2 Samuele 22:31 - Mukanda wa Nzambi Dihungila Dikulukulu ne Dihungila Dihia-dihia 2003

³¹ Nshila wa Nzambi udi muakane tshishiki; dî dia Yehowa didi ditetshibua; yeye udi ngabu kudi bantu bonso badi banyemena kudiye.

MUKANDA WA MYIDI MUKULU

³¹ Bidi Mvidi Mukulu wenza bidi amu bimpe! Meji adiye ufila ke atudi mua kulonda. Udi bu ngabu, udi ulama badi banyemena kudiye.

2 Samuele 22:31 交叉引用

Dielulula 32:4

Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.

Nsumuinu 30:5

Di dionso dia Nzambi diakutetshibua ne, Didi dia bushuwa; yeye udi ngabu kudi badi banyemena kudiye.

Misambu 18:30

Au mmalu a Nzambi — nshila wandi udi muakane tshishiki; dî dia Yehowa diakatetshibua ne, Didi dia bushuwa. Yeye udi ngabu wa banso badi banyemena kudiye.

Matayi 5:48

Nunku nuenu nenuikale bakane bu mudi Tatu wenu wa mu diulu muakane.

Misambu 119:140

Dî diebe didi dilengeshibue tshishiki, nunku muena mudimu webe udi nʼadi dinanga.

Misambu 12:6

Mei a Yehowa adi mimpe; adi bu tshiamu tshia argent tshiakufulabo mu ditanda dia ha buloba, tshiakufulabo misangu muanda mutekete.

2 Samuele 22:3

Nzambi, dibue dianyi, nengeyemene kudiye, ngabu wanyi, ne lusengu lua luhandu luanyi, tshibumba tshianyi tshile ne tshinyemenu tshianyi, musungidi wanyi, udi usungila ku malu makole onso.

Misambu 35:2

Ukuate ngabu mukese ne ngabu munene, ujuke biebe bua kunkuatshisha.

Misambu 91:4

Neakubuikile ne masala andi, neusangane tshinyemenu muinshi mua mahuahua andi; bujalame buandi bua bushuwa budi ngabu wa ha tshiadi ne ngabu wa ku tshianza.

Misambu 84:9

Mona, wewe Nzambi, ngabu wetu, utangile mpala wa muntu webe udi muedibue manyi ha mutu!

Didimanyisha 15:3

Badi bimba musambu wa Mose, muhika wa Nzambi, ne musambu wa Muana wa Mukoko, bamba ne, Mukelenge Nzambi wa Bukole Buonso, midimu yebe idi minene ne ya dikema. Wewe, Mukelenge wa bikondo, nshila yebe idi miakane ne ya bulelela.

Danyele 4:37

Katataka, meme Nebukadenesâ, ndi ntumbisha, ndi nganyisha, ndi nnemeka Mukelenge wa mu diulu; bualu bua bienzedi biandi bionso bidi bia bushuwa, ne malu andi adi makane; yeye udi ne bukole hua kuhuekesha badi benda ne dihetu diabo.

Misambu 2:7

Nengambile bantu mukenji wandi; Yehowa wakungambila ne, Wewe udi muana wanyi; lelu eu nakuelela.

Nehemya 9:8

wewe wakamusangana ne mutshima wa kukueyemena, wakahunga nʼandi tshihungidi bua kumuha buloba bua Bena Kanâna, bua Bena Hiti, bua Bena Amole, bua Bena Pelese, bua Bena Yebuse ne bua Bena Gîgashi, bua kubuha tunkanunuma tuandi; wewe wakenza mei ebe onso, bualu bua wewe udi muakane.

Yobe 34:10

Nunku nungunvuile, nuenu badi bajingulula malu; bualu ebu kabuikadi kudi Nzambi bua yeye kuenza malu mabi, anyi bua Wa Bukole Buonso kuenzeye bibi!

Misambu 145:17

Yehowa udi muakane mu nshila yonso idiye uyilamu, udi ulesha dinanga mu bienzedi biandi bionso.

Muambi 3:14

Ndi mumanye ne, Malu onso adi Nzambi wenza neajalame tshiendelele; kabena bamanye mua kusangisha tshintu ha mutu, kabena bamanye mua kumushaku tshintu; Nzambi wakenza nunku bua bantu bamutshine.

Danyele 4:34

Hakahita matuku â, meme, Nebukadenesâ, nakabanduluka ne nakatangisha mesu anyi mu diulu; meji anyi akahingana kundi. Nakavudishila Mutambe Bunene wa mu diulu disanka, nakamutumbisha ne nakamunemeka, Yeye udi ne muoyo tshiendelele. Bualu bua bukokeshi buandi budi bukokeshi bua tshiendelele, ne bukelenge buandi budi bujalame ku tshikondo ku tshikondo.