2 Korente 6:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bena Kolinto, mukana muetu mudi mubulule kunudi, mitshima yetu idi midiundishibue.

MUKANDA WA MYIDI MUKULU

¹¹ Bana hetu basuibue ba mu Korente, tuvua banuambile malu onsu patoke, banunzuluile muoyi wetu mujima.

2 Korente 6:11 交叉引用

Filipe 1:8

Nzambi udi mumanyi wanyi bu mundi nujinga ne dinanga didi munda mua Kilisto Yesu.

2 Korente 12:15

Nengikale ne disanka dia bungi bua kunyanga bintu bianyi bionso ne bua kudinyanga bua mioyo yenu. Havula dinanga dianyi kunudi, dinanga dienu kundi didi dikeha, anyi?

Misambu 119:32

Nenyemene mu nshila wa mikenji yebe, hawadiundisha mutshima wanyi.

2 Korente 2:4

Nakanufundila ne kanyinganyinga ka bungi ne mutshima munemu bujitu bua bungi ne binsonshi bia bungi ku mesu; kembua mitshima yenu inyingalashibue, kadi bua nuenu mimanye dinanga dindi ntamba kukumbasha kunudi.

Didimanyisha 22:12

Tangila, ndi ndua lubilu; ne difutu dianyi didi nʼanyi, dia kuhingishila kudi muntu ne muntu, bu mudi mudimu wandi.

Filipe 4:15

Nuenu mene, Bena Filipoi, nudi bamanye kabidi ne, Ku tshibangidilu tshia kuamba kuanyi kua lumu luimpe, hanakumuka ku Makedonia, kakuakadi ekelesia mukuabo wakadi ne buobumue nʼanyi mu bualu bua kuha ne kuangata kua bintu, anu nuenu nkayenu.

Ngalate 3:1

Nuenu Bena Galatia bahote, ku mesu kuenu kuakatekabo Yesu Kilisto mushihibue ku mutshi mutshiamakane hatoke, wakanuhambuisha nganyi?

1 Samuele 2:1

Hana wakatendelela, wakamba ne, Mutshima wanyi udi utumbishibua mu Yehowa; lusengu luanyi ludi lubandishibua mu Yehowa. Mukana muanyi mudi mudiundishibua kudi bakadi nʼanyi lukuna: bualu bua meme ndi nsanka mu luhandu luebe.

Efeze 6:8

Nudi bamanye bienu ne, Bualu buonso buimpe budi muntu ne muntu wenza, buobuo mene mbudiye wangata kabidi kudi Mukelenge, bikaleye muhika anyi mudishikamine.

Abakuke 2:5

Bualu bua dikuatshika diandi dia maluvu didi dimuvuisha umena dikamakama, muena dihetu udi kayi musue kushala kuandi; maluvu adi adiundisha lukuka luandi ku bunene bua Muaba wa Bafue, bu lufu ludi kaluyi mua kukuta; kadi yeye udi usangisha ba mu bisamba bionso ne udi ukungisha bantu bonso kudiye.

Misambu 51:15

Mukelenge, ubulule mishiku yanyi, ne mukana muanyi nemumanyishe bantu butumbi buebe.

Yobe 32:20

Nengambe dî dianyi bua meme mmanye mua kuhuyakana bimpe; nembuele mukana muanyi bua kumukudimuna dî dianyi.

Yeshaya 60:5

Mu diba adi neumone muanda eu, neutambe kusanka, mutshima webe neukume, neûle ne disanka; bua nebakudimune biuma bidi bituadibue ha mai manene, nebanfikishe kûdi, ne luhetu lua bisamba bia bantu nelufike kûdi.

Yezekiyele 33:22

Tshianza tshia Yehowa tshiakadi hamʼbidi hanyi dilolo diambedi muntu au muhanduke kayi muanze kufika kundi; ne Yehowa wakamana kubulula mukana muanyi mu diba adi diakalua muntu au kundi dinda; nunku mukana muanyi muakabuluibua ne tshiakadi bu kamama kabidi.

Bienzedi 18:1

Hakashika malu â, wakumuka mu Atena wakalua ku Kolinto.

Bienzedi 18:8

Kulisipo wakadi ha mutu ha nsunagoga, wakitabusha Mukelenge ne ba mu nsubu wandi bonso; Bena Kolinto ba bungi, hakunvuabo, bakitabusha, bakabatijibua.

Ngalate 4:12

Bana betu, ndi nusengelela bua nuenu nulue bu meme, bualu bua meme nakulua bu nuenu. Kanuakangenzela bibi;

Efeze 6:19

ne bua bualu buanyi kabidi, bua meme kuheshibua mua kuakula hanabulula mukana muanyi ne bua meme kumanyisha bantu ne dikima bualu bua lumu luimpe busokoka.