2 Bakalenga 18:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Kadi Labashake wakabambila ne, Mukelenge wanyi wakuntuma anu kudi mukelenge wenu ne kunudi kabidi bua kunuambila mei au nkayenu? Yeye kakuntuma kudi bantu badi bashikame ha mutu ha lumbu, bua bobo hadie tunvi tuabo, banue menyi abo diatshimue nʼenu, anyi?

MUKANDA WA MYIDI MUKULU

²⁷ Kadi, mulombodi wa beledi ba mukalenga maluvu, kuandamuna ne: — Nudi nuela meji ne: malu adi mukalenga wanyi mutume bua kuamba, tudi mua kunuambila anu muenu ne mukalenga wenu anyi? Malu aa, tudi mua kuambila kabidi bantu bonsu badi ku bimana aba. Bualu bantu aba ne nuenu, nenudie tumvi tuenu, kabidi nenunue menyi enu anu mutantshi mukese ewu.

2 Bakalenga 18:27 交叉引用

Yezekiyele 4:15

Nunku yeye wakangambila ne, Tangila, nakakuha tunvi tua ngombe bu nkunyi mu muaba wa tunvi tua muntu, bua wewe ulambehu bia kudia biebe.

Yezekiyele 4:13

Yehowa wakamba ne, Bena Isalele nebadie bia kudia biabo ne bukoya bua nunku munkatshi mua bisamba bia kundi mbatuma.

Muadi 4:5

Bakadi badia bia kudia bishema badi bafue mu misesu mpindiu; bakadi baluata bilulu bikunzekunzû diambedi badi balala mu diala mpindiu.

Misambu 73:8

Badi babuidia bantu, mu bubi buabo badi bamba mei a kukengesha nʼai bakuabo; badi bakula badibandisha.

2 Bakalenga 6:25

Tshiole tshinene tshiakadi mu Samalea; bakatshintshimika musoko tô ne hakahanabo mutu wa nyama wa mpunda ku nshekele ya argent makumi muanda mukulu, ne tshituha tshinai tshia bibuelelu bia nyunyu wa nkutshi ku nshekele ya argent itanu.

2 Bakalenga 18:17

Mukelenge wa Ashû wakatuma Tâtana ne Labasalisa ne Labashake, bafume ku Lakisha ne masalayi a bungi bua kuluanganabo ne Hezikiya, mukelenge wa Yuda, mu Yelushalema Bakafika ku Yelushalema. Hakafikabo, bakimana ku mushimi wa mai udi hehi ne nshila wa mu muaba wa muvu wa bilulu.

2 Bakalenga 18:26

Hashishe Eleyakima, muana wa Hilekiya, ne Shebena ne Yoa bakambila Labashake ne, Tudi tukusengelela ne, Uyikile ne bantu bebe mu muaku wa Bena Sulia, bualu bua tuetu tudi baumanye; kuyikidi nʼetu mu muaku wa Bena Yuda mu matshu a bantu badi ha lumbu.

2 Bakalenga 18:28

Hashishe Labashake wakimana, wakela dî diandi bikole nu muaku wa Bena Yuda, wakamba ne; Unvuai dî dia mukelenge munene wa Bena Ashû.

Yeshaya 36:12

Kadi Labashake wakabambila ne, Mukelenge wanyi wakuntuma kudi mukelenge webe ne kunudi kabidi bua kuamba mei â, anyi? Yeye kakuntuma kudi bantu badi bashikama ha mutu ha lumbu, bua bobo badie tunvi tuabo, banue menyi abo diatshimue nʼenu, anyi?

Muadi 4:4

Ludimi lua muana utshidi wamua mabele ludi lulamata mu tshilakalaka bualu bua nyota yandi. Bana batekete badi balomba bidia, ne kakuena muntu udi ubahabi.