Amosa 6:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Badi balala ha malalu a mibanga, ne badi badiolola ha matanda; badi badia bana ba mikoko ba mu tshisumbu tshia mikoko, ne bana ba ngombe ba mu tshikumbi.

MUKANDA WA MYIDI MUKULU

⁴ Nudi nulala pa malalu malengeja ne mibanga. Nudi nunangila nkuasa minene milenga, nudia munyinyi wa mukoku, nusanka bua munyinyi wa kana ka ngombe ka mafuta.

Amosa 6:4 交叉引用

Yakobe 5:5

Nuakushikama mu buneme ha buloba, nuakudisankisha ne masanka enu; nuakudiundisha mitshima yenu ilue manyi a bungi bua dituku didibo bashiha.

Amosa 3:12

Yehowa udi wamba ne, Bu mudi mulami wa mikoko udihula maboko abidi anyi tshihesa tshia ditshu mukana mua nyama wa ntambue, nunku nebahandishile Bena Isalele badi bashikame mu Samalea ku ditumba dia bulalu, ne ha biata bia mu Damaseke.

Luke 16:19

Muntu mubanshi wakadiku uluata bilulu bikunze ne bia mushinga mukole, wakadi ne disanka diandi ne butumbi ku dituku ku dituku.

Yeshaya 22:13

ne monai, disanka dia bungi didiku ne musangelu, kushiha kua ngombe ne kua mikoko, kudia kua munyinyi ne kunua kua maluvu, nuambe bienu ne, Tudie bietu, tunue bietu, bua makelela tufuafua.

Misambu 73:7

Mesu abo adi atuntumuka bualu bua mafuta abo, bintu bidibo nʼabi bidi bihita bidi mitshima yabo misue.

Estere 1:6

Bakalembelesha bilulu bitoke ne bia mai a matamba ne bia bleu bilamakasha ne mionshi ya lin mikunzubile ku nkanu ya argent, misuika ku makunshi a mabue a marbre; matanda akadi a or ne a argent mateke ha tshiendedi tshia mabue a marbre makunze ne matoke ne makunzubile ne mafike.

Yirmeya 16:8

Wewe kubuedi mu nsubu mudi bidia bia disanka bua kushikama nʼabo, bua kudia nʼabo ne bua kunua nʼabo.

Yezekiyele 16:49

Tangila, ebu buakadi bubi bua muanʼenu wa bakashi Sodoma; yeye ne bana bandi ba bakashi bakadi ne kudisua ne bia kudia bivule, kabayi bakengela tshintu; kabakakolesha maboko a bahele ne a bakengi.

Yezekiyele 23:41

wakashikama ha bulalu bulengeshibue, buikale ne mesa malongolola ku mpala kuabu, bawakateka musenga wanyi wa manananshi ne manyi anyi.

Amosa 8:3

Mukelenge Yehowa udi wamba ne, Misambu ya mu nsubu wa mukelenge neyandamuke miadi dituku adi. Bitalu bia bafue nebikale bia bungi; nebabimashe mu miaba yonso, bahuwe talalâ.

Mika 6:12

Bualu bua bantu babanji ba mu musoko eu badi bûle tente ne tshimbambila, ne bena musoko badi bamba malu a mashimi, ludimi luabo ludi anu ne mashimi mukana muabo.

Genese 37:25

Bakashikama bua kudiabo bidia, bakabanduluka, bakamona Bena Yishemaele bafume ku Gilada, ne tumelo tuabo tutuala manananshi ne bintu bia muhuya muimpe ne mula, bakadi bahueka mu Ejipitu.

Yeshaya 28:1

Mulau wikale kudi tshifulu tshia bunfumu tshia diambu tshia bakuatshiki ba maluvu ba mu Efelayima, kudi tshilongo tshidi ne bulengele buatshi bua butumbi tshidi tshifubidila, tshidi tshimena ha mutu ha luhongo luimpe lua bantu aba badi maluvu mahite bukole!