1 Samuele 19:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yeye wakavula bilulu biandi bionso, wakamba dî dia Nzambi ku mesu kua Samuele, wakalala hanshi butaka munya mujima ne butuku bujima. Nunku bakakonkangana ne, Shaula kabidi udi munkatshi mua baprofete, anyi?

MUKANDA WA MYIDI MUKULU

²⁴ Shawule kuvula bilamba bu muvua bambi bakuabu benza. Kujaye maja, wela mbila, muaba uvua Samuwele. Pashishe kufuaye tshipuka, muikale butaka. Kushalaye nanku munya mujima too ne butuku. Ke padi bantu bashala belangana lusumuinu ne: “Kadi Shawule kabidi ukadi muambi anyi?”

1 Samuele 19:24 交叉引用

Mika 1:8

Bua muanda eu nengase muadi, nendile, nengende butaka ne ku makasa kutuhu; nengase muadi bu wa mibuabua, nendile ne kudila bu kua nyunyu wa nfiondo.

Yeshaya 20:2

Mu tshikondo atshi Yehowa wakambila Yeshaya, muana wa Amoza, ne, Ya usulule bilulu bikayabala bidi mu tshimono tshiebe, umushe bisabata biebe ku makasa ebe. Yeye Wakenza nunku, wenda butaka ne kayi ne bisabata.

2 Samuele 6:20

Hashishe Davidi wakahingana bua kuvudishileye ba mu nsubu wandi disanka. Mikala, muana mukashi wa Shaula, wakaluhuka bua kusangakeneye ne Davidi, wakamuambila ne, Mona bu mudi butumbi bua mukelenge wa Isalele lelu hakamuangeye bilulu biandi ku mesu kua bakashi ba bena mudimu bandi bu mudi muntu wa tshianana umuangalasha bilulu biandi kayi ne bundu!

Bienzedi 9:21

Bonso bakunvua dî diandi bakadi bakema, bakabanga kukonka ne, Eu kanyeye wakabutula bakadi batendelela dina edi mu Yelushalema, anyi? Yeye wakadi muluile bualu ebu kunoko bua kuyeye nʼabo basuika ku mesu kua bakuidi banene.

2 Samuele 6:14

Davidi wakaja maja ku mpala kua Yehowa ne bukole buandi buonso: Davidi wakadi ne efoda wa lin musuika mu tshifila tshiandi.

Dibadika 24:4

udi unvua mei a Nzambi, udi utangila bilota bia Nzambi wa Bukole, hahoneye hanshi, mesu andi adi matabale,

1 Samuele 10:6

Nyuma wa Yehowa neakutulukile bikole, wewe newambe nʼabo dî dia Nzambi, wewe neukudimuke bu mu ntu mukuabo.

1 Samuele 15:35

Samuele kakalua kutangila Shaula kabidi tô ne muakafueye; kadi Samuele wakadila muadi bualu bua Shaula; ne Yehowa wakakudimuna mutshima bualu bua yeye wakasungula Shaula mukelenge wa Bena Isalele.

1 Samuele 18:10

Hakatshiabu nyuma mubi mulume kudi Nzambi wakatulukila Shaula bikole, yeye wakalubakana mu nsubu muandi; Davidi watamba tshisanji ne tshianza tshiandi bu muakadiye wenza ku dituku ku dituku. Shaula wakadi ne difuma mu tshianza tshiandi.