2 Korente 8:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bikala kudilongolola kudiku, bidi bitabushibua bu mudi muntu nʼabi, kembu mudiye kai nʼabi.

MUKANDA WA MYIDI MUKULU

¹² Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.

2 Korente 8:12 交叉引用

2 Korente 9:7

Nunku muntu ne muntu afile bintu bu muakadisunguileye mu mutshima wandi; kafidi ne kanyinganyinga, anyi bu muenzesha ku bukole; bualu bua Nzambi udi musue muena kuha udi ufila ne disanka.

Ekesode 35:29

Bena Isalele bonso, balume ne bakashi, ba mitshima miololoke bakitabusha kufila bintu ku mudimu wakadi Yehowa Wambila Mose bua kuenjibua, bakabika kudi Yehowa bu kuha kuabo kua disanka.

1 Petro 4:10

bu muakangata muntu ne muntu tshihedi, nukuatshishangane nkatshi munkatshi muenu, bu balami bimpe ba ngasa muvulangane wa Nzambi.

Ekesode 35:5

Usangishe kuha kua Yehowa munkatshi muenu; muntu yonso udi witabusha mu mutshima wandi, alue biandi ne kuha kua Yehowa: ne or ne argent ne tshiamu tshia mitaku,

Ekesode 25:2

Wambile Bena Isalele bua kumpeshabo bintu bia kuntendelela nʼabi, nenuangate kudi muntu ne muntu bintu bidi mutshima wandi musue bua kuntendelela nʼabi.

Luke 16:10

Muntu udi mua kueyemenyibua hadiye ne bintu bikese neikale mua kueyemenyibua kabidi hikaleye ne bintu bia bungi; muntu udi mubi hadiye ne bintu bikese neikale mubi kabidi hikaleye ne bintu bia bungi.

Nsumuinu 19:22

Tshidi tshivuisha muntu dinanga kudi bakuabo nduse luandi; muntu muhele udi uhita muena mashimi buimpe.

2 Kulondolola 6:8

Kadi Yehowa wakambila Davidi tatu wanyi ne, Wewe wakuenza bimpe bua bualu ebu buakadi mu mutshima webe bua kuibakila dina dianyi nsubu;

2 Korente 8:11

Katataka nushikishe kuenza kuabu kabidi; bu munuakadi badilongolole bua kusua, nunku nuikale ne dishikisha dia bualu kabidi bu munudi mua kuenza.

2 Korente 8:13

Tshiena nuambila dî edi bua bakuabo batalale ne bua nuenu nuikale ne bujitu,

2 Korente 8:19

kembualu ebu nkayabu, kadi yeye wakadi musungudibue kabidi kudi bena ekelesia bua kuendakana nʼetu mu muanda wa ngasa eu utudi tukuatshila mudimu bua butumbi bua Mukelenge, ne bua kulesha kudilongolola kuetu;

Ekesode 35:24

Muntu ne muntu wakadi ne tshiamu tshia argent ne tshia mitaku wakalua nʼabi bu kuha kua Yehowa, muntu yonso wakadi ne mitshi ya acacia yakadibo mua kuenza nʼai mudimu wakalua nʼai.

Matayi 25:17

Nunku wakadi ne ntalanta ibidi wakaheta minga ibidi.

Matayi 25:22

Wakadi muangate ntalanta ibidi wakalua, wakamba ne, Mukelenge, wewe wakampa ntalanta ibidi, mona, nakuheta minga ibidi.