1 Korente 9:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Katuena ne bukole bua kuya ku luendu muntu ne muntu ne mukashi wandi udi muena ditabusha, bu mudibo benza kudi bapostolo bakuabo, ne kudi bana babo ne Mukelenge, ne kudi Kefa, anyi?

MUKANDA WA MYIDI MUKULU

⁵ Tshiena mua kuya mu luendu ne mukaji muena ditaba, mudi bapostolu bakuabu, Petro ne bana babu ne Mfumu, benza anyi?

1 Korente 9:5 交叉引用

Yowanane 1:42

Wakalua nʼandi kudi Yesu. Yesu wakamumona wakamuambila ne, Wewe udi Simona, muana wa Yona; nebakuidike dina ne, Kefa (kukudimuna kua muaku ne, Petelo).

Matayi 8:14

Hakabuela Yesu mu nsubu wa Petelo, wakamonamu muku wandi mukashi mulale hanshi ne disama dia mubidi kahia.

Ebrewu 13:4

Dibaka dikale dinemekibua munkatshi mua bantu bonso, bulalu kabunyanguki; Nzambi nealumbuluishe bena masandi bajike ne bena masandi babake.

Ngalate 1:19

Tshiakamona mukuabo wa bapostolo, anu Yakobo muanʼabo ne Mukelenge.

1 Korente 7:39

Mukashi udi mubumbakasha kudi mulume wandi hatshidi mulume ne muoyo, kadi biafua mulume wandi, yeye udi mumanye mua kuya ku dibaka kudiye musue, kadi anu mu Mukelenge.

1 Korente 7:7

Kadi nakadi kusua balume bonso bikale bu meme. Kadi muntu ne muntu udi ne tshihedi tshiandi kudi Nzambi, mukuabo nunku mukuabo nunku.

Bienzedi 1:14

Buonso buabo bakadi ne mitshima muomumue, bakananukila kutendelela Nzambi, ne bakashi, ne Malia mamu wa Yesu, ne bana babo ne Yesu.

Tite 1:6

bikalaku muntu udi kai mua kubandibua, udi ne mukashi umue, udi ne bana bandi badi bena ditabusha, badi kabai babandibua bua dinyanguka dia muoyo anyi bua huhidia.

1 Timote 5:2

usengelele bakashi banunu bu bamamu bakuidi; usengelele bansongakashi bu bana benu ba tatu umue mu butoke buonso bua mutshima.

1 Timote 3:2

Nunku budi mukulu-mutangidi nʼabu mbua kuikala kai ne bilumbu; ikale biandi muena mukashi umue; ikale biandi muena meshi mahola ne buhuekele; amanye mua kulongolola malu andi bimpe; ikale musankididi wa benyi; ikale muakane wa kuyisha bakuabo.

1 Korente 7:15

Kadi biumuka muntu udi kai muena ditabusha, umuke biandi; bualu bua muanʼenu mulume anyi muanʼenu mukashi wa ma Kilisto kena ushala mu buhika mu malu a nunku; Nzambi wakanubikila bua nuenu nuikale mu ditalala.

1 Korente 1:12

Ndi ngamba nunku ne, Muntu ne muntu wa munkatshi muenu udi wamba ne, Meme ndi wa Paulo; meme ndi wa Apolo; meme ndi wa Kefa; meme ndi wa Kilisto.

Rome 16:1

Ndi numanyisha bua Foibe, muanʼetu mukashi wa ma Kilisto, udi mulami wa mu ekelesia udi ku Kenekelea,

Yowanane 2:12

Hakashika malu â, wakaya ne mamuʼandi, ne bana babo, ne bayidi bandi ku Kapênuma; kabakashalamu matuku a bungi.

Luke 6:15

ne Matayo, ne Toma, ne Yakobo muana wa Alafayo, ne Simona wakadibo babikila ne, Muena Lukunukunu,

Marke 6:3

Yeye kena muena mabaya, anyi? Kena muana wa Malia, anyi? Kena muanʼabo ne Yakobo ne Yose ne Yuda ne Simona, anyi? Bana babo ba bakashi kabena munkatshi muetu, anyi? Bakalenduka bua bualu buandi.

Marke 1:30

Muku wa Simona mukashi wakadi mulale hanshi ne disama dia mubidi kahia; bakambila Yesu bualu buandi;

Matayi 13:55

Yeye kena muana wa muena mabaya, anyi? Kabena babikila mamuʼandi ne, Malia, anyi? Bana babo ba balume Yakobo ne Yosefe ne Simona ne Yuda;

Musambu wa Solomo 4:12

Muanʼetu mukashi, mukashi wanyi mubangile, udi bu tshibunda tshidi ne tshibi tshinshila; udi bu mpokolo wa mai mubuikile, udi bu mushimi wa mai udi ne tshibuikilu.

1 Timote 4:3

Bobo badi bakanda bantu dibaka, badi babelela mukenshi ne, Jilai bia kudia bikuabo, biakafuka Nzambi bua bantu badi ne ditabusha ne badi bamanye bualu bulelela badie ne kusakidila.

1 Korente 7:8

Kadi ndi ngambila batshidi bajike ne bakashi ba mu lufuila ne, Bidi bimpe biashalabo bu meme mene.

Luke 8:20

Bakamuambila ne, Mamu webe ne bana benu badi bimane ku bula, badi basue kukutangila.