2 Bakalenga 9:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yehu wakanana buta buandi ne bukole buandi buonso, wakasa Yolama ha masangu a nyima, mukete wakasompoka ha dimuma diandi dia muoyo, yeye wakadishinda hanshi mu dikalu diandi.

MUKANDA WA MYIDI MUKULU

²⁴ Yehu kuambula buta buende bua miketa, kuasa Yorame muketa pankatshi pa makaya, kubuelawu ne ku muoyi wa munda, kusompoka. Yorame kudishadila mu ditempu diende, kufua.

2 Bakalenga 9:24 交叉引用

1 Bakalenga 22:34

Kadi muntu mukuabo wakela buta buandi ku mpukahuka, wakasa mukelenge wa Isalele hakadi biamu bia nvita bituilangane. Yeye wakambila muendeshi wa dikalu diandi ne, Wahuke, umuke nʼanyi munkatshi mua masalayi bualu bua ndi mutaha mputa mukole.

1 Tesalonike 5:3

Hatshidibo bamba ne, Tudi ne ditalala, katui ne bualu; ahu dibutuka dia tshintuluntulu dilualua kudibo, bu mudi kanyinganyinga kalua kudi mukashi udi ne difu; ne bobo kabena bahanduka nasha kakese.

Nsumuinu 21:30

Kakuena meji, anyi dijingulula dia mianda, anyi kuhunga kua mei, bidi mua kuhita Yehowa bukole.

Misambu 50:22

Telejai matshu enu ku dî edi, nuenu badi bahua Nzambi muoyo, bua meme tshinuhandi bihesa bihesa, kakuena wa mua kunuhandisha!

2 Bakalenga 10:4

Kadi bobo bakatamba kutshina; bakambilangana ne, Bakelenge babidi kabakamanya mua kuimana ku mpala kuandi, nunku tuetu netuimane munyi?

Zekâya 13:6

Mukuabo neamuebeshe ne, Ei mmputa kai idi mu bianza biebe? Yeye neambe ne, Bakayintaha mu nsubu wa balunda banyi.

1 Bakalenga 19:17

Hashishe muntu udi uhanduka ku muele wa nvita wa Hazaele, Yehu neamushihe; muntu udi uhanduka ku muele wa nvita wa Yehu, Elisha neamushihe.

1 Bakalenga 21:29

Wakutangila bu mudi Ahaba mudihuekeshe ku mesu kuanyi, anyi? Bualu bua yeye wakudihuekesha nunku ku mesu kuanyi, tshiena ngenza malu au makole onso mu matuku andi: kadi nentume malu au makole ku nsubu wandi mu matuku a bana bandi ba balume.

1 Bakalenga 22:35

Bakaluangana nvita mikole dituku adi; bakajadika mukelenge mu dikalu ku mpala kua Bena Sulia, yeye wakafua dilolo; mashi andi akahatuka mu mputa akahueka hanshi tô ne ha dikalu.

2 Bakalenga 10:9

Hakatshiabu, yeye wakaluhuka, wakimana, wakambila bantu bonso ne, Nuenu nudi bakane; meme nakelela mukelenge wanyi tshifufu, nakamushiha; kadi wakashiha bonso aba nganyi?