2 Korente 3:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ kadi meshi abo akakoleshibua, bualu bua tô ne ku dituku edi, habalabo dihungila dikulukulu, tshilulu tshikudika tshiotshimue tshitshidi tshishala, bualu ebu kabuena buanze kubuluibua kudibo ne, Tshidi tshiumushibua mu Kilisto.

MUKANDA WA MYIDI MUKULU

¹⁴ Kadi lungenyi luabu kaluvua mua kumvua bualu to. Too ne ku lelu padibu babala mikanda ya ndondu wa kale, tshilamba tshia momumue tshidi tshibuikila lungenyi luabu. Badi bumusha tshilamba etshi amu padi muntu udisanga ne Kristu.

2 Korente 3:14 交叉引用

Bienzedi 26:18

bua wewe kubulula mesu abo, bakome nyima ku midima batangile ku munya, bakoma nyima ku bukole bua Satana batangile kudi Nzambi, bua bobo bahete dijimisha dia mibi yabo ne buhianyi munkatshi mua badi balengeshibue ku ditabusha didibo bangitabusha nʼadi.

Rome 11:25

Bana betu, tshiena musue nuhange kumanya bualu ebu busokoka, bua nuenu kanuditekemenyi bu munudi bena meshi, ne, Bukole bua mutshima buakakuata Bena Isalele tshituha tshihi, tô ne hafika dikumbana dia bisamba bia bende mu lumu luimpe.

2 Korente 4:6

Bualu bua Nzambi nguakamba ne, Munya neuteme mu mîdima; yeye wakatema mu mitshima yetu bua kutuha dinkenka dia lungenyi lua butumbi bua Nzambi ha mpala ha Yesu Kilisto.

Bienzedi 16:14

Mukashi wakadiku, dina diandi Ludia, wakadi biandi musumbishi wa bilulu bikunze wa ku musoko wa Tuatila, yeye wakadi mutendeledi wa Nzambi, wakunvua dî dietu; Nzambi wakabulula mutshima wandi bua kutumikileye malu akambabo kudi Paulo.

Bienzedi 13:15

Hakashikishabo kubala mikenshi ya Mose ne mei a baprofete, bakelenge ba mu nsunagoga bakatumina Paulo ne bakadi nʼandi dî ne, Bana betu, binuikala ne dî dia kukolesha nʼadi mitshima ya bantu, ambai.

Yowanane 12:46

Nakulua ha buloba bu munya, bua yonso wangitabusha kashadi biandi mu midima.

Yowanane 12:40

Yeye wakafofomesha mesu abo, wakakolesha mitshima yabo; Nunku mesu abo kâmonyi, kabamanyi mu mitshima yabo, Kabakudimunyi mitshima yabo Bua meme kubondaha.

Yowanane 8:12

Yesu wakabambila kabidi ne, Ndi munya wa ba ha buloba; wandonda kena wendakana mu mîdima, kadi neikale ne munya wa muoyo.

Matayi 16:17

Yesu wakamuandamuna ne, Simona Bâ-yona, wewe udi ne disanka; bantu kabakukubuluila bualu ebu, anu Tatu wanyi wa mu diulu.

Matayi 13:11

Yeye wakabandamuna ne, Bakanuha bienu lungenyi lua kumanya malu a bukelenge bua mu diulu adi masokoka, kadi kabakabahalu.

Matayi 6:23

Kadi bikala disu diebe dibi, mubidi webe wonso neufike ne midima. Nunku bikala munya wa munda muebe muikale mîdima, mîdima ei idi mitambe kufika.

Yezekiyele 12:2

Muana wa muntu, wewe udi mushikame munkatshi mua ba mu tshisamba etshi tshia bantombokedi, badi ne mesu a kumona nʼau kadi kabena bamona, badi ne matshu a kunyua nʼau kadi kabena bunvua; hualu bua badi diku dia bantombokedi.

Yirmeya 5:21

Unvuai bienu dî edi, nuenu bantu bahote ne badi kabayi ne mitshima idi ijingulula; nudi ne mesu, kadi kanuena numona; nudi ne matshu, kadi kanuena nunvua.

Yeshaya 44:18

Bobo kabena bamanye, kabena belangana meji; bualu bua yeye wakumana kubuikila mesu abo ne kabena mua kutangila; wakukanda mitshima yabo ne kabena mua kujingulula.

Yeshaya 59:10

Tudi tububuta bua kuheta tshimanu bu mudi bafofo benza; e, tudi tububuta bu badi kabayi ne mesu; tudi tulenduka munda munya bu mutudi tuenza mu kajimbʼa buenyi; munkatshi mua batshidi ne bukole buabo buonso tudi bu bantu bafue.

Yeshaya 56:10

Batentekedi bandi badi bafofo, buonso buabo kabena ne meji, buonso buabo badi bu mbua idi ihuwa, idi kayiyi mua kubuluka; idi ilotakana, idi ilala hanshi, idi misue kulala tulu.

Yeshaya 6:10

Vuisha mitshima ya bantu aba mitshima idi ne manyi, vuisha matshu abo mpudimatshu, ne buikila mesu abo; bua kabamonyi ne mesu abo, kabunvu ne matshu abo, kabajinguludi malu ne mitshima yabo, kabakudimunyi mitshima yabo bua kusangashibua.

Misambu 69:23

Mesu abo ikale ne bileshileshi, hua kâmonyi, ukankishe bifuka biabo bua kabilekedi kukanka.

2 Korente 3:6

yeye wakatukumbasha kabidi bu bena mudimu ba dihungila dihia-dihia; kendia maleta a mikenshi mafunda, kadi dia nyuma: bualu bua maleta mafunda adi avuisha lufu, kadi nyuma udi uvuisha muoyo.

Yeshaya 25:7

Ha mukuna eu yeye neumushe tshilulu tshikudika tshidi tshibuikila ha mitu ya bantu bonso, ne tshibuikilu tshidi tshiadisha ha mutu ha bisamba bionso.

Bienzedi 15:21

Bualu bua Mose kale tô ne katataka udi ne bambi ba malu andi mu nsunagoga ya misoko yonso, badi babala mei andi nunku ku Lumingu ku Lumingu.

2 Korente 3:15

Kadi tô ne ku dituku edi habalabo mei a Mose, tshilulu tshikudika tshidi tshilala ku mitshima yabo.

Efeze 4:18

bakafikishibua mu meshi abo badi bavuishibua benyi ku muoyo wa Nzambi, bualu bua dihanga dia lungenyi munda muabo, bua dikoleshibua dia mitshima yabo.