Amosa 6:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Mukelenge Yehowa wakuditshiha, yeye muine; Yehowa, Nzambi wa misumba, udi wamba ne, Dihetu dia Yakoba didi dintonda, ndi nkina nsubu yandi ya bunfumu; nunku nenfile musoko ne bintu bionso bidimu kudi badi nʼau lukuna.

MUKANDA WA MYIDI MUKULU

⁸ Maweja-Nangila, Mvidi Mukulu wa bukole buonsu mmuditshipe ne: “Meme Mvidi Mukulu mulelela, ndi njadika ne: lutambishi lua badi basomba mu bukalenga bua Izrayele ludi lunkuatshisha munyanji. Tshiena musue nzubu yabu milenga. Samariya ne bonsu badi basombamu, ndi mbifila kudi baluishi babu.”

Amosa 6:8 交叉引用

Amosa 4:2

Mukelenge Yehowa wakaditshiha ku buimpe bua tshijila tshiandi ne, Monai, matuku alualua anuhulumunabo ne ndobo bua kuya nʼenu kukuabo, ne bakuabo ba munkatshi muenu badi bashala nebabumushe ne ndobo.

Yirmeya 51:14

Yehowa wa misumba wakuditshiha nkayandi ne, Nenkûshe ne bantu tente, bavulangana bu mukumbi, ne bobo nebakuele mbila bua bakukutamba bukole.

Amosa 8:7

Yehowa wakuditshiha ku bulengele bua Yakoba ne, Bulelela, tshiena mpua bienzedi biabo bionso muoyo tshiendelele.

Misambu 47:4

Udi utusunguila buhianyi buetu, budi butumbi bua Yakoba udiye nʼandi dinanga.

Amosa 3:11

Nunku Yehowa Nzambi udi wamba ne, Muena lukuna neanyunguluke buloba, ne neanutekeshe, nebahaule nsubu ya banfumu benu.

Yirmeya 22:5

Yehowa udi wamba ne, Kadi binuahidia kunvua mei â, ndi nditshiha nkayanyi ne, Nsubu eu neabutuke kabutu.

Misambu 106:40

Bua malu â tshiji tshia Yehowa tshiakatemena bantu bandi bua kuba kengesha, yeye wakakenuka ba mu buhianyi buandi.

Zekâya 11:8

Nakashiha balami basatu mu ngondo umue bualu bua mutshima wanyi wakabanga kuikala nʼabo lutulu, ne mitshima yabo yakandengulula.

Yezekiyele 24:21

Ambila ba mu tshisamba tshia Bena Isalele ne, Mukelenge Yehowa udi wamba ne, Monai, nenyange muaba wanyi wa tshijila, muaba udi butumbi bua bukole buenu, udi usankisha mesu enu, udi mitshima yenu manga; ne bana benu ba balume ne bana benu ba bakashi banuakashiya ku nyima kuenu nebashihibue ku muele wa nvita.

Muadi 2:5

Mukelenge wakulua bu muena lukuna, wakubutula buloba bua Isalele; wakûhula nsubu yandi yonso ya bakelenge, wakushimbula misoko yandi minyunguludibue ne ngumbu; wakuvudishila muana mukashi wa Yuda madilu ne muadi.

Misambu 78:59

Hakunvua Nzambi muanda eu, wakadi ne tshiji, wakatamba kuhidia Bena Isalele.

Misambu 50:12

Bu meme muikale ne nzala, tshiakadi kukuambila; bualu bua buloba mbuanyi ne tshiuwidi tshiabu tshionso ntshianyi.

Dielulula 32:19

Yehowa wakatangila bualu ebu, wakadi nʼabo tshiji, bualu bua mateta a bana bandi balume ne a bana bandi bakashi.

Lewitiki 26:30

Meme nenshimbule bitendelelu bienu bidi ku mutu kua mikuna, nenkose mpingu inudi nutendelela nʼai diba, nengele bitalu bienu ha mutu ha mpingu yenu, mutshima wanyi neunulengulule.

Lewitiki 26:11

Nenshimike nsubu wanyi wa tshitendelelu munkatshi muenu, mutshima wanyi kawena wikala ne tshiji kunudi.

Genese 22:16

wakamba ne, Nakaditshiha ku dina dianyi, muakuamba Yehowa, bualu bua wewe wakuenza bualu ebu, kuakumpidisha muanʼebe, muana umue hele mene,

Yirmeya 12:8

Yuda, buhianyi buanyi, wakulua kundi bu nyama wa ntambue wa mu ditu; yeye wakungela dî bua kumpidia, nunku ndi nʼandi lukuna.

Yirmeya 44:26

Nunku unvuai dî dia Yehowa, nuenu ba mu Yuda badi bashikame mu buloba bua Ejipitu! Yehowa udi wamba ne, Monai, meme nakuditshiha mu dina dianyi dinene ne, Kabena batela dina dianyi kabidi mukana mua muntu munkatshi mua Bena Yuda badi mu buloba buonso bua Ejipitu, wamba ne, Bu mudi Mukelenge Yehowa ne muoyo.

Yirmeya 49:13

Bualu bua Yehowa udi wamba ne, Nakuditshiha meme nkayanyi ne, Musoko wa Bosela neulue tshintu tshidi tshikuatshi ha bantu buowa ne tshidibo bahenda, bu tshihela ne tshidibo bela mulau; misoko yau yonso idi mu ntshiamba neyikale bikulu tô ne tshiendelele.

Osheya 11:6

Muele wa nvita neufike mu misoko yabo, neubutule badi bafuna bulobo, neubashihe, bualu bua mei akahungabo.

Amosa 3:10

Yehowa udi wamba ne, Bantu aba badi babutshile bintu biakanyengabo ku tshimbambila mu nsubu ya banfumu babo, kabena bamanye mua kuenza malu makane.

Amosa 5:21

Ndi mbenga bidia bienu bia disanka, bidi bintonda; tshiena ngunvua disanka hua masangisha enu.

Amosa 8:3

Mukelenge Yehowa udi wamba ne, Misambu ya mu nsubu wa mukelenge neyandamuke miadi dituku adi. Bitalu bia bafue nebikale bia bungi; nebabimashe mu miaba yonso, bahuwe talalâ.

Nsumuinu 8:13

Kutshina Yehowa nkuikala ne malu mabi lukuna. Kudisua, kudibandisha ne nshila wa malu mabi, mukana mudi muamba mei a tshitshu, ndi mbikina.

Yeshaya 28:1

Mulau wikale kudi tshifulu tshia bunfumu tshia diambu tshia bakuatshiki ba maluvu ba mu Efelayima, kudi tshilongo tshidi ne bulengele buatshi bua butumbi tshidi tshifubidila, tshidi tshimena ha mutu ha luhongo luimpe lua bantu aba badi maluvu mahite bukole!

Yirmeya 22:14

udi wamba ne, Nendiashile nsubu munene udi ne nsubu mikuabo minene munda, udi utekamu madidishi a bungi; udi uteka mabaya a cèdre ku bisasa, udi ulabahu mukubu mukunzekunvû.