1 Korente 14:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Anyi, biwatendelela Nzambi anu ne nyuma, muntu udi munkatshi mua badi kabai ne bihedi bia Nyuma udi mumanye mua kuamba ne, Amen, munyi, hawasakidila Nzambi, hadiye kai mumanye dî diudi wamba?

MUKANDA WA MYIDI MUKULU

¹⁶ Paudi wela Mvidi Mukulu tuasakidila mu Mueyelu nkayawu, muntu mukuabu udi ubuela mu tshisangilu awu, udi mua kudisanga nenu mu ditendelela bishi? Bu mudiye kayi umvua binudi nuamba, kena mua kuitaba amene nansha.

1 Korente 14:16 交叉引用

Didimanyisha 5:14

Ne bifukibue binai bidi ne musyo biakamba ne, Amen. Ne bakulu bakahona hanshi, bakakukuila.

Misambu 106:48

Yehowa, Nzambi wa Isalele, avudishibue disanka, ku tshibangidilu tô ne kunshikidilu! Bantu bonso bambe biabo ne, Amen! Tumbishai Yehowa!

1 Kulondolola 16:36

Yehowa, Nzambi wa Isalele, avudishibue disanka, ku tshibangidilu tô ne kunshikidilu! Bantu bonso bakamba ne, Amen; bakatumbisha Yehowa.

1 Korente 11:24

hakasakidileye Nzambi, wakabitshibula, wakamba ne, Ebi bidi mubidi wanyi wakanuhebua bualu buenu; enzai nunku bua kubuluka.

Yirmeya 28:6

Yelemiya muprofete wakamuambila ne, Amen. Yehowa enze nunku, Yehowa enze mei ebe awakuamba, bua kuhingasheye mpanza yakadi mu nsubu wa Yehowa ne honso hakadi mu buhika mu Babulona, abihingashe ku muaba eu.

Nehemya 8:6

Ezela wakavudishila Yehowa Nzambi munene disanka. Bantu bonso bakamuitaba ne, Amen, Amen, bele maboko abo mulu; bakinyika mitu yabo, bakatendelela Yehowa ne mesu abo minangile hanshi.

Didimanyisha 7:12

bamba ne, Amen, disanka ne butumbi ne meshi ne disakidila ne buneme ne bukokeshi ne bukole bikale kudi Nzambi wetu tô ne tshiendelele; Amen.

Dibadika 5:22

ne mai au adi elesha mulau neabuele mu mala ebe, neatuntumushe mubidi webe, neaboleshe tshibelu tshiebe Ne mukashi neitabe ne, Amen, Amen.

Didimanyisha 22:20

Yeye udi umanyisha malu â udi wamba ne, E, ndi ndua lubilu. Amen; lua, Mukelenge Yesu.

1 Korente 16:24

Dinanga dianyi dikale ne buonso buenu mu Kilisto Yesu. Amen.

1 Korente 14:14

Binatendelela mu muaku undi tshî mumanye, nyuma wanyi udi utendelela, kadi meshi anyi kêna wenza bualu.

1 Korente 14:2

Bualu bua muntu udi wakula muaku udi bantu kabai bamanye, kena wakula kudi bantu kadi udi wakula kudi Nzambi; bualu bua kakuena muntu udi unvua dî diandi; kadi mu nyuma wandi yeye udi wamba malu atshidi masokoka.

Bienzedi 4:13

Hakamonabo dikima dia Petelo ne Yone, hakamanyabo ne, Kabena bamanye mikanda, badi bantu hatuhu, bakakema; bakabamanya ne, Mbakadi ne Yesu.

Yowanane 21:25

Malu makuabo a bungi adiku kabidi akenza Yesu; biâfundabo onso, ndi ngamba ne, Buloba bujima mene kabuena bukumbana miaba ya kuteka mikanda yafundabo.

Yowanane 7:15

Bena Yuda bakakema ne, Muntu eu udi mumanye mikanda, kai muanze kuiyila, munyi?

Marke 16:20

Bakaya, bakamba bualu bua Nzambi kuonso; Mukelenge wakabenzesha, wakajadika dî ne bimanyinu biakabalonda. Amen.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Matayi 6:13

Kutufikishi hadi mateyi, kadi utusungile kudi bubi. [

Yirmeya 11:5

bua njadike mutshihu wanyi unakaditshiha kudi bankambua benu, bua kubaha buloba budi bûle tente ne mabele ne buitshi, bu mudibu lelu eu. Hashishe meme nakitaba, nakamba ne, Amen, Yehowa!

Misambu 89:52

Yehowa avudishibue disanka tshiendelele! Amen ne Amen.

Misambu 72:19

Dina diandi dia butumbi divudishibue disanka tshiendelele; buloba bujima bûshibue tente ne butumbi buandi. Amen ne Amen.

Misambu 41:13

Yehowa, Nzambi wa Isalele, avudishibue disanka ku tshibangidilu tô ne kunshikidilu! Amen! Amen!

Nehemya 5:13

Nunku nakatutula bilulu bianyi, nakamba ne, Nzambi neatutushe muntu yonso ku nsubu wandi ne ku mudimu wandi nunku biahangeye kumana mulayi eu; nebamumushe nunku, yeye neikale hatuhu. Bantu bonso bakamba ne, Amen; bakatumbisha Yehowa. Bantu bakenza bu muakadi mulayi eu.

1 Bakalenga 1:36

Benaya, muana wa Yehoyada, wakakudimuna mukelenge ne, Amen. Yehowa, Nzambi wa mukelenge wanyi, ambe biandi nunku kabidi.

Matayi 15:36

wakamema mitanda muanda mutekete ne mishiha; wakatendelela Nzambi, wakabitshibula, wakabifila mu bianza bia bayidi, bayidi bakaha bantu.

2 Korente 1:20

Bualu bua bu mudi bungi bua milayi ya Nzambi, munda muandi mudi anu E; nunku kabidi bua bualu buandi kudi Amen, bua Nzambi atumbishibue bua bualu buetu.