1 Yone 3:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Muntu yonso udi ne ditekemena edi kudiye udi udilengesha bu mudiye mulengele.

MUKANDA WA MYIDI MUKULU

³ Muntu yonsu udi windila bualu ebu, mutekemene kudi Kristu, udi udilengeja ku bubi buonsu, bu mudi Yezu Kristu kabidi kayi ne bubi.

1 Yone 3:3 交叉引用

2 Korente 7:1

Bana betu, bualu bua tuetu tudi ne milayi ei, tudilengeshe ku manyanu onso a mubidi ne a nyuma, tukumbashe tshijila tshietu mu ditshina dia Nzambi.

1 Yone 2:6

yeye udi wamba ne, Ndi muikale munda muandi, budiye nʼabu mbua kuenda bu muakendeye mene.

2 Petro 3:14

Nunku, bananga, bualu bua nudi nutekemena malu â, nanukilai bua banusangane mu ditalala kanui ne katobe, kanui ne kadiu kudiye.

Matayi 5:48

Nunku nuenu nenuikale bakane bu mudi Tatu wenu wa mu diulu muakane.

Ebrewu 12:14

Nukebe kuheta ditalala ne bantu bonso, ne kujidibua kudi muntu kai nʼaku kena mumanye mua kutangila Mukelenge.

Ebrewu 7:26

Bua muakuidi munene wa nunku wakadi mutukumbane, wa tshijila, kai ne bubi, kai mubiha, mutahuluke kudi bantu babi, muvuishibue ha mutu ha mulu;

Kolose 1:5

bualu bua ditekemena didi dinutekedibue mu diulu, dinuakadianjila kunyua lumu luadi mu di dia bushua dia lumu luimpe

Bienzedi 15:9

kakatahulula hankatshi hetu nʼabo, wakuvua mitshima yabo ku ditabusha.

Tite 3:7

bua hatuabingishibua bua ngasa wandi, tuetu tumanye mua kuvuishibua bahianyi bu mudi ditekemena dia muoyo wa tshiendelele.

2 Petro 1:4

Mu malu â yeye wakutuha milayi yandi ya mushinga mukole ne mitambe bunene; bua ku milayi ei nuenu nulue babanyanganyi nʼandi ba muoyo wa bunzambi, bamane kuhanduka ku malu mabole adi mu buloba bualu bua nkuka mibi.

Luke 6:36

Nufuile bantu luse bu mudi Tatu wenu ufuila bantu luse.

1 Yone 4:17

Mu muanda eu dinanga diakukumbashibua kutudi tshishiki, bua tuetu tuikale ne dikima halua dituku dia dilumbulula; bualu bua bu mudiye emu, tuetu tudi emu kabidi ha buloba ebu.

Ebrewu 6:18

bua ku malu abidi adi kâi mua kukudimuka, adi Nzambi kai mumanye mua kushimamu, tuikale ne ditantamika dikole dia mutshima, tuetu mene bakanyema bua kulamata ditekemena diakatekabo ku mpala kuetu.

2 Tesalonike 2:16

Mukelenge wetu Yesu Kilisto muine ne Nzambi Tatu wetu, wakatunanga ne wakatuha busambi bua tshiendelele ne ditekemena dimpe bua ngasa,

Rome 15:12

Yeshaya udi wamba kabidi ne, Muji wa Yishai newikaleku, Ne udi ubika bua kukokesha bisamba bia bende neikaleku, Bisamba bia bende nebimutekemene.

2 Samuele 22:27

Wewe neudileshe muakane kudi badi ne buakane; neuleshe mutshima mukole kudi badi ne mutshima mukole.

Yowanane 17:19

Ndi ndijidila bua bualu buabo, bua bobo kabidi bikale bajidila mu bulelela.

Yakobe 4:8

Semenai ha buihi ne Nzambi ne yeye neasemene ha buihi ntemu. Nulengeshe bianza bienu, nuenu bantu babi, nutokeshe mitshima yenu, nuenu bena mitshima ibidi.

1 Petro 1:3

Batumbishe Nzambi udi kabidi Tatu wa Mukelenge wetu Yesu Kilisto, nyeye wakatulela tshiakabidi bu mudi luse luandi lunene, bua kutuheye ditekemena didi ne muoyo bua dibika dia Yesu Kilisto dia ku bafue;

1 Petro 1:15

bu mudi yeye wakanubikila udi wa tshijila, nunku nuenu kabidi nulue ba tshijila mu malu onso a muoyo wenu;