu Beteleheme-yuda.

Balombodi 16:31

Hashishe bana babo ne bonso ba mu nsubu wa tatu wandi bakalua, bakamuangata, bakaya nʼandi, bakamujika hankatshi ha Solea ne Eshetaola, mu majambu a Manoa, tatu wandi. Yeye wakalumbuluila Bena Isalele bidimu makumi abidi.

Balombodi 13:2

Muntu mukuabo wa mu Solea, wa mu diku dia Bena Dana, wakadiku, dina diandi Manoa; mukashi wandi wakadi nkumba, kakadi mulele.

Yoshua 19:41

Mukalu wa buhianyi buabo wakadi Solea ne Eshetaola ne Ishemesha,

Genese 42:9

Yosefe wakavuluka bua bilota biandi biakabaloteleye, yeye wakabambila ne, Nudi batentekedi, nuakuluila bua kutangila ne buloba budi butuhu.

Yoshua 15:33

Mu tshibanda: Eshetaola ne Solea ne Ashena

Balombodi 17:1

Muntu wakadiku wa ku mikuna ya Efelayima, dina diandi Mika.

Balombodi 18:3

Hakadibo ha buihi ne nsubu wa Mika, bakamanya dî dia nsongalume, Muena Lewi; bakasemena ha buihi, bakamukonka ne, Wakalua nʼebe kunoko nganyi? Udi wenza tshinyi mu muaba eu? Wakadila tshinyi kunoko?

Yoshua 2:2

Bakambila mukelenge wa Yeleko ne, Mona, balume ba Bena Isalele bakafika munemu butuku bua kutentekela buloba.

Balombodi 18:13

Bakumukaku, bakayila ku mikuna ya Efelayima, bakalua ku nsubu wa Mika.