2 Korente 4:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ tuakuihatshibua, kadi katuena tulekedibua ha nkayetu; tuakukumibua hanshi, kadi katuena tushihibua;

MUKANDA WA MYIDI MUKULU

⁹ Badi banduisha, kadi Mvidi Mukulu kena utulekela nansha. Badi batuela panshi, kadi tudi tulandapuka.

2 Korente 4:9 交叉引用

Yeshaya 43:2

Hawahitshila mu mai, nengikale nʼebe; hawahitshila mu misulu, kayena ihasalala ha mutu hebe; hawahita mu kahia, kuena ushila, ludimi lua kahia kaluena lukuosha.

Mika 7:8

Kusanki bua dikenga dianyi, wewe muena lukuna wanyi; binahona hanshi, nembike kabidi; nansha hanashikama mu midima, Yehowa neikale munya wanyi.

Nsumuinu 24:16

Bualu bua muntu muakane udi uhona misangu muanda mutekete, udi ubika kabidi; kadi bantu babi badi balenduka mu dikenga.

Misambu 42:11

Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi bualu bua yeye udi luhandu luanyi ne Nzambi wanyi.

Ebrewu 13:5

Mioyo yenu kaikadi ne lukuka lua biuma, nuikale ne disanka ne bintu binudi nʼabi, bualu bua Nzambi muine wakuamba ne, Tshiena nkulekela, nasha kakese, tshiena nkushîa tshianana.

2 Korente 7:6

Kadi Nzambi, udi usamba bantu buhuekela, wakatusamba mu kulua kua Tito;

Yeshaya 62:4

Kabena bakubikila kabidi ne, Mushiya hatuhu; kabena babikila buloba buebe kabidi ne, Bubutuke; kadi nebakubikile ne, Disanka-dianyi-didi-kudiye, nebabikile buloba buebe ne, Mubakibue; bualu bua Yehowa udi nʼebe disanka, ne buloba buebe nebuikale bu mukashi mubakibue kudi mulume.

Misambu 9:10

Badi bamanye dina diebe nebakueyemene; buala bua wewe, Yehowa, kuena muanze kulekela bantu badi bakukeba.

Yowanane 15:20

Nuvuluke dî dinakunuambila ne, Muhika kena mutambe nfumu wandi. Biankengeshabo, nebanukengeshe kabidi; bienzabo dî dianyi, nebenze dî dienu kabidi.

Misambu 42:5

Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi, bualu bua yeye udi luhandu luanyi ne Nzambi wanyi.

Misambu 37:28

Bualu bua Yehowa udi unanga kulumbulula kuakane, kena ulekela bansanto bandi. Bantu bakane nebalamibue tshiendelele, kadi bana ba bantu babi nebajimishibue.

Misambu 22:1

Nzambi wanyi, Nzambi wanyi, wakundekela tshinyi? Bualu kai wewe udi aku kule kuyi unkuatshisha, kuyi unvua mei a kutua kuanyi kua mikemu?

Yobe 22:29

Bualu bua Nzambi udi uhuekesha badi badibandisha, udi ubandisha udi ne mesu andi minama.

Misambu 129:2

Bakankengesha ku buana buanyi tô ne mpindiu, kadi kabakumpita bukole.

Abakuke 3:17

Bikala mutshi wa nfigi kauyi usampila ntonga, hikalaku kakuyi tumuma ku mionshi ya nyinyo; biahanga mutshi wa olive kukuama, biahanga madimi kulua bia kudia; bikala mikoko ya mu luhangu kayiyiku, ne bikalaku kakuyi bimuna mu mpangu yabi;

Rome 8:35

Udi mua kutuhandulula ku dinanga dia Kilisto nganyi? Ntatu idi mua kuenza nunka, anyi kanyinganyinga, anyi tshinyangu, anyi tshiole, anyi butaka, anyi njû, anyi muele wa nvita?

2 Timote 3:12

Ne bantu bonso badi basue kuikala bena kanemu mu Kilisto Yesu nebakengeshibue.