2 Samuele 22:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Wakolola tshianza tshiandi mu diulu, wakangata, wakankoka mu mai manene a bungi.

MUKANDA WA MYIDI MUKULU

¹⁷ Diba adi, mu diulu mudiye, kololaye tshianza, kunkuata. Kumpatalaye mu njiwu mumvua mudine ne kasuki.

2 Samuele 22:17 交叉引用

Yeshaya 43:2

Hawahitshila mu mai, nengikale nʼebe; hawahitshila mu misulu, kayena ihasalala ha mutu hebe; hawahita mu kahia, kuena ushila, ludimi lua kahia kaluena lukuosha.

Misambu 144:7

Olola tshianza tshiebe mulu mûdi mushikame, umpandishe, umpatule munda mua mai mavule, mu bianza bia bantu ba bende.

Misambu 32:6

Bua bualu ebu muntu yonso udi unanga Nzambi akulombe mu tshikondo tshidiye mumanye mua kukusangana; bulelela, halua mai manene kuhasalala, kaena afika ha buihi nʼandi.

Misambu 18:16

Wakatuma tshianza tshiandi tshifume mu diulu, wakankuata, wakampa tula mu mai a bungi.

Didimanyisha 17:15

Yeye wakungambila ne, Mai awakatangila, kudi mukashi wa masandi ushikama, adi bantu ne bisumbu bia bantu, ne bisamba, ne miaku.

Misambu 130:1

Ndi ndila kûdi, Yehowa, mu dijimba dia kanyinganyinga mundi mushikame.

Ekesode 2:10

Muana wakakola, mamuʼandi wakalua nʼandi kudi muana wa bakashi wa Palo, yeye wakalua bu muana wandi mene. Yeye wakamuidika dina ne, Mose, wakamba ne, Bualu bua nakamukoka mu mai.

Muadi 3:54

Mai akahita ha mutu banyi; nakamba ne, Ndi mujimine.

2 Samuele 22:18

Wakasungila kudi muena lukuna wanyi mukole, mu bianza bia bakadi bankina, bualu bua bobo bakampita bukole.