2 Korente 3:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bua bulelela, bualu buakavuishibua butumbi diambedi kabuena buvuishibua butumbi nunku katataka, bualu bua butumbi budi butamba budiku.

MUKANDA WA MYIDI MUKULU

¹⁰ Tudi mua kuamba kabidi ne: lumu luvua lumueneka kale ludi tshianana, patudi tulufuanyikija ne lumu lupite ludi lumueneka lelu.

2 Korente 3:10 交叉引用

2 Petro 1:17

Bualu bua yeye wakangata buneme ne butumbi kudi Nzambi Tatu hakalua dî dia nunku kudiye munkatshi mua Butumbi bua Buneme ne, Eu udi Muana wanyi munanga, disanka dianyi dionso didi kudiye;

Didimanyisha 22:5

Kakuena kuikala butuku kabidi; ne kabena bakengela dinkenka dia muinda, nasha munya wa diba; bualu bua Mukelenge Nzambi neabatemene; ne bobo nebakokeshe tshiendelele.

Bienzedi 26:13

bakafika diba munda munyi mukelenge, nakatangila munya mukole ufuma mu diulu mutambe dinkenka dia diba, wakuntemena meme ne bakadi benda nʼanyi.

Agayi 2:3

Muntu kai udi mushale munkatshi muenu wakamona nsubu eu mu butumbi buandi diambedi? Nudi numumona bu tshinyi mpindiu? Kena ku mesu kuenu bu tshintu tshia hatuhu, anyi?

Yeshaya 24:23

Hashishe ngondo neabuandakane, ne diba nedidisokoke bua bundu buadi; bualu bua Yehowa wa misumba neakokeshe mu mukuna wa Siona, ne mu Yelushalema; ku mpala kua bakulu bandi nekuikale butumbi.

Yobe 25:5

Ngondo mene mene kena ne dinkenka, mitoto kayena mulengele ku mesu kuandi.

2 Korente 3:9

Bualu bua bikala mudimu wa kuhisha bantu ne butumbi, mudimu wa kuvuisha buakane udi utamba butumbi.

2 Korente 3:11

Bualu bua bikala bualu budi bujiminajimina ne butumbi, bualu budi bushala budi butamba butumbi.