Balombodi 12:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bena Efelayima bakadisangisha hamue, bakaya ku luseke lua ku node; bakambila Yefeta ne, Wewe wakasabuka bua kuluangana ne Bena Amona, kuakatubikila bua tuetu kuya nʼebe bualu kai? Netuoshe nsubu webe ne kahia ne wewe kabidi.

MUKANDA WA MYIDI MUKULU

¹ Bena Efrayime kudisangisha, kusabuka musulu wa Yardene. Kuyabu ku Safone. Kukonkabu Yefete ne: — Udi muye kuluisha bena Amone, kuyi mutubikile bua kukuambuluisha bua tshinyi? Tudi tuosha nzubu webe, tukoshilamu!

Balombodi 12:1 交叉引用

Balombodi 8:1

Bena Efelayima bakamuambila ne, Bualu kai wakatuenzela nunku, kuakatubikila hawakaya kuluangana ne Bena Midiyana? Bakamutandisha bikole.

Yakobe 3:16

Bualu bua hadi mukau ne difuilangana hadi diyoyo ne malu mabi onso.

Yowanane 10:32

Yesu wakabandamuna ne, Nakunulesha malu mimpe a bungi a Tatu anakuenza, nudi nungelela mabue bua muanda kai unakuenza?

Balombodi 14:15

Hakalua dituku dia muanda mutekete, bakambila mukashi wa Shimishona ne, Wewe witabushishe bayebe bua atujinguluile dijimbu, anyi tuetu netuoshe nsubu wa tatu webe ne kahia. Kanuakatumikila anu bua kutuvuisha bahele, anyi? Kabuena nunku, anyi?

Muambi 4:4

Hashishe, nakatangila mudimu wonso ne ngenzelu wau mulengele bidi bivuisha bantu mukau. Bualu ebu budi hatuhu, bu kuihata kua luhehele.

Misambu 109:4

Nansha meme mubanange, badi bambanda hatuhu; kadi ndi mbalombela Nzambi.

Balombodi 15:6

Hashishe Bena Peleshete bakakemangana ne, Wakuenza bualu ebu nganyi? Bakamba ne, Shimishona, muku wa Muena Timena, bualu bua yeye wakangata mukashi wandi, wakamufila kudi mulunda wandi. Bena Peleshete bakalua, bakosha mukashi au ne tatu wandi ne kahia.

Balombodi 11:40

bua bana bakashi ba mu Isalele baye ku tshidimu ku tshidimu bua kujingabo muana mukashi wa Yefeta, Muena Gilada, tô matuku anai ku tshidimu ku tshidimu.

Balombodi 12:2

Yefeta wakabambila ne, Meme ne bantu banyi tuakadi ne nvita mikole kudi Bena Amona, ne hanakanubikila, nuenu kanuakansungila mu bianza biabo.

Osheya 13:1

Hakamba Bena Efelayima dî, buowa buakakuata bantu; bakamutumbisha kudi Bena Isalele; kadi hakahendabo Nzambi mu kutendelela kuabo kua Bâla, bakafua.

Marke 3:24

Biahanduluka bukelenge, bukelenge abu kabuena bumanye mua kuikala.