2 Bakalenga 16:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Ahaza wakalala tulu ne bankambua bandi, bakamujika hohamue ne bankambua bandi mu musoko wa Davidi; Hezikiya, muanʼandi, wakakokesha mu muaba wandi.

MUKANDA WA MYIDI MUKULU

²⁰ Akaze mumane kufua, kumujiikabu mu lukita lua bena diku diabu luvua mu Tshimenga tshia Davide. Pashishe, muanende wa balume Izkiya kumupingana mu bukalenga.

2 Bakalenga 16:20 交叉引用

Matayi 1:9

Uziya wakalela Yotama; Yotama wakalela Ahaza; Ahaza wakalela Hizikiya;

Yeshaya 1:1

Tshikena kumona tshia Yeshaya, muana, wa Amoza, tshiakatangileye bualu bua Yuda ne Yelushalema, mu matuku a Uziya, Yotama, Ahaza ne Hezikiya, bakelenge ba Yuda.

Mika 1:1

Dî dia Yehowa diakalua kudi Mika, Muena Molesheta, mu matuku a Yotama, Ahaza ne Hezikiya, bakelenge ba Yuda, bualu bua Samalea ne Yelushalema.

Osheya 1:1

Dî dia Yehowa diakalua kudi Hoshea, muana wa Beli, mu matuku a Uziya, Yotama, Ahaza ne Hezikiya, bakelenge ba Yuda, ne mu matuku a Yalobama, muana wa Yoasha, mukelenge wa Isalele.

2 Kulondolola 28:27

Ahaza wakalala tulu ne bankambua bandi, bakamujika mu musoko wa Yelushalema mene; kadi kabakamujika mu nkita ya bakelenge ba Isalele; Hezikiya muanʼandi wakakokesha mu muaba wandi.

1 Kulondolola 3:13

Ahaza wakadi muanʼandi, Hezikiya wakadi muanʼandi, ne Manashe wakadi muanʼandi,

2 Bakalenga 21:18

Manashe wakalala tulu ne bankambua bandi, bakamujika mu tshibunda tshiandi tshiakadi hehi ne nsubu wandi, mu tshibunda tshia Uza mene. Amona, muanʼandi, wakakokesha mu muaba wandi.

2 Bakalenga 18:1

Mu tshidimu tshisatu tshia bukelenge bua Hoshea, muana wa Ela, mukelenge wa Isalele, Hezikiya, muana wa Ahaza, mukelenge wa Yuda, wakabanga kukokesha.

2 Bakalenga 21:26

Bakamujika mu lukita luandi lua mu tshibunda tshia Uza; Yoshiya, muanʼandi, wakakokesha mu muaba wandi.

2 Kulondolola 28:26

Bienzedi biandi bikuabo ne malu andi onso, bia kumudilu ne bia kunshikidilu, bidi bifunda mu mukanda wa bakelenge ba Yuda ne ba Isalele.

Yeshaya 14:28

Mu tshidimu tshiakafua mukelenge Ahaza muakamueneka dî edi dia tshijila ne,

1 Bakalenga 2:10

Davidi wakalala tulu ne bankambua bandi, bakamujika mu musoko wa Davidi.

2 Bakalenga 8:24

Yolama wakalala tulu ne bankambua bandi, bakamujika ne bankambua bandi mu musoko wa Davidi. Ahazaya, muanʼandi, wakakokesha mu muaba wandi.