2 Bakalenga 15:29 - Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mu matuku a Peka, mukelenge wa Isalele, Tigelata-pilesê, mukelenge wa Ashû, wakalua, wakahaula Iyona ne Abele-bete-mâka ne Yanoa ne Kedeshe ne Hasô ne Gilada ne Galela ne buloba buonso bua Nafatale, wakaya nʼabo ku Ashû mu buhika.

MUKANDA WA MYIDI MUKULU

²⁹ Tshikondu tshivua Peka mukalenga wa bena Izrayele, Tiglate-Pilesere, mukalenga wa bena Ashure, kukuata bimenga ebi: Yone, Ebele-Bete-Maaka, Yanowa, Kadeshe ne Ashore. Tiglate-Pilesere kukuata buloba bua bena Ngilaade, Ngalileya, ne ditunga dijima dia Naftali. Kuyaye ne bena ditunga mu bupika mu Ashure.

2 Bakalenga 15:29 交叉引用

1 Kulondolola 5:26

Nzambi wa Isalele wakasonsola mutshima wa Pula, mukelenge wa Ashû, ne mutshima wa Tigelata-pilenesê, mukelenge wa Ashû, ne bobo bakaya nʼabo, Bena Lubena ne Bena Gada ne tshituha tshia tshisamba tshia Manashe mene mu buhika; bakaya nʼabo tô ne ku Halaha ne Habo ne Hala ne ku musulu wa Gozana tô ne ku didiku edi.

2 Bakalenga 17:6

Mu tshidimu tshia tshitema tshia bukelenge bua Hoshea, mukelenge wa Ashû wakahaula Samalea, wakaya ne Bena Isalele ku Ashû, wakabashikika mu Halaha ne kukala kua musulu wa Habo wa mu Gozana ne mu misoko ya Bena Madai.

2 Bakalenga 16:7

Nunku Ahaza wakatuma ba-messager kudi Tigelata-pilesê, mukelenge wa Ashû, ne, Meme ndi muntu webe ne muana webe mulume; lua biebe, ansungile mu bianza bia mukelenge wa Sulia ne bia mukelenge wa Isalele, badi baluangana neanyi.

1 Bakalenga 15:20

Bene-hadada wakunvua dî dia mukelenge Asa; wakatuma tupitene tua masalayi andi bua kuluanganabo ne misoko ya Bena Isalele; yeye wakahana Iyona ne Dana ne Abele-bete-mâka, ne buloba buonso bua Kinelota ne buloba buonso bua Nafatale.

Yoshua 20:7

Bakasungula Kedeshe wa mu Galela wa mu mikuna ya Nafatale, ne Shekeme wa mu mikuna ya Efelayima, ne Kîyata-âba (dina dikuabo ne, Hebelone) wa mu mikuna ya Yuda.

2 Kulondolola 16:4

Bene-hadada wakitabusha dî dia mukelenge Asa, wakatuma tupitene tua masalayi andi bua kuluangana ne bena misoko ya mu Isalele; bakahaula Iyona ne Dana ne Abele-maima ne misoko ya bibutshilu bia mu Nafatale.

1 Kulondolola 5:6

ne Bela muanʼandi; Tigelata-pilenesê wakaya nʼandi mu buhika; yeye wakadi mukelenge wa Bena Lubena.

Balombodi 4:2

Yehowa wakabahana mu bianza bia Yabina, mukelenge wa Bena Kanâna, wakadi ukokesha bantu mu Hasô; kapitene ka masalayi andi kakadi Sisela, wakadi mushikame mu Haloshete, munkatshi mua bisamba bia bende.

Yoshua 19:37

ne Kedeshe ne Edelei ne Ene-hasô,

Yoshua 11:1

Ku nyima hakunvua Yabina, mukelenge wa Hasô, lumu elu, yeye wakatuma di kudi Yobaba, mukelenge wa Madona, ne mukelenge wa Shimelona ne mukelenge wa Akasafa,

Amosa 1:13

Yehowa udi wamba dî edi ne, Bua malu mabi asatu a Bena Amona, nansha bua anai, tshiena nkudimuna dikenga dindualua kubakengesha nʼadi; bualu hua bakahanda bakashi ba mu Gilada bakadi ne mafu, bua bamanye mua kulehesha mikalu yabo.

Amosa 1:3

Yehowa udi wamba ne, Bua malu mabi asatu a Bena Damaseke, nansha bua anai, tshiena nkudimuna dikenga dindualua kubakengesha nʼadi, bualu bua bakushihula Gilada ne bishihuidi bia biamu.

Yeshaya 7:20

Mu dituku adi Mukelenge neanuheye ne dihaya diakabuesheye mu mudimu wandi, ne diakangateye mu nseke ya buloba idi ku nyima kua Musulu wa Pelata, neanubeye ne mukelenge wa Ashû mene, neabeye nsuki ya ku mitu ne miosa ya ha makasa; dihaya nediumushe muedi wonso kabidi.

Yeshaya 1:7

Buloba buenu budi bubutuka, misoko yenu idi mioshibue ne kahia; bantu ba bende badi badia bintu bia mu buloba buenu ku mesu kuenu mene, ne budi bubutuka bu mudibo bahaula musoko kudi bantu ba bende.

2 Bakalenga 17:23

tô ne hakumusha Yehowa Bena Isalele ku mesu kuandi, bu muakabambileye kudi bantu bandi bonso baprofete. Nunku bakumusha Bena Isalele mu buloba buabo, bakaya nʼabo ku buloba bua Ashû tô ne ku dituku edi.

1 Bakalenga 9:11

(Hilama, mukelenge wa Tulo, wakatumina Solomo mitshi ya cèdre ne mitshi ya cyprès ne or bu muakasueye muonso), ne Solomo wakaha Hilama misoko ya mu Galela makumi abidi.

Yoshua 16:6

ne mukalu wa ku wesete wakahatuka ku Mikemetata ku nôde, ne mukalu wakanyunguluka ku esete ku Tânata-shilo, wakaya ku esete kua Yanoa;

Yoshua 12:19

mukelenge umue wa mu Malona, mukelenge umue wa mu Hasô,

Yoshua 11:13

Bena Isalele kabakosha misoko yakadi ha mikuna, anu Hasô; Yoshua wakawosha.

Yoshua 11:10

Ku tshikondo atshi Yoshua wakahingana, wakanyenga Hasô, wakashiha mukelenge wau ne muele wa nvita; bualu bua Hasô wakadi ku mutu kua makelenge au onso diambedi.

Dielulula 28:25

Yehowa neanuihate ku mesu kua bena lukuna benu; nuenu nenuye kudibo mu nshila umue, kadi nenunyeme ku mesu kuabo mu nshila muanda mutekete; nebanuendakashe munkatshi mua bisamba bionso bia ha buloba.

Dielulula 3:15

Nakaha Maki Gilada.

Dibadika 32:40

Mose wakaha Maki, muana mulume wa Manashe musoko wa Gilada ne yeye wakasekamamu.

Dibadika 32:1

Bena Lubena ne Bena Gada bakadi ne bimuna bia bungi be, hakatangilabo ne buloba bua Yazê ne buloba bua Gilada buakadi muaba muimpe wa bimuna,

Lewitiki 26:32

Meme nembutule buloba buenu, ne bantu badi nʼenu lukuna badi bashikamamu nebakeme bua bualu buabu.

1 Bakalenga 14:15

E, bulelela, Yehowa neakume Bena Isalele bu mudi mai anyungisha disele; neajule Bena Isalele mu buloba ebu buimpe buakaheye bankambua babo, neabamuangalashe dishiya dia musulu wa Pelata, bualu bua bobo bakadienzela Bashela bua kufuisha nʼai Yehowa tshiji.

2 Bakalenga 15:19

Pula, mukelenge wa Ashû, wakalua bua kuhaula buloba. Menahema wakaha Pula ntalanta ya argent tshinunu, bua yeye amukuatshishe bua kujadikeye bukelenge mu tshianza tshiandi.

2 Bakalenga 15:28

Wakenza malu mabi ku mesu kua Yehowa; kakasesuka mu malu mabi a Yalobama, muana wa Nebata, akenzesheye Bena Isalele.

2 Bakalenga 15:30

Hoshea, muana wa Ela, wakelela Peka, muana wa Lemalaya, tshifufu, wakamukuma, wakamushiha, wakakokesha mu muaba wandi mu tshidimu tshia makumi abidi tshia bukelenge bua Yotama, muana wa Uziya.

2 Bakalenga 16:10

Ahaza wakaya ku Damaseke bua kusangileye ne Tigelata-pilesê, mukelenge wa Ashû; wakatangilaku tshioshelu tshiakadi mu Damaseke. Ahaza wakatuma tshinfuanyi tshia tshioshelu ne luidi luatshi ne buakane buatshi buonso kudi Uliya muakuidi.

2 Bakalenga 17:20

Yehowa wakabenga bonso ba mu tshisamba tshia Bena Isalele, wakabakengesha, wakabafila mu bianza bia bahaudi, tô ne hakabumusheye ku mesu kuandi.

1 Kulondolola 5:22

Ba bungi bakashihibua bualu bua nvita ei yakadi ya Nzambi. Bobo bakashikama mu miaba yabo tô ne hakayabo mu buhika.

Nehemya 9:32

Nunku Nzambi wetu munene, Nzambi mukole ne wa dishina, utu walama bihungidi ne luse lujalame, dikenga edi dikole diakatukuata ne bakelenge betu ne bantu betu banene ne bakuidi betu ne baprofete betu ne batatu betu ne bantu bebe bonso kadikadi dikese ku mesu kuebe, ku tshikondo tshia bakelenge ba Ashû tô ne ku dituku edi.

Yeshaya 37:18

Bulelela, Yehowa, bakelenge ba Ashû bakabutula ba mu bisamba bionso bia bantu ne maloba abo;

Yoshua 19:35

Misoko yakadi ne ngumbu yakadi Sidima, Sê ne Hamata, Lakata ne Kinelete,

Balombodi 18:30

Bena Dana hakadimanyisha luhingu lusonga Yonatana, muana wa Gêshoma, muana wa Mose, yeye ne bana bandi balume, bakadi bakuidi ba mu tshisamba tshia Bena Dana tô ne hakayabo mu buluka.

2 Bakalenga 8:11

Yeye wakamutangila talalâ tô ne bakamukuata bundu. Muntu wa Nzambi wakadila.

2 Bakalenga 15:20

Menahema wakalambuisha Bena Isalele, bantu babanji bonso, nshekele ya argent makumi atanu kudi muntu ne muntu, bua kulambuleye mukelenge wa Ashû. Nunku mukelenge wa Ashû wakahingana kuabo, kakashikama mu buloba bua Isalele.

2 Bakalenga 18:11

Mukelenge wa Ashû wakaya ne Bena Isalele mu Ashû; wakabateka mu Halaha ne kukala kua musulu wa Habo mu Gozana ne mu misoko ya Bena Madai,

2 Bakalenga 19:11

Monai, wewe wakumana kunvua lumu bu muakenzela bakelenge ba Ashû bantu ba mu bisamba bionso, bakababutula tô; wewe neuhanduke, anyi?

Yeshaya 7:16

Bualu bua diambedi muana eu kayi muanze kumanya mua kubenga malu mabi ne mua kusungula malu makane, buloba bua bakelenge aba babidi baudi utamba kutshina nebushale dikolo.

Yezekiyele 23:9

Bua malu â nakamufila mu bianza bia bamunangi bandi, mu bianza bia Bena Ashû mene bakatambeye kunanga.

Amosa 5:27

Nunku meme nennutume mu buhika mu buloba budi buhita Damaseke kule. Yehowa, Nzambi mene wa misumba, udi wamba dî edi.

Amosa 6:14

Yehowa, Nzambi wa misumba, udi wamba ne, Nunku monai, nembishe tshisamba tshikuabo tshilualua kunuluisha, nuenu tshisamba tshia Bena Isalele; tshiotshi netshinukengeshe ku tshibuelelu tshia ku Hamata tô ne ku kasulu ka Alabâ.