Agayi 2:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yehowa udi wamba ne, Nakanukengesha ne kufubisha kua midioko ne butu, nakanutumina mabue a nvula, biakanyanga midimu yonso ya bianza bienu; kadi kanuakakudimuna mitshima yenu kundi.

MUKANDA WA MYIDI MUKULU

¹⁷ Meme kunyanga biakudia bionsu bia mu madimi enu: meme kukumisha, kubibolesha, kubinyangakaja ne mabue a mvula. Kadi kanuena bapingane kundi meme Maweja-Nangila to.

Agayi 2:17 交叉引用

Dielulula 28:22

Yehowa neanutumine disama dia nfuenke ne dia mubidi kahia ne dia biusha ne dia lukanku, ne miele ya nvita, ne luhehele lua nvunde ne butu; malu au neanulonde tô ne hanuafua.

Agayi 1:11

Nakabikila munanga bua kulua mu buloba, ne ha mikuna ne ha maminu ne ha nvinyo ne ha manyi, ne ha bintu bionso bidi buloba bulua nʼabi; ne kudi bantu ne nyama, ne ku midimu yonso ya ku bianza biabo.

Agayi 1:9

Nuakutekemena bia kudia bia bungi, ne monai, biakadi anu bibalê; hanuakulua nʼabi kuenu, nakubihehuka! Bualu kai? Edi ndikonka dia Yehowa wa misumba. Mbualu bua nsubu wanyi udi mulale munyanguke, hanudi nunyema, muntu ne muntu, ku nsubu kuandi.

1 Bakalenga 8:37

Bialua tshiole mu buloba, anyi disama dikole, anyi biakuata butu anyi bishi, anyi bialua mikumbi anyi meshi, anyi biabatshintshimika bena lukuna babo mu buloba bua misoko yabo, bikalabo ne dikenga kai anyi disama kai;

Yirmeya 5:3

Wewe Yehowa, mesu ebe kaena amona bualu bulelela, anyi? Wewe wakubakengesha, kadi kabakunyingalala; wewe wakubabutula, kadi bakubenga kuitabusha diyisha; bakukolesha mpala yabo mihite mabue bukole, bakuhidia kualukila kûdi.

Didimanyisha 2:21

Nakamuha musangu bua kukudimuneye mutshima wandi, ne kena musue kukudimuna mutshima bua masandi andi.

Amosa 4:6

Yehowa udi wamba ne, Meme hanyi nakatuma tshiole mu misoko yenu yonso, ne dikenga dia bia kudia mu miaba yenu yonso; kadi kanuena banze kuhingana kundi.

Yirmeya 3:24

Kadi luhingu elu ludi lufuisha bundu luakumana kudia mamuma a midimu ya batatu betu ku buana buetu mene, bisumbu bia mikoko yabo, ne bia bimuna biabo, bana babo balume ne bana babo bakashi.

Yeshaya 62:8

Yehowa wakuditshiha ku tshianza tshiandi tshia balume, ne ku diboko diandi dikole ne, Bulelela, tshiena nfila maminu ebe kabidi bu bia kudia kudi badi nʼebe lukuna; ne bantu ba bende kabena banua nyinyo webe muhia-muhia uwakukuatshila mudimu.

Yeshaya 42:25

Nunku yeye wakahumuna bukole bua tshiji tshiandi, ne bukole bua nvita hamʼbidi habo. Nvita yakabatemeshila kahia mu nseke yonso, kadi kabakajingulula bualu ebu; kahia kakabosha, kadi kabakateka bualu ebu mu mitshima yabo.

Yeshaya 37:27

Nunku bena misoko ei bakadi ne bukole bukese, bakatshina, bakabondakana; bakadi bu mashinde a mu budimi, bu mashinde a lutende, bu masele mabishi adi amena ha misaka ya nsubu, ne bu budimi bua maminu adi anyanguka kâyi manji kumena bimpe.

Yeshaya 9:13

Kadi bantu aba kabakuhingana kudi yeye wakabakuma, kabakukeba Yehowa wa misumba.

Misambu 78:46

Wakafila bintu biabo bia kunowa kudi meshi, ne wakafila mamuma a ku mudimu wabo kudi mikumbi.

Yobe 36:13

Badi babenga Nzambi mu mitshima yabo badi baditekelamu tshiji; kabena badila dikuatshisha diandi habakengesheye.

2 Kulondolola 28:22

Ahaza, mukelenge eu mene, wakatamba kuenzela Yehowa bibi mu matuku a ntatu yandi.

2 Kulondolola 6:28

Bialua tshiole nansha tshihuhu anyi biakuata bintu mamoma ne butu, nansha mikumbi nansha meshi, biatshintshimika bena lukuna misoko yabo; bialua makenga ne masama onso;

Genese 42:27

Hakafikabo ku nsubu wa tshilala benyi, umue wabo wakasulula tshi bombi tshiandi bua kudisheye mpunda wandi, wakatangila argent yandi ba mutu ha tshibombi tshiandi.

Genese 42:23

Bobo kabakamanya ne, Yosefe wakadi ujingulula mei akadibo bambilangana, bualu bua muandamunyi wa miaku wakadiku.

Genese 42:6

Yosefe wakadi mukokeshi wa mu buloba, nyeye mene wakadi uhanyisha bantu bonso bintu, bana babo ne Yosefe bakalua, bakamukukuila hanshi.

Yeshaya 28:2

Monai, Mukelenge udi ne muntu munene ne mukole udi bu tshihuhu tshia mabue a mula tshidi tshishiha bintu bikuabo, udi bu mai adi ahueka bikole adi ahasalala mielelu ya musulu ku mpala kua tshihuhu, udi wela bintu hanshi ne tshianza tshiandi tshikole.

Misambu 128:2

Bua wewe neudie bia kudia biwakukuatshila mudimu ku bianza biebe; newikale ne disanka, newikale ne diakalengele.

Agayi 1:6

Nuakukuna bintu bia bungi, nuakuhuola bintu bibalê; nudi nudia, kadi kanuena mua kukuta; nudi nunua, kadi kanuena mua kukuta ne binudi nunua; nudi nudiluatshisha bilulu, kadi kanuena mua kuota nʼabi; ne muntu udi wangata difutu ku mudimu wandi udi udiangata bua kuditeka mu tshibombi tshidi tshitubuke.

Agayi 2:16

Mu tshikondo atshi, hakalua muntu ku mushiki wa bihiminu makumi abidi bia bia kudia, anu dikumi biakadiku; ne hakalua muntu ku mulondo munene wa nvinyo bua kutunta bihiminu makumi atanu, wakasangana anu makumi abidi.

Malaki 3:11

Yehowa wa misumba udi wamba ne, Nenkanyine mudi wa bia kudia, bua yeye kabutudi bintu bidi buloba buenu bumenesha; ne muonshi wenu wa tumuma mu budimi kawena uhohoka tumuma tua nvinyo hatshididi tubishe.