Amosa 7:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa wakakudimuna mutshima wandi bua muanda eu; Mukelenge Yehowa wakamba ne, Muanda eu kahidi kawena wenjibua.

MUKANDA WA MYIDI MUKULU

⁶ Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Amosa 7:6 交叉引用

Yona 4:2

Wakatendelela biandi Yehowa, wakamba ne, Yehowa, ndi ukukonka ne, Tshiakamba dî edi hantshivua mu buloba buanyi, anyi? Bua muanda eu nakadianjila kunyemena ku Tâshishi; bualu bua nakamanya ne wewe udi Nzambi wa luse, mûle tente ne dinanga, kuyi ukuatshika tshiji lubilu, udi ulesha bantu luse lujalame lukumbane, udi ukudimuna mutshima webe bua dikenga kadikuatshi bantu.

Yona 3:10

Nzambi wakamona bienzedi biabo, bu muakalekelabo nshila wabo mubi; ne Nzambi wakakudimuna mutshima wandi bua muanda mukole wakambeye diambedi ne, Nembenzele; yeye kakawenza nansha.

Amosa 7:3

Yehowa wakakudimuna mutshima wandi bua muanda eu; Yehowa wakamba ne, Kawena wenjibua nansha.

Yirmeya 26:19

Hezikiya, mukelenge wa Yuda, ne ba mu Yuda bonso bakamushiha, anyi? Hezikiya kakatshina Yehowa, kakasengelela Yehowa bua kumuha diakalengele, anyi? Ne Yehowa kakakudimuna mutshima wandi bua makenga akadiye musue kubatumina, anyi? Nunku tuetu tudi tuamba kudivuishila dikenga dinene.

Misambu 135:14

Bualu hua Yehowa nealumbuluile bantu bandi ne kulumbulula kuakane, neafuile bena mudimu bandi luse.

Misambu 90:13

Yehowa, hingana biebe! Muanda eu neulehe musangu bule munyi? Mutshima webe ufuile bantu bebe luse!

Balombodi 10:16

Bobo bakumusha nzambi ya bende yakadi munkatshi muabo, bakakuatshila Yehowa mudimu; ne mutshima wandi wakanyingalala bua ntatu ya Bena Isalele.

Balombodi 2:18

Hakababishila Yehowa mulumbuluishi, hashishe Yehowa wakadi ne mulumbuluishi eu, wakabasungila mu bianza bia bena lukuna babo matuku onso a mulumbuluishi eu; bualu bua Yehowa wakadi ukudimuna mutshima wandi bualu bua kutua kua mikemu yabo yakatuabo hakadibo babakengesha ne hakadibo babatatshisha.

Genese 6:7

Yehowa wakamba ne, Nenjimishe bantu banakafuka ha buloba, ne bantu ne nyama ne bintu bidi bidikoka hanshi ne nyunyu ya mulu, bualu bua mutshima wanyi udi munyingalale bua nakabifuka.

Misambu 106:45

Wakavuluka tshihungidi tshiandi bua bualu buabo, wakakudimuna mutshima wandi bu mudi divulangana dia luse luandi lujalame.

Yirmeya 42:10

Binuashala mu buloba ebu, nennuase kabidi ne tshiena nnusasula, nennukune ne tshiena nnujula; bualu bua ndi nkudimuna mutshima wanyi bua makenga anakunutumina.

Yowele 2:13

Handai mitshima yenu, kanuhandi hivualu bienu, hinganai kudi Yehowa, Nzambi wenu; bualu bua yeye udi unulesha dinanga ne udi unufuila luse, kena ukuata tshiji lukasa, udi ne luse lujalame lukumbane; udi ukudimuna mutshima wandi bua makenga adiye wamba kutumina bantu.

Amosa 7:7

Yeye wakandesha tshikena kumona etshi: Monai, Yehowa wakadi muimane ha mutu ha lumbu luakaludikabo diambedi ne nshinga udi ne tshiamu tshia plomb, luidi elu lua plomb luikale mu tshianza tshiandi

Ekesode 32:14

Yehowa wakakudimuna mutshima wandi bua malu akeleye meji bua kuenzela bantu bandi.

1 Kulondolola 21:15

Nzambi wakatuma muanjelo ku Yelushalema bua kushiheye bantu bakadimu; ne hakambeye kushiha bantu, Yehowa wakamona, wakakudimuna mutshima wandi ku bualu ebu bubi; wakambila muanjelo wa lufu ne, Kuakushika, ukande tshianza tshiebe. Muanjelo wa Yehowa wakadi wimana ku tshihehuidi tshia Ônana, Muena Yebuse.

Misambu 78:38

Kadi bualu bua yeye wakadi mûle tente ne luse, wakababuikidila tshitshu tshiabo, kakababutula. Bulelela, yeye wakakanda tshiji tshiandi misangu ya bungi, kakasonsola tshiji tshiandi tshionso nansha.