1 Korente 15:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ wakajikibua, wakubishibua ku lufu hakahita matuku asatu, bu mudi Mukanda wa Nzambi wamba;

MUKANDA WA MYIDI MUKULU

⁴ Mbamujike. Kadi mmubike ku lufu dituku disatu, muvua Mikanda ya tshijila mimane kuamba.

1 Korente 15:4 交叉引用

Osheya 6:2

Hahita matuku abidi, yeye neahingashe; halua dituku disatu, yeye neatubishe bua tuetu tuikale ne muoyo ku mpala kuandi.

Matayi 12:40

Bu muakadi Yona munda mua munyinyi mimene wa mu mai minya isatu ne mafuku asatu, nunku Muana wa muntu neikale munda mua buloba minya isatu ne mafuku asatu.

Yona 1:17

Yehowa wakalongolola munyinyi munene wa mu mai bua kuminau Yona; ne Yona wakadi munda mua munyinyi wa mu mai minya isatu ne mafuku asatu.

Misambu 2:7

Nengambile bantu mukenji wandi; Yehowa wakungambila ne, Wewe udi muana wanyi; lelu eu nakuelela.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

Rome 6:4

Ke tuakajikibua nʼandi ku dibatiza mu lufu, bualu bua bu mudi Kilisto mubishibue ku bafue bua butumbi bua Tatu, muomumue kabidi butudi nʼabu mbua kuenda mu muoyo muhia-muhia.

Luke 24:46

Yeye wakabambila ne, Bakafunda ne, Mbimpe bia Kilisto kukengeye ne kubikeye ku lufu hahita matuku asatu;

Luke 24:26

Kabiakadi bimpe bia Kilisto kukengeye mu malu â ne bua kubueleye mu butumbi buandi, anyi?

Luke 9:22

wakabambila ne, Budi Muana wa muntu nʼabu mbua kukengeshibua makenga a bungi, ne bua kuhidibua kudi bakulu ne kudi bakuidi banene ba Nzambi ne kudi bafundi, ne bua kushihibua, ne bua kubishibua hahita matuku asatu.

Kolose 2:12

Nuakajikibua nʼandi mu dibatiza, munuakabishibua nʼandi munda muadi kabidi, bualu bua ditabusha dienu dia mu kuenza kua Nzambi wakamubisha munkatshi mua bafue.

Bienzedi 17:31

bua yeye wakasungula dituku didiye ulumbuluisha ba ba buloba mu buakane kudi muntu wakasunguleye. Yeye kabidi wakaha bantu bonso ditabusha dia bualu ebu, bua yeye wakamubisha ku lufu.

Bienzedi 1:3

Hakamaneye kukenga, wakamueneka kudibo ne muoyo, bimanyinu bia buala ebu biakadi bia bungi, wakamuenekamueneka kudibo nunku matuku makumi anai Wamba malu a bukelenge bua Nzambi.

Marke 9:31

Yeye wakadi uyisha bayidi bandi ne, Nebafile Muana wa muntu mu bianza bia bantu, nebamushihe; hamushihabo, yeye neabike kabidi, hahita matuku asatu.

Matayi 20:19

nebamufile mu bianza bia bantu ba mu bisamba bia bende, bamuseke, bamukume, bamushihe ku mutshi mutshiamakane; kadi hahita matuku asatu yeye neabishibue.

Matayi 16:21

Ku tshikondo atshi Yesu wakabanga kulesha bayidi bandi ne, Bundi nʼabu mbua kuya ku Yelushalema, ne bua kukengeshibua makenga a bungi kudi bakulu ne kudi bakuidi banene ba Nzambi ne kudi bafundi, ne bua kushihibua, ne bua kubishibua hahita matuku asatu.

1 Petro 1:11

bakebakeba tshikondo kai ne mushindu kai wa tshikondo tshiakabalesha Nyuma wa Kilisto wakadi munda muabo, hakadianjileye kubambila bua makenga a Kilisto ne bua butumbi buakadi ha kualonda.

Yowanane 19:38

Hakashika malu â, Yosefe wa ku Alimataya, wakadi muyidi wa Yesu mu musokoko bualu bua wakadi utshina Bena Yuda, wakalomba Pilato bua kuangata tshitalu tshia Yesu; Pilato wakitabusha. Nunku yeye wakalua, wakangata tshitalu tshiandi.

Misambu 16:8

Nakuteka Yehowa ku mpala kuanyi misangu yonso; bualu bua yeye udi ku tshianza tshianyi tshia balume tshiena nyungishibua.