2 Bakalenga 23:33 - Mukanda wa Nzambi Dihungila Dikulukulu ne Dihungila Dihia-dihia 2003

³³ Pâlo-neko wakamuela mu lukanu mu Libela mu buloba bua Hamata bua yeye kakokeshi mu Yelushalema; yeye wakalambuisha bena buloba milambu ya ntalanta ya argent lukama ne ntalanta wa or umue.

MUKANDA WA MYIDI MUKULU

³³ Neko, mukalenga wa bena Ejipitu kukuata Yowakaze, kuyaye nende mu tshimenga tshia Ribla, mu ditunga dia Amate. Kumulamaye mu nzubu wa lukanu. Ke muvua Neko mujikije bukalenga bua Yowakaze nanku. Tshikondu atshi, Neko kuambila bena ditunga dia Yuda bua bafute tshiamu tshitoke tshia mushinga mukole kilo binunu bisatu, ne tshiamu tshia mpawungi kilo makumi asatu.

2 Bakalenga 23:33 交叉引用

2 Bakalenga 25:6

Hashishe bakakuata mukelenge, bakaya nʼandi kudi mukelenge wa Babulona ku Libela; yeye wakamulumbuluishaku.

1 Bakalenga 8:65

Nunku Solomo wakalambishila Bena Isalele bonso bakadiye nʼabo tshisumbu tshinene bidia bia disanka ku tshibi tshia ku Hamata tô ne ku kasulu kadi ku mukalu wa buloba bua Ejipitu; bakadia ku mesu kua Yehowa tô mbingu ibidi bu matuku dikumi ne anai.

Nsumuinu 19:19

Muena tshiji tshikole neatule tshibau; bualu bua biwamuhandisha ku mpala, neumuenzele nunku tshiakabidi.

2 Bakalenga 23:29

Mu matuku andi Palô-neko, mukelenge wa Ejipitu, wakaya ku musulu wa Pelata bua kuluanganeye ne mukelenge wa Ashû; mukelenge Yoshiya wakaluhuka bua kuluanganeye nʼandi, Palô-neko wakamushiha ku Megido hakamutangileye.

2 Bakalenga 18:14

Hezikiya, mukelenge wa Yuda, wakatumina mukelenge wa Ashû dî mu Lakisha ne Nakukuenzela bibi; usesuke kundi, nenkuhe mulambu udi ungambila Mukelenge wa Ashû wakafutshisha Hezikiya, mukelenge wa Yuda, milambu ya ntalanta ya argent nkama isatu ne ntalanta ya or makumi asatu.

Dibadika 34:11

mukalu neuhueke ku Shefama to ne ku Libela ku esete kua Ayina, mukalu neuhueke tô ne ku muelelu wa dishiha dia Kinelete ku esete,

Dibadika 13:21

Bakaya nunku, bakatentekela buloba ku tshihela tshia Sina tô ne ku Lehoba udi mu nshila wa ku Hamata.

Ekesode 21:22

Bialuangana balume ne badi bakulua mukashi udi ne difu, ne yeye udi utula difu, kadi dikenga dikuabo kadiena dilonda ku nyima, yeye wakamukuma neafutie mulume wandi bintu bidiye musue, yeye neamufute bintu bidi balumbuluishi bamba.

2 Bakalenga 23:35

Yehoyakima wakafila argent ne or kudi Palô; kadi wakalambuisha bena buloba bu muakamba Palô; wakalambuisha muntu ne muntu bu mu bintu biakadiye nʼabi, bua kulambuleye Palô-neko.

2 Bakalenga 25:20

Nebuzaladana, kapitene ka masalayi, wakabakuata, wakaya nʼabo kudi mukelenge wa Babulona ku Libela.

Yirmeya 46:2

Bualu bua Ejipitu bualu bua masalayi a Palô-Neko, mukelenge wa Ejipitu, akadi ne tshitudilu tshiau ku muelelu wa musulu wa Pelata mu Kâkemisha, akadi Nebukadenesâ, mukelenge wa Babulona, mutambe bukole mu tshidimu tshinai tshia Yehoyakima, muana wa Yoshiya, mukelenge wa Yuda:

Yezekiyele 19:7

Wakanyanga nsubu yabo minene, wakabutula misoko yabo; buloba buakanyanguka ne bintu biabu bionso, bualu bua mukungulu wa muadi wandi.

Yezekiyele 19:9

Bakamuteka mu tshikumbi, bamuela nkanu, bakaya nʼandi kudi mukelenge wa Babulona; bakamuteka mu miaba mikole, bua dî diandi kadiunvuiki ha mikuna ya Bena Isalele.