2 Korente 5:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu bua tuetu tudi bamanye ditshina dia Mukelenge, tudi tuitabushisha bantu; kadi tudi tumueneshibua ku mpala kua Nzambi, ne ndi ntekemena ne, Tudi tumueneshibua ku muoyo-mukese wenu kabidi.

MUKANDA WA MYIDI MUKULU

¹¹ Tudi bamanye mutudi ne bua kutshina Mfumu. Ke patudi tukeba kufikisha bantu ku ditaba. Mvidi Mukulu mmutumanye muetu muonsu mutudi. Ndi ntekemena kabidi ne: nuenu munda muenu nudi bammanye kabidi muanyi muonsu mundi.

2 Korente 5:11 交叉引用

Yuda 1:23

nusungile bakuabo, nubahatule mu kahia; nufuile bakuabo luse ne ditshina; kadi nuikale ne tshilulu tshidi ne matobe a malu mabi a mubidi lukuna.

Ebrewu 10:31

Mbualu bua buowa bua kuhona mu bianza bia Nzambi udi ne muoyo.

Didimanyisha 20:15

Bikala muntu kai musanganyibue mufunda mu mukunda wa muoyo, wakedibua mu dishiba dia kahia.

2 Korente 6:1

Tuetu, benji ba mudimu ne Nzambi, tudi tunusengelela kabidi ne, Kanuangatshi ngasa wa Nzambi bu bualu bua hatuhu;

2 Korente 5:20

Nunku tudi miloho bua bualu bua Kilisto, bu mudi Nzambi munusengelele ne dî dietu, nunku tuetu tudi tunusengelela bua bualu bua Kilisto ne, Nulengeshibue ne Nzambi.

Bienzedi 18:13

bakamba ne, Muntu eu udi witabushisha bantu bua kutendelelabo Nzambi ne tshitendeledi tshidi mikenshi ikanda.

Luke 12:5

Meme nenudimushe bua wa nuenu kutshina: Nutshine udi ne bukole bua kuela bantu mu Ngena; bulelela, ndi nuambila ne, Numutshine yeye.

Nahume 1:6

Udi mua kuimana ku mpala kua tshiji tshiandi nganyi? Udi mua kukolela njiya yandi nganyi? Tshiji tshiandi tshikole tshidi tshitema bu kahia, ne yeye udi uhanda mabue.

Misambu 90:11

Udi mumanye bukole bua tshiji tshiebe nganyi? Udi mumanye njiya yebe idi itshinyisha bantu nganyi?

Misambu 76:7

Wewe, wewe hebe, udi ukuatshisha bantu buowa; nganyi udi mumanye mua kuimana ku mpala kuebe hawakuata tshiji?

Yobe 31:23

Bualu bua dikenga difume kudi Nzambi diakankuatshisha buowa, tshiakadi ne bukole ku mpala kua butumbi buandi.

Ngalate 1:10

Katataka ndi nkeba diakalengele kudi bantu anyi kudi Nzambi? Ndi nkeba mua kusankisha bantu, anyi? Bu meme ntshidi nkeba kusankisha bantu, tshiakadi kuikala muhika wa Kilisto.

2 Korente 2:17

Bualu bua tuetu katuena bu ba bungi badi banyanga dî dia Nzambi! kadi mu Kilisto tudi tuamba dî ne mitshima mitoke bu mutudi ba kudi Nzambi ne ku mesu kua Nzambi.

Bienzedi 28:23

Hakamusunguilabo dituku, bakalua ba bungi mu nsubu muandi; yeye wakabalondoluela malu, wakabayisha bua bukelenge bua Nzambi, wakateta bua kubitabushisha Yesu, ne ku mikenshi ya Mose ne ku mei a baprofete, dinda tô ne ku dilolo.

Bienzedi 26:26

Mukelenge Agipa udi mumanye bua malu â; ndi muambilau ne dikima; bualu bua ndi ngitabusha ne, Kakuena bualu bumue bua mu malu â budi bumusokome, bua bualu ebu kabuakenjibua mu ditumba dia nsubu.

Bienzedi 19:26

Nudi nutangila, nudi nunvua ne, Nasha mu Efeso nkayamu, kadi mu luseke luonso lua Asia, anu tuaba tukese tudi tushala, Paulo eu wakitabushisha bantu ba bungi wakabakudimusha mitshima yabo, wamba ne, Nzambi idi nuenza ne bianza kayena Nzambi.

Bienzedi 18:4

Yeye wakakulangana ne bantu mu nsunagoga ku Lumingu ne ku Lumingu lua Bayuda, wakakeba kuitabushisha Bena Yuda ne Bena Gelika.

Bienzedi 13:43

Hakamuangalaka bantu, Bena Yuda ba bungi ne bitabushi bimpe ba bualu bua Bena Yuda bakalonda Paulo ne Bânaba; bobo bakabambila ne, Nunanukile mu ngasa wa Nzambi.

Luke 16:31

Yeye wakamuambila ne, Bikalabo kabai bunvua mei a Mose ne a baprofete, kabena bitabusha biabika muntu wa mu bafue.

Matayi 25:46

Bantu aba nebaye mu dikenga dia tshiendelele, kadi bantu bakane nebaye mu muoyo wa tshiendelele.

Matayi 10:28

Kanutshinyi badi bashiha mubidi, kadi kabena bamanye mua kushiha muoyo; kadi nutshine udi mumanye mua kujimisha muoyo ne mubidi kabidi mu Ngena.

Yeshaya 33:14

Bantu babi ba mu Siona badi batshina; lukanku luakukuata badi kabayi bitabusha Nzambi. Muntu kai wa munkatshi muetu udi mua kushikama hehi ne kadilu kadi kashidisha? Muntu kai udi mua kushikama hehi ne kahia kadi kosha tshiendelele?

Misambu 73:19

Mona mudibo babutuke kabutu mu katuha ka diba! Badi bajimishibue tshiendelele ku buowa bua bungi.

Yobe 18:11

Malu a buowa adi amutshinyisha ku nseke yonso, adi amulonda ku nyima, adi amuihata.

Yobe 6:4

Bualu bua mikete ya Wa Bukole Buonso idi munda muanyi, muoyo wanyi udi unua lulengu luai; malu adi Nzambi untshinyisha nʼau adi mela mualu wa nvita ku mpala kuanyi.

Genese 35:5

Bakaya ku luendu luabo, ditshina dia Nzambi diakadi ku misoko yakadi ha buihi nʼabo, ne bena musoko kabakalonda bana ba balume ba Yakoba.

Yeshaya 19:16

Mu dituku adi Bena Ejipitu nebikale bu bakashi. Nebazakale ne nebatshine bua kukuha kua tshianza tshia Yehowa wa misumba tshidiye ukuha ha mutu habo.

Efeze 5:21

Nukokelangane mu ditshina dia Kilisto.

Ebrewu 12:29

bualu bua Nzambi wetu udi kahia kadi kashidisha.