1 Yone 2:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Ne nudi ne diedibua dia manyi ha mutu henu kudi Wa Tshijila, ne buonso buenu nudi bamanye buala ebu,

MUKANDA WA MYIDI MUKULU

²⁰ Kadi nuenu nuvua bapete Mueyelu wa Tshijila, uvua Kristu munupumuine. Ke panudi bonsu bamanye bulelela.

1 Yone 2:20 交叉引用

Yowanane 14:26

Kadi Musambi, Nyuma Muimpe mene, watumabo kudi Tatu mu dina dianyi, yeye neanuyishe malu onso, neanuvuluishe mei onso anakunuambila.

1 Yone 2:27

Ne nuenu bienu, diedibua dia manyi dinuakuangata kudiye didi dikale munda muenu, nunku kanuena ne bualu bua muntu anuyishe; kadi bu mudi diela diandi dia manyi dinuyisha bua malu onso, didi dilelela kabidi ne kadiena mashimi, bu muakanuyishadi, nushale munda muandi.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Nsumuinu 28:5

Bantu babi kabena bajingulula kulumbulula kuakane, kadi badi bakeba lungenyi kudi Yehowa badi bakajingulula tshishiki.

Misambu 23:5

Wewe udi ulongolola mesa ku mesu kuanyi ku mpala kua badi nʼanyi lukuna; udi wela manyi ha mutu hanyi, luhanza luanyi ludi luhongoloka.

Bienzedi 10:38

nudi bamanye kabidi bualu bua Yesu wa mu Nazaleta bu muakamuela Nzambi Nyuma Muimpe ne bukole; yeye wakendakana wenza malu mimpe, wondaha ukolesha bonso bakadi bakengeshibua kudi diabolo, bua Nzambi wakadi nʼandi.

Yowanane 16:13

Kadi halua Nyuma wa bulelela, yeye neanulombole mu malu malelela onso; bua yeye kena udiambila, kadi neambe anu malu ûnvueye, neanuambile malu alualua.

Ebrewu 1:9

Wewe wakusua malu makane ne udi ne malu mabi tshishi; Bua bualu ebu Nzambi, Nzambi webe mene, Wakuela manyi a disanka ba mutu hebe Ne diela dia manyi ditamba diakeleye bakuebe.

1 Yone 4:13

Mu muanda eu tudi bamanye ne tuetu tutu tuikala munda muandi, ne yeye utu wikala munda muetu, bualu bua wakutuha diha dia Nyuma wandi.

Misambu 45:7

Udi unanga malu makane ne udi ne malu mabi lukuna. Bua bualu ebu Nzambi, Nzambi webe mene, wakukuna manyi a disanka ha mutu hebe ne diela dia manyi ditamba diakeleye bakuebe.

Bienzedi 3:14

Nuenu nuakuhidia Udi wa Tshijila ne Muakane, nuakulomba bua kunuhabo muntu mushihianganyi;

Luke 4:18

Nyuma wa Nzambi udi hamʼbidi hanyi, Bualu bua yeye wakangela manyi ha mutu ne, Ambila bantu bahele lumu luimpe; Yeye wakuntuma ne, Ambila bena lukanu bualu bua dikohoka diabo, Ne bafofo bualu bua kutabasha kua mesu abo, Uhe badi batata budishikaminyi,

Marke 1:24

Wewe Yesu Muena Nazaleta, budi nʼebe bualu kai? Wewe wakulua bua kutushiha, anyi? Ndi mukumanye, wewe udi Wa Tshijila wa Nzambi.

Misambu 92:10

Kadi wewe wakubandisha lusengu luanyi bu lua mbowa, wakungela manyi mahia-mahia ha mutu hanyi.

Misambu 71:22

Nenkutumbishe kabidi ne lunzenze, nentumbishe lulamatu luebe lua bushuwa, Nzambi wanyi; nenkuimbile misambu ya kukutumbisha nʼai ne lunkombe, wewe wa Tshijila wa Isalele.

Didimanyisha 4:8

Ne bifukibue binai bidi ne muoyo, ku tshintu ne ku tshintu, bidi ne mahuahua asambombo, bidi biûle tente ne mesu mabinyunguluka bam bidi ne munda; kabiena ne dikisha munya ne butuku, biamba ne, Wa Tshijila, Wa Tshijila, Wa Tshijila udi Mukelenge Nzambi wa Bukole Buonso, wakadiku ne udiku ne udi ulua.

Didimanyisha 3:7

Fundila muanjelo wa ekelesia wa ku Filadelefia ne, Udi wa tshijila, udi wa bulelela, udi ne luvungula lua Davidi, udi unzulula ne kakuena udi winshila, udi winshila ne kakuena udi unzulula, udi wamba malu â ne,

Ebrewu 8:11

Ne kabena bayîshangana muntu ne muntu ne mukuandi, Ne muntu ne muntu ne muanʼabo, bamba ne, Umanye biebe Mukelenge; Bua bonso nebanmanye, Kudi udi mutambe kuhuekela tô ne kudi udi mutambe bunene munkatshi muabo.

1 Korente 2:15

Muntu udi ne Nyuma udi ujingulula malu onso, kadi muntu eu mene kabena bamujinguluila kudi mukuabo.

Luke 4:34

Ei! Wewe Yesu, Muena Nazaleta, tudi nʼebe bualu kai? Wewe wakulua bua kutushiha, anyi? Ndi mukumanye, wewe udi Wa Tshijila wa Nzambi.

Yeshaya 43:3

Bualu bua meme ndi Yehowa Nzambi webe, Wa Tshijila wa Isalele, Musungidi webe. Nakufila Ejipitu bu biuma bua kukubikila nʼabi, nakudia Atiopa ne Seba bua kubashintakasha nʼebe.

Misambu 16:10

Bualu bua wewe kuena ushiya muoyo wanyi mu Muaba wa Bafue; kuena witabusha bua muntu webe wa tshijila atangile Dijimba dia Bafue.

Yirmeya 31:34

Kabena bayishangana kabidi muntu yonso ne muena mutumba nʼandi, ne muntu yonso ne muanʼabo, bamba ne, Umanye biebe Yehowa; bualu bua buonso buabo nebammanye, kudi udi mutambe buhuekele munkatshi muabo tô ne kudi udi mutambe bunene munkatshi muabo. Bualu bua nembabuikidile mibi yabo, ne tshiena nvuluka malu mabi abo kabidi.

Matayi 13:11

Yeye wakabandamuna ne, Bakanuha bienu lungenyi lua kumanya malu a bukelenge bua mu diulu adi masokoka, kadi kabakabahalu.

Yuda 1:5

Nasha nuenu bamanye malu onso musangu umue tshiendelele, ndi musue kunuvuluishau kabidi ne, Mukelenge mumane kusungila bantu bandi mu buloba bua Ejipitu, ku nyima yeye wakashiha bantu bakadi kabai ne ditabusha.

Lewitiki 7:35

Etshi ntshintu tshia tshijila tshia Alona ne tshia bana bandi balume munkatshi mua milambu ya Yehowa idibo bosha ha kahia mu dituku diakabasunguleye bua kuenzelabo Yehowa mudimu wa buakuidi,