1 Yone 3:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ bua hikala mitshima yetu ituhisha, Nzambi udi uhita mitshima yetu bunene, ne udi mumanye malu onso.

MUKANDA WA MYIDI MUKULU

²⁰ Nansha kondu ketu ka munda katupisha ne: tudi benze bibi, kadi tudi bamanye ne: Mvidi Mukulu mmupite kondu ketu ka munda, mmumanye kabidi bionsu.

1 Yone 3:20 交叉引用

Yirmeya 17:10

Meme Yehowa, ndi ntangila meji a muntu, ndi nteta malu adi mu mutshima bua kufuta muntu yonso bu mudi bienzedi biandi, ne bu mamuma a bienzedi biandi.

Ebrewu 4:13

Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.

1 Korente 4:4

Bua tshiena munvue munda tshindi mua kudihisha nʼatshi, kadi tshiena mbingishibua bua bualu ebu; kadi udi undumbuluisha udi Mukelenge.

1 Yone 4:4

Bana bakese, nudi ba Nzambi, nuakubahita bukole; bualu bua yeye udi munda muenu udi uhita yeye udi wa mu buloba bunene.

Yirmeya 23:24

Yehowa udi ukonka ne, Muntu udi mua kusokoma miaba ya mu busokoko indi tshiyi mumanye mua kumutangila, anyi? Yehowa udi ukonka ne, Tshiena ngûsha diulu ne buloba tente, anyi?

Yobe 33:12

Kadi mu muanda eu wewe kuena wamba dî dilelela; nenkukudimune dî; bualu bua Nzambi udi muhite bantu bunene.

Yowanane 21:17

Wakamukonka tshiakasatu ne, Simona wa Yona, udi munsue, anyi? Mutshima wa Petelo wakanyingalala bua yeye wakamukonka tshiakasatu ne, Udi munsue, anyi? Wakamuambila ne, Mukelenge, wewe udi mumanye malu onso; udi mumanye ne, Ndi mukusue. Yesu wakamuambila ne, Udishe mikoko yanyi.

Didimanyisha 2:23

Nenfuishe bana bandi ne lufu, ne ekelesia yonso neimanye ne meme nyeye udi uteta meshi ne mitshima; ne nempe kudi muntu ne muntu wa munkatshi muenu difutu bu mudi midimu yandi.

Misambu 90:8

Wewe wakuteka malu mabi etu ku mpala kuebe, Wakuteka mihi ituakuenza mu busokoko mu munya wa ha mpala hebe.

Tite 3:11

mumanye biebe ne muntu wa mushindu eu wakahambuka mu nshila muimpe ne udi wenza malu mabi, muikale biandi mudihishe.

Yobe 27:6

Nennanukile kukuata buakane buanyi ne tshiena mkulekela nansha. Mutshima wanyi kawena umpisha bua dituku dimue dia ku matuku anyi onso.

Yowanane 8:9

Hakunvuabo dî edi, bakumuka ku umue ku umue balondangane, babange ku wakadi mubatambe bukulu tô ne ku wa kunshikidilu; bakashîa Yesu nkayandi ne mukashi hankatshi hakadiye muimane.

Ebrewu 6:13

Hakalaya Nzambi Abalahama mulayi wandi, hualu bua yeye kakadi ne mukuabo mumuhite bunene bua kuditshiheye kudiye, wakaditshiha mu dina diandi yeye,

Bienzedi 5:33

Hakunvuabo dî edi, tshishi tshikole tshiakabakuata; bakasua kushiha bapostolo.

Rome 8:34

Udi ubahisha nganyi? NKilisto Yesu mene wakafua, E, bulelela, wakabishibua ku lufu, udi ku tshianza tshikole tshia Nzambi, udi utuakuila kabidi.

1 Yone 3:19

Mu muanda eu netumanye ne, Tudi ba bulelela, netuholeshe mitshima yetu ku mesu kuandi;

1 Yone 3:21

Bananga, hikala mitshima yetu kayi ituhisha, tudi ne dikima ku mesu kua Nzambi;