2 Korente 13:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Tudi tutendekena Nzambi bua nuenu kanuenji bualu bubi; kembua tuetu kumueneka bu bantu badibo bitabusha ne, Mbakane, kadi bua nuenu nuenze malu malengele; nasha tuetu bikala bu babengibue.

MUKANDA WA MYIDI MUKULU

⁷ Tudi tulomba Mvidi Mukulu bua kanuenji bualu bubi nansha bumue. Katuena tujinga kudileja ne: tudi ne bukole. Kadi tshitudi tujinga tshidi amu ne: nuenze malu mimpe. Nansha tuetu bimueneka bu bantu badi kabayi ne bukole, ki mbualu to.

2 Korente 13:7 交叉引用

Yakobe 1:12

Muntu udi utantamana mu mateyi udi ne disanka; bualu bua hakamanabo kumujadika, neangate tshifulu tshia butumbi tshia muoyo tshiakalaya Mukelenge badi bamunanga.

2 Timote 4:18

Mukelenge neampandishe ku midimu yabo yonso idi mibi, neansungile tô ne ku bukelenge buandi bua mu diulu; butumbi buikale kudiye ku bikondo ne ku bikondo. Amen.

2 Timote 2:15

Unanukile bua kudifila mujalame, bu muena mudimu udi kai ne bua kufua bundu, uludikile bantu nshila mululame mu dî dia Nzambi dia bushua.

1 Timote 2:2

Ulombele banfumu bonso ne badi ne bukokeshi, bua tuetu tuikale ne muoyo muhola holâ ne mutalala talalâ mu buimpe buonso ne mu buneme buonso.

1 Tesalonike 5:23

Nzambi wa ditalala nkayandi anujidile tshishiki; ne nyuma yenu ne misûke yenu ne mibidi yenu ilamibue mu buakane buonso, kanui ne kudiu, mu dilu? dia Mukelenge wetu Yesu Kilisto.

Filipe 4:8

Bana betu, tshiashadidi mpindiu, ne, Malu onso adi malelela, ne malu onso adi a buneme, ne malu onso adi makane, ne malu onso adi a butoke bua mutshima, ne malu onso adi malengele a dinanga, ne malu onso adi ne lumu luimpe; bikalaku buimpe ne bikalaku butumbi, nuelangane meshi a malu â.

1 Petro 2:12

nuikale ne bienzedi bienu bimpe munkatshi mua bisamba bia bende, bualu bua, mu mianda idibo banusonguela nuenu bu benji ba malu mabi, bobo batumbishe Nzambi mu dituku dialueye, bua midimu yenu mimpe idibo bamona.

2 Korente 13:9

Bualu bua tudi ne disanka hatuikala batekete ne hanuikala bakole; tudi tunulombela Nzambi bualu ebu kabidi, bua nuenu nuikale balengeshibue tshishiki.

2 Korente 10:18

Kenyeye udi udianyisha udi witabushibua, kadi yeye udi Mukelenge wanyisha.

2 Korente 10:10

Bualu bua batu bamba ne, Mikanda yandi idi ne bujitu ne idi ne bukole; kadi kumueneka kua mubidi wandi kudi kutekete, ne dî diandi didi dia hatuhu.

2 Korente 8:21

Tudi tulongolola malu adi mimpe, kenku mesu kua Mukelenge nkayandi, kadi ku mesu kua bantu kabidi.

2 Korente 6:4

Kadi mu malu onso tudi tudimanyisha bu bena mudimu ba Nzambi, mu ditantamana dia bungi, ne mu makenga, ne mu malu adi atukolela, ne mu tunyinganyinga;

1 Korente 11:19

Bua bunudi nʼabu mbua kutahuluka mu bisumbu, bua badi bajalama bamueneshibue munkatshi muenu.

Rome 16:10

Nuele Apele, wakumana kutetshibua ne, Muimpe mu Kilisto, muoyo. Nuele ba mu nsubu wa Alistobulo muoyo.

Rome 13:13

Tuendakana! bietu bilengele, bu mutudi tuenda mu munya; katuendi mu manaya a tshianana ne mu bukuatshiki bua malulu, mu malu a bundu ne a bienzenza bia masandi, mu kutandangana ne mukau.

Rome 12:17

Kualukishidi muntu bubi ku bubi buandi. Nudianjile kuela meshi bua kuikala ne malu mimpe ku mesu bua bantu bonso.

Yowanane 17:15

Tshiena nkulomba ne, Ubumushe ha buloba; ndi nkulomba ne, Ubasungile kudi bubi.

Matayi 6:13

Kutufikishi hadi mateyi, kadi utusungile kudi bubi. [

1 Kulondolola 4:10

Yabesa wakatendelela Nzambi wa Isalele wamba ne, Nakadi kusua bua wewe kunsankisha ne kulehesha mikalu yanyi ne bua tshianza tshiebe tshikale nʼanyi, bua wewe kundama bua tshibuedi mu malu mabi ne bua meme tshikadi ne kanyinganyinga! Nzambi wakamuha malu akalombeye.

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.

2 Korente 13:6

Kadi ndi ntekemena ne nenumanye ne tuetu katuena babengibue.

2 Korente 13:8

Katuena bamanye mua kuhumbisha malu malelela, anu mua kuakuatshisha.