1 Yone 3:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Eu mukenshi wandi bua tuetu tuitabushe dina dia Muana wandi Yesu Kilisto, ne bua tuetu tunangaʼngane, bu muakatuheye mukenshi.

MUKANDA WA MYIDI MUKULU

²³ Ke mukenji udiye utuelela: tuitabe Muanende Yezu Kristu, tunangangane kabidi, muvua Kristu mututumine diyi

1 Yone 3:23 交叉引用

Yowanane 13:34

Ndi nuelela mukenshi muhia-muhia ne, Nusuangane; nusuangane bu munakunusua.

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;

Yowanane 15:12

Eu udi mukenshi wanyi ne, Nusuangane bu munakunusua.

Yowanane 6:29

Yesu wakabandamuna ne, Mudimu wa Nzambi udi nunku: nuitabushe wakatumeye.

1 Petro 4:8

ku mutu kua malu onso nuikalangane ne dinanga dikole munkatshi muenu, bualu bua dinanga didi dibuikila malu mabi a bungi;

1 Yone 3:11

Bua edi ndi dinuakunvua ku tshibangidilu bua tuetu tunangangane;

1 Yone 4:21

Tudi tuangata mukenshi eu kudiye ne, Muntu udi unanga Nzambi anange muanʼabo kabidi.

1 Tesalonike 4:9

Kadi bualu bua dinangangana dia bana babo ba mu Kilisto, kanuedi ne bualu bua muntu anufundile dî; bualu bua nuenu nudi bayishibue kudi Nzambi bua kunangangana.

Efeze 5:2

Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

Marke 9:7

Ditutu diakalua, diakababuikila, dî diakaluhuka mu ditutu ne, Eu udi Muanʼanyi munanga, munvuilai.

Matayi 22:39

Muibidi udi mufuanangane nʼau ne, Sua mukuenu bu mûdi mudisue.

Bienzedi 16:31

Bakamba ne, Itabusha Mukelenge Yesu, neusungidibue ne ba mu nsubu muebe.

Yowanane 17:3

Eu udi muoyo wa tshiendelele, bua bobo bakumanye wewe, Nzambi umuehele mulelela, ne yeye uwakatuma, Yesu Kilisto mene.

Yowanane 14:1

Mitshima yenu kaizakadi; nuitabushe Nzambi, nungitabushe meme kabidi.

Misambu 2:12

Nuluangane mishiku ne muana wandi wa balume, bua yeye kikadi ne tshiji, ne bua nuenu kanujiminyi mu nshila. Bualu bua tshiji tshiandi tshidi tshitemeshibua lukasa. Disanka didi kudi bonso badi bamueyemena!

1 Timote 1:15

Dî edi didi mua kueyemenyibua ndidi bonso bamanye mua kuitabusha ne, Kilisto Yesu wakaluila ha buloba bua kusungileye bantu babi, bandi ku mpala kuabo ku bubi.

Yowanane 1:12

Yeye wakaha bonso bakamuitabusha bukole bua kuluabo bana ba Nzambi, bobo mene badi bitabusha dina diandi;

Yowanane 2:23

Hakadiye mu Yelushalema ku Kuhita kua Yehowa, mu matuku a disanka, bantu ba bungi bakitabusha dina diandi, hakamonabo bimanyinu biandi biakenzeye.

Yowanane 3:18

Kabena balumbuluisha wamuitabusha, kadi bakumana kulumbuluisha wahidia kuitabusha, bualu bua kakitabusha dina dia Muana umuehele mulela wa Nzambi.

1 Yone 2:7

Bananga, tshiena nufundila mukenshi muhia-muhia, kadi mukenshi mukulukulu unuakadi nʼau ku tshibangidilu, mukenshi eu mukulukulu udi dî dinuakunvua.

1 Yone 4:15

Muntu yonso udi ujukula ne, Yesu udi Muana wa Nzambi, Nzambi utu wikala munda muandi, ne yeye utu wikala munda mua Nzambi.

1 Yone 5:13

Nakufunda malu â kunudi, bua nuenu mimanye ne, Tudi ne muoyo wa tshiendelele, kunudi nuenu badi bitabusha dina dia Muana wa Nzambi.