2 Korente 12:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ndi mumanye muntu mu Kilisto bidimu dikumi ne binai bimane kuhita (wakadi mu mubidi, tshiena mumanye; anyi kakadi mu mubidi, tshiena mumanye; Nzambi udi mumanye); muntu eu wakabandishibua tô ne mu diulu disatu.

MUKANDA WA MYIDI MUKULU

² Ndi mumanye muena Kristu kampanda, uvuabu bambule, baye nende mu diulu muamua menemene, kukadi bidimu dikumu ne binayi. (Tshiena mumanye ne: uvua muye ne mubidi wende anyi Mvidi Mukulu mumuleje mu lungenyi malu a kuaka. Mvidi Mukulu nkayende ke udi mumanye.)

2 Korente 12:2 交叉引用

Bienzedi 22:17

Hanakahingana ku Yelushalema, hanakadi ntendelela Nzambi mu ntempelo, nakalotakana,

Didimanyisha 4:2

Mu diba adi mene nakadi mu Nyuma, ne mona, nkuasa wa butumbi wakashikikibua mu diulu, ne mukuabo wakadi mushikame ha nkuasa wa butumbi.

1 Tesalonike 4:17

ne hasnishe tuetu batshidi ne muoyo badibo bashîa netuangatshibue nʼabo hohamue mu matutu, bua kusangila ne Mukelenge mu luhehele; nunku netuikale ne Mukelenge tshiendelele.

2 Korente 11:11

Bualu kai? Bualu bua tshiena munusue, anyi? Nzambi udi mumanye.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

1 Bakalenga 18:12

Hashishe hangumuka kûdi, Nyuma wa Yehowa neaye nʼebe kukuabo kundi tshiyi mumanye: nunku hanafika kudi Ahaba bua kumuambila ne yeye kena mumanye mua kukusangana, yeye neanshihe; kadi meme, muntu webe, nakatshina Yehowa katshia ku buana buanyi.

Didimanyisha 12:5

Yeye wakalela muana, muana mulume mene, udi ne bualu bua kukokesha bisamba bionso ne dikombo dia tshiamu; ne muana wandi wakakuatshibua mu diulu kudi Nzambi ne ku nkuasa wandi wa butumbi.

Yezekiyele 11:24

Hashishe Nyuma wakambandisha, wakalua nʼanyi mu tshikena kumona tshifume kudi Nyuma wa Nzambi tô ne ku buloba bua Bena Kasada, kudi bantu bakadi mu buhika. Nunku tshikena kumona tshinakamona diambedi tshiakumuka kundi.

1 Bakalenga 8:27

Kadi Nzambi neitabushe bua kuikaleye ha buloba, anyi? Monai, diulu ne diulu ditamba mulu kaena makukumbane, ka nsubu eu unakukuashila neikale muhite bukese!

Ebrewu 9:24

Bualu bua Kilisto kakabuela mu muaba wa tshijila muasa ne bianza, mufuanangane ne muaba mulelela; kadi wakabuela mu diulu muine, bua kumuenekeye mpindiu ku mpala kua Nzambi bua bualu buetu;

Efeze 4:10

Yeye wakahueka udi muomumue ne yeye wakabanda kule ha mutu ha mûlu onso bua kûsheye bintu bionso tente).

Ngalate 5:6

Bualu bua mu Kilisto Yesu, bikala muntu mutengula anyi bikaleye kai mutengula, kakuena bualu, kadi anu ditabusha didi dienza malu mu luse.

Ngalate 1:22

Kabakanza kumanya mpala wanyi kudi bena ekelesia ba mu Kilisto ba mu Yudaya;

2 Korente 5:17

Nunku bikala muntu mu Kilisto, yeye udi mufukibue muhia-muhia; malu makulukulu akaya, monai, akalua mahia-mahia.

Rome 16:7

Nuele Andaloniko ne Yunia muoyo; mbana betu ne bena mu lukanu neanyi, bakadi ne lumu lunene munkatshi mua bapostolo; bakadi kabidi mu Kilisto tshi muanze kuikala munda muandi.

Rome 8:1

Nunku kakuena dihila mpindiu kudi badi mu Kilisto Yesu.

Bienzedi 14:6

bakamanya bualu abu, bakanyemena ku misoko ya mu Lukaonia, mena ai Luseta ne Dêbe, ne ku luseke alu;

Yowanane 6:56

Udi udia mubidi wanyi, udi unua mashi anyi, udi wikala munda muanyi ne meme munda muandi.

Luke 24:51

Hakadiye ubasankisha nunku, wakumuka kudibo, wakatuadibua mu diulu.

Misambu 148:4

Umutumbisha, wewe diulu dia ha mutu ha diulu; nuenu, mai adi ha mutu ha diulu, numutumbishe!

Didimanyisha 1:10

Nakadi mu Nyuma dituku dia Mukelenge, ne nakunvua dî dikole ku nyima kuanyi, bu dia mpungi,

2 Korente 13:5

Nuditete munda muenu ne nudi ne ditabusha anyi; nudijadike bienu. Kanuena badimanye ne Yesu Kilisto udi munda muenu, anyi? Udimu binuikala kanui babengibue.

2 Korente 5:21

Yeye nguakadi kai mumanye bubi, Nzambi wakamuvuisha bubi bua bualu buetu; bua tuetu tuikale buakane bua Nzambi munda muandi.

1 Korente 1:30

Kadi bua bualu buandi nuenu nudi mu Kilisto Yesu, wakayuishibua meshi a kudi Nzambi kutudi: ne buakane ne bujidibu ne buhikudi.

2 Bakalenga 2:16

Bakamuambila ne, Mona, bakole makumi atanu badi munkatshi mua bantu bebe badi kunoko; ludi tukusengelela ne. Ubatume, bakehe mukelenge webe; bumue Nyuma wa Yehowa wakabanda nʼandi, wakamuela ha mutu ha mukuna mukuabo anyi mu tshinga tshibanda. Yeye wakamba ne, Kanubatumi.

Dielulula 10:14

Tangilai, Yehowa udi muena diulu dikuabo didi ku nyima kua diulu, ne muena buloba ne bintu bionso bidimu.

Yezekiyele 43:5

Nyuma wakangambula, wakalua nʼanyi mu tshiendelu tshia munda, ekumona! Butumbi bua Yehowa buakusha ntempelo tente.

Rome 16:3

Nuele Pisikila ne Akula, benji nʼanyi ba mudimu ba mu Kilisto Yesu muoyo.

Rome 16:9

Nuele Ubano, umena mudimu nʼetu mu Kilisto, ne Staku, munanga wanyi, muoyo.

Rome 16:10

Nuele Apele, wakumana kutetshibua ne, Muimpe mu Kilisto, muoyo. Nuele ba mu nsubu wa Alistobulo muoyo.

Ebrewu 4:14

Bualu bua tuetu tudi ne muakuidi munene wakuhita mulu onso, Yesu Muana wa Nzambi mene, tulamate dijukula dia ditabusha dietu.