Amosa 9:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa udi ukonka ne, Nuenu Bena Isalele, kanuena bu bana ba Bena Atiopa kundi, anyi? Tshiakaluhula Bena Isalele mu buloba bua Ejipitu, ne Bena Peleshete ku Kefetô ne Bena Sulia ku Kî, anyi?

MUKANDA WA MYIDI MUKULU

⁷ Maweja-Nangila udi wamba ne: “Bena Izrayele, nudi nuela meji ne: mushinga wenu ku mesu anyi, udi upita wa bena Kushe anyi? Nudi nuamba bimpe ne: ndi munupatule mu Ejipitu! Kadi bena Peleshete tshiena mubapatule mu Kaftore, ne bena Arame mu Kire anyi?”

Amosa 9:7 交叉引用

Yirmeya 47:4

Bualu bua dituku didi dilua bua kubutula Bena Peleshete bonso, ne bua kumusha mukuatshishi wabo yonso udi ushala kudi Tulo ne Sidona; bualu bua Yehowa neabutule Bena Peleshete, bantu batshidi bashala ku muelelu wa mai wa Kafetô. Dibala diakulua ha mutu ha Gaza, Ashekelona udi munyanguke, ne badi bashala mu tshibanda tshiandi, nenuditahe mputa musangu bule bishi?

2 Bakalenga 16:9

Mukelenge wa Ashû wakamunvuila; mukelenge wa Ashû wakaya kuluangana ne musoko wa Damaseke, wakaunyenga, wakaya ne bantu ku Kî mu buhika; wakashiha Lesinyi kabidi.

Dielulula 2:23

Bena Awa bakadi bashikama mu misoko tô ne ku Gaza ne Bena Kafetô bakafuma ku Kafetô, bakabashiha, bakashikama mu muaba wabo.)

Amosa 2:10

Meme nakanuluhula mu buloba bua Ejipitu, nakanulombola mu tshihela tô bidimu makumi anai, bua nuenu nuangate buloba bua Bena Amole.

Amosa 1:5

Nentshibule lukanu lua ku tshibi tshia ku Damaseke, nembutule badi bashikame mu tshibanda tshia Awena, ne mukuatshi wa dikombo dia bukelenge ku Bete-edene; bantu ba mu Sulia nebabuele mu buhika ku Kî. Yehowa udi wamba nunku.

Osheya 12:13

Yehowa wakaluhula Bena Isalele mu Ejipitu ku bulombodi bua muprofete, ne wakabalama ku bulami bua muprofete.

Yirmeya 13:23

Muena Atiopa udi mua kuandamuna dikoba diandi, anyi nkashama udi mua kuandamuna matoba andi, anyi? Nunku nuenu batu benza malu mabi nenumanye mua kuenza malu makane.

Yeshaya 22:6

Bena Elama bakambula nkaha ya mikete, bakalua ne bena makalu ne babandi ba ha nyima ha tubalu; Bena Kî bakasulula tshibuikilu tshia ha ngabu.

Yeshaya 20:4

nunku mukelenge wa Ashû neaye kuabo ne bantu badiye mukuate mu Ejipitu ne badiye mumushe mu Atiopa bua kubalela kule, bana ne bakulumpe diatshimue, bikale butaka ne kabayi ne hisabata, kabayi ne bilulu bia kubuikila ku mataku abo, bua kufuisheye ba mu Ejipitu bundu.

Ekesode 12:51

Mu dituku adi mene mene Yehowa wakumuka ne Bena Isalele mu Ejipitu ne bisumbu biabo.

Yeshaya 43:3

Bualu bua meme ndi Yehowa Nzambi webe, Wa Tshijila wa Isalele, Musungidi webe. Nakufila Ejipitu bu biuma bua kukubikila nʼabi, nakudia Atiopa ne Seba bua kubashintakasha nʼebe.

2 Kulondolola 14:9

Zela, Muena Atiopa, wakalua kudiye ne bena nvita binunu tshinunu ne makalu nkama isatu; wakafika ku Malesha.

2 Kulondolola 14:12

Nunku Yehowa wakatekesha Bena Atiopa ku mpala kua Asa ne kua Bena Yuda; Bena Atiopa hakanyema.