2 Bakalenga 15:35 - Mukanda wa Nzambi Dihungila Dikulukulu ne Dihungila Dihia-dihia 2003

³⁵ Kadi kakumusha bitendelelu bia ku mutu kua mikuna; bantu batshivua bafila milambu ya kuosha ha kahia ne musenga wa manananshi ha mutu ha mikuna. Yeye wakalongolola tshibi tshia ku nsubu wa Yehowa.

MUKANDA WA MYIDI MUKULU

³⁵ Kadi, kavua munyangakaje miaba ya kutendelela mvidie to. Bantu bavua anu baya miaba ayi bua kulambula milambu ya nyama ne ya manananshi. Yotame ke uvua muenze tshiibi tshia ku mushiku wa kulu wa nzubu wa Maweja-Nangila.

2 Bakalenga 15:35 交叉引用

2 Kulondolola 23:20

Yeye wakangata tupitene tua bantu lukama ne bantu banene bonso ne bakokeshi ba bantu ba mu buloba, bakafuma ne mukelenge mu nsubu wa Yehowa; bakabuela ku tshibi tshia ku mutu mu nsubu wa mukelenge, bakashikika mukelenge mu nkuasa wa bukelenge.

2 Bakalenga 12:3

Kadi yeye kakumusha bitendelelu bia ku mikuna; bantu batshivua bafila milambu ya kuosha ha kahia, batshivua bosha musenga wa manananshi ha mutu ha mikuna.

2 Kulondolola 32:12

Hezikiya eu kakumusha bioshelu biakadi ku mutu kua mikuna, kakelela Bena Yuda ne ba mu Yelushalema mukenji ne, Nenutendelele ku mpala kua tshioshelu tshimue, nenuoshelehu musenga wa manananshi, anyi?

2 Bakalenga 18:4

Wakumusha bitendelelu biakadi ku mutu kua mikuna, wakashimbula makunshi akatendelelabo, wakatahila Bashela hanshi, wakabutula nyoka wa tshiamu tshia mitaku Wakenza Mose, bualu bua mu matuku au Bena Isalele bakadi boshila nyoka au musenga wa manananshi; wakamubikila ne, Nehushetana.

2 Bakalenga 15:4

Kadi kakumusha bitendelelu bia ku mikuna; bantu batshivua bafila milambu ya kuosha ha kahia ne musenga wa manananshi ha mutu ha mikuna.

2 Bakalenga 15:36

Bienzedi bikuabo bia Yotama ne malu onso akenzeye kabiena bifunda mu mukanda wa kulondolola kua malu a bakelenge ba Yuda, anyi?