Amosa 5:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Kebai Yehowa, nenuikale ne muoyo; bua yeye katemeshi kahia mu tshiota tshia Yosefe, bua koko kakabashidishi, kakuyi muntu mu Betele udi mua kukajima;

MUKANDA WA MYIDI MUKULU

⁶ Pinganayi kudi Maweja-Nangila, nenupete muoyi. Kanuyi benza nanku, neikale bu kapia kadi kakuata ndelanganyi ya Yozefe. Nekashidishe bidi mu Betele, kakuyi udi mua kujima kapia aku.

Amosa 5:6 交叉引用

Yeshaya 55:6

Yehowa udi wamba ne, Keba Yehowa haudi mumanye mua kumusangana; umubikidile hatshidiye ha buihi.

Amosa 5:14

Kebai malu makane, kanukebi malu mabi, bua nuenu nuikale ne muoyo; nunku Yehowa, Nzambi wa misumba, neikale nʼenu, bu munutu nuamba.

Amosa 5:4

Bua Yehowa udi wambila Bena Isalele dî edi ne, Nkeba! meme ne nenuikale ne muoyo;

Yezekiyele 33:11

Ubambile ne, Mukelenge Yehowa udi wamba ne, Bu mundi meme ne muoyo, tshiena ne disanka bua lufu lua muntu mubi, kadi ndi nsanka bua muntu mubi umuke mu nshila wandi mubi bua ikale ne muoyo. Tshingulukai! Tshingulukai! Lekelai bienzedi bienu bibi! Bualu kai nudi basue kufua, nuenu Bena Isalele?

Zekâya 10:6

Nenkoleshe Bena Yuda, nempandishe ba mu tshiota tshia Yosefe, nembahingashe kabidi bualu bua ndi nʼabo luse, nebikale bu bavua kabayi bihatshibue kundi; bualu bua ndi Yehowa Nzambi wabo, nembunvuile.

Amosa 6:6

Badi banuina nvinyo mu malonga, badi badilaba manyi a mushinga mukole hamʼbidi; kadi kabena banyingalasha mitshima yabo bualu bua kubutuka kua Yosefe!

Yezekiyele 37:19

ubambile ne, Mukelenge Yehowa udi wamba ne, Monai, nengangate mutshi wa Yosefe udi mu tshianza tshia Efelayima ne bisamba bia Bena Isalele bidi bilamatangana nʼandi, nengulungakashangane ne mutshi wa Yuda, nenyivuishe mutshi umue, nebikale mutshi umue mu tshianza tshianyi.

Yirmeya 7:20

Nunku Mukelenge Yehowa udi wamba ne, Monai, nempongolole tshiji tshianyi ne njiya yanyi ha muaba eu, ha bantu, ha nyama, ha mitshi ya mu madimi ne ha bia kudia bidi buloba bumenesha; biobi nebibioshe bu kahia kadi kakayi kajima.

Yirmeya 4:4

Nuditengule bua kudijidila kudi Yehowa, numushe misoso ya ku mitshima yenu kabidi, nuenu bantu ba mu Yuda ne badi bashikame mu Yelushalema; bua tshiji tshianyi katshihatuki bu kahia, katshilu bu kahia kadi muntu kayi mua kujima, bualu bua bubi bua bienzedi bienu.

Yeshaya 1:31

Muntu mukole neikale bu tshikanfu tshia kutemesha, ne mudimu wandi newikale bu lusase lua kahia. Bubidi buabi nebihie bohamue, kakuena wa kubijima.

1 Bakalenga 11:28

Muntu eu Yalobama wakadi muntu mukole wa bukitu; Solomo wakatangila ne, Nsongalume eu udi unanukila mu mudimu wandi, nunku wakamuteka ku mutu kua bena mudimu bonso ba mu Bena Yosefe.

2 Samuele 19:20

Muntu webe udi mumanye ne, Nakuenza bibi; nunku, mena, nakadianjila ku mpala kua bantu bonso ba mu nsubu wa Yosefe lelu bua kusangakena ne mukelenge wanyi.

Yoshua 18:5

Bobo nebabutahulule bituha muanda mutekete; Bena Yuda nebashikame mu tshituha tshiabo ku sude, ne Bena Yosefe nebashikame mu tshituha tshiabo ku nôde.

Dielulula 4:24

Bualu bua Yehowa, Nzambi wenu, udi bu kahia kadi kashidisha bionso, udi Nzambi wa mukau.

Ekesode 22:6

Biosha kahia bisumbu bia luosa anyi luosa lua mu budimi, muntu wakatemesha kahia neafute.

Misambu 27:8

Wewe wakuamba ne, Ukebe mpala wanyi. Mutshima wanyi wakukuambila ne, Yehowa, nenkebe mpala webe.

Yeshaya 55:3

Telejai matshu enu, nulue kundi; nunvue bienu, nenuikale ne muoyo. Bua nempunge nʼenu tshihungidi tshia tshiendelele, tshidi luse lunajadikila Davidi kashidi.

Amosa 3:14

mu dituku dinatumina Bena Isalele makenga bua malu mabi abo, nenshihe bioshelu bia Betele; nebakose nsengu ya ku tshioshelu ne neyihone hanshi.

Sefanya 2:3

Kebai Yehowa, nuenu bena kalolo bonso ba ha buloba, badi batumikila mikenji yandi; kebai buakane, kebai kalolo; bumue nebanusokoke mu dituku dia tshiji tshia Yehowa.

Dielulula 32:22

Bualu bua kahia kakatemeshibua mu tshiji tshianyi, kadi katema tô ne mu Muaba wa Bafue, kadi kosha buloba ne bintu biakadiundamu, kadi kosha makunshi adi muinshi mua mikuna mile.

2 Kulondolola 34:25

Bualu bua bobo bakumpidia, bakuoshela nzambi mikuabo musenga wa manananshi, bua kunfuishabo tshiji ku bienzedi bionso bia bianza biabo; nunku tshiji tshianyi tshidi ku muaba eu, katshiena tshijima nansha.

Misambu 69:33

Bualu bua Yehowa udi unvua dî dia badi bakengela bintu, kena uhetula bantu bandi badi bakuatshibue mu nkanu.

Yirmeya 38:20

Kadi Yelemiya wakamba ne, Kabena bakufila kudibo. Ndi nkusengelela ne, Utumikile dî dia Yehowa dindi nkuambila, bua wewe wikale ne diakalengele ne bua mutshima webe wikale ne muoyo.

Yezekiyele 21:3

Ambila buloba bua Isalele ne, Yehowa udi wamba ne, Ndi nkuhidia, nempatule muele wanyi wa nvita mu tshimanga tshiau, nembutule bantu ba munkatshi muenu, bakane ne babi.