1 Petro 4:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bualu bua matuku mahite akakumbana bua nuenu nulonde disua dia bisamba bia bende, ne bua nuenu nuende mu tshienzenza tshia masandi, mu nkuka, mu kukuatshika kua malulu, mu manaya a bundu, mu tshingu tshia banu ba malulu, ne mu kutendelela kua mpingu mibi.

MUKANDA WA MYIDI MUKULU

³ Bualu ku kale nuvua bajimije meba mapite bungi, nuenza malu adi bantu badi kabayi bamanye Mvidi Mukulu basue kuenza. Nuvua bende mu njila mibi, balonde majinga mabi, bakuatshike maluvu, badie budiavi, banue bunuavi, batendelele mvidie mibi ya patupu.

1 Petro 4:3 交叉引用

1 Korente 6:11

Bakuabo benu bakadi nunku; kadi nuakuvuibua, nuakajidibua, nuakabingishibua mu dina dia Mukelenge Yesu Kilisto, ne mu Nyuma wa Nzambi wetu.

Efeze 5:18

Kanukuatshiki maluvu, mudi dinyanguka dia muoyo munda muau, kadi nûshibue tente ne Nyuma Muimpe.

1 Tesalonike 4:5

kikadi nʼau mu nkuka ya disamina dibi dia mutshima, bu mudi ba bisamba bia bende benza badi kabai bamanye Nzambi.

1 Petro 1:14

Nuikale bana batumikidi, kanudifuanyikishi bu munuakadi mu nkuka yenu ya diambedi, mu buhote buenu;

Ngalate 5:21

mutshiaudi, bukuatshiki bua maluvu, manaya a bundu ne malu â onso; edi ndianjila kunudimusha bu munakamana kunudimusha diambedi ne, Bantu batu benza malu â kabena bahiana bukelenge bua Nzambi.

Ngalate 5:19

Malu mabi adi mubidi wenza adi amueneka ne, Tshiendenda tshia malunda mabi, meshi mabi, masandi,

Yezekiyele 45:9

Mukelenge Yehowa udi wamba ne, Nuenu, bakokeshi ba Bena Isalele, nuitabushe bua malu makole anuakenza ne ashike! Lekelai kuenza malu makole ne kunyenga bintu ku bukole; kosai bilumbu ne kulumbulula kuakane ne londai malu makane; lekelai kuihata bantu banyi mu nsubu yabo.

Yuda 1:4

Bualu bua bantu bakuabo bakabombelela munkatshi muenu mu musokoko; bobo bakadi ne malu abo mafundibue diambedi ku dihila edi; badi kabai ba Nzambi, bandamuna ngasa wa Nzambi wetu ku malu a masandi, badi babenga Nfumu wetu umue umuehele, udi kabidi Mukelenge wetu, Yesu Kilisto.

Bienzedi 17:30

Diambedi Nzambi wakahitshishila bantu bikondo bia buhote buabo hatuhu, kadi katataka yeye udi wela mukenshi ne, Bantu bonso badi kuonso bakudimune mitshima yabo;

Yezekiyele 44:6

Ambila bantombokedi ba mu tshisamba tshia Bena Isalele ne, Mukelenge Yehowa udi wamba ne, Nuenu Bena Isalele, kanuikadi ne malu enu a tshinyangu kabidi,

Yeshaya 28:7

Kadi bantu aba mene badi batshinkakana ne nvinyo, badi batenkakana bualu bua maluvu makole; muakuidi ne muprofete badi batshinkakana bualu bua maluvu makole, badi baboteshibua bualu bua nvinyo, badi batenkakana bualu bua maluvu makole; badi batuhakana mu dijingulula dia bikena kumona, badi balenduka hakosabo bilumbu.

Tite 3:3

Bualu bua tuetu tuakadi bahote diambedi, tuakadi ne buhidia, tuakadi badingishibua, tuakadi tulonda nkuka ne masanka bia mishindu ya bungi; tuakadi tuikala ne lukinu ne mukau; tuakadi tukinyibua, tuakadi tukinangana.

2 Korente 12:21

bua hanalua kunudi tshiakabidi, Nzambi wanyi kantamunyi ku mpala kuenu, ne mutshima wanyi kunyingaladi bua bantu bangi bakenza malu mabi diambedi ne kabena banze kukudimuna mitshima yabo ku meshi mabi ne tshiendenda tshia malunda mabi ne masandi biakenzabo.

1 Korente 12:2

Nudi bamanye ne, Hanuakadi ba mu bisamba bia bende, nuakasesuishibua kudi mpingu ya tumama, bu muakamanyabo mua kunulombola.

Rome 13:13

Tuendakana! bietu bilengele, bu mutudi tuenda mu munya; katuendi mu manaya a tshianana ne mu bukuatshiki bua malulu, mu malu a bundu ne a bienzenza bia masandi, mu kutandangana ne mukau.

Marke 7:22

ne lukuka lua biuma ne malu mabi ne mashimi ne bulobo ne disu dibi ne bihendu ne diambu ne buhote;

Yirmeya 16:18

Nendianjile kubafuta dikenga dia musangu muibidi bua malu mabi abo ne bua mibi yabo, bualu bua bakunyanga buloba buanyi ne bitalu bia bintu biabo bibi, ne bakûsha buhianyi buanyi tente ne malu abo a bundu.

Yeshaya 65:4

Badi bashikame munda mua majambu, badi balala butuku mu miaba idi misokoke; badi badia munyinyi wa ngulube, ne mukelekele wa munyinyi wa tshianana udi mu ngesu yabo;

Yeshaya 5:11

Mulau wikale kudi bantu badi bajuka hatshiatshia bua kuya kukeba maluvu makole, kudi bantu badi batabale tô ne munda mua butuku, tô ne halua maluvu kutemesha mitshima yabo!

2 Kulondolola 15:8

Hakunvua Asa mei â akamuambila Odede muprofete, yeye wakakolesha mutshima wandi, wakumusha malu mabi onso akadi mu buloba bua Yuda ne Benyamina, ne mu misoko yonso yakanyengeye mu mikuna ya Efelayima; yeye wakashila kabidi tshioshelu tshia Yehowa tshiakadi ku mpala kua tshibuelelu tshia ku nsubu wa Yehowa.

1 Bakalenga 21:26

Wakenza malu a bundu a bungi bua kulondeye mpingu ne bilele bia Bena Amole bakumusha Yehowa ku mpala kua Bena Isalele.

2 Samuele 13:28

Abashaloma wakelela bantu bandi mukenji ne, Nutangile Amenona bimpe ne hasanka mutshima wandi mu kukuatshika kua maluvu. Hananuambila ne, Nutahe Amenona, bimpe nu mushihe, kanutshinyi; meme tshiakunuambila dî, anyi? Nukoleshe mitshima, nuikale ne dikima.

Yirmeya 16:11

Nunku neubambile ne, Yehowa udi wamba ne, Bualu bua batatu benu bakundekela, bakulonda nzambi ya bende, bakuyikuatshila mudimu, bakuyitendelela, bakundekela ne kabakutumikila mikenji yanyi.