1 Korente 13:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ ludi tutuala malu onso, ludi luitabusha malu onso, ludi lutekemena malu onso, ludi ludikankamika mu malu onso.

MUKANDA WA MYIDI MUKULU

⁷ Udi unanga, kena wela muntu nyima. Udi amu witaba muntu yonsu, umutendakena, umuakidila ne lutulu luvule.

1 Korente 13:7 交叉引用

1 Petro 4:8

ku mutu kua malu onso nuikalangane ne dinanga dikole munkatshi muenu, bualu bua dinanga didi dibuikila malu mabi a bungi;

1 Korente 13:4

Luse ludi lukenga musangu mule, ludi luenzela bakuabo bimpe; luse kaluena ne mukau; luse kaluena lufunafuna, kaluena ludisua;

2 Timote 2:24

Muhika wa Mukelenge kena ne bua kutandangana, kadi ikale biandi ne kalolo kudi bantu bonso, ikale muakane mua kuyisha bantu, ikale ne lutulu;

1 Petro 2:24

Yeye muine wakututuadila malu mabi etu mu mubidi wandi ku mutshi mutshiamakane, bua tuetu, bamane kufua ku malu mabi, tuikale ne muoyo wa ku buakane; kunuakuondahibua ku mibundabunda yandi.

Nsumuinu 10:12

Lukuna ludi lusonsola nvita, kadi dinanga didi dikanda ditomboka dionso.

1 Korente 9:12

Biangata bakuabo bukole ebu ha mutu henu, tuetu katuena tutamba kubuangata, anyi? Kadi katuakanuenzesha ne bukole ebu; kadi tudi tudikankamika mu malu onso, bua tuetu kaluishi dihumbisha dimue ku lumu luimpe lua Kilisto.

Ngalate 6:2

Nuambuishangane majitu enu, nunku nutumikile mikenshi ya Kilisto.

2 Timote 4:5

Kadi wikale ne meshi mahole mu malu onso, witabushe makenga, wenze mudimu wa butangadiki, ukumbashe mudimu webe wa Nzambi.

Yakobe 1:12

Muntu udi utantamana mu mateyi udi ne disanka; bualu bua hakamanabo kumujadika, neangate tshifulu tshia butumbi tshia muoyo tshiakalaya Mukelenge badi bamunanga.

Misambu 119:66

Unyishe dijingulula dimpe dia malu ne meji, bualu bua nakueyemena mikenji yebe.

2 Tesalonike 1:4

bua muanda eu tuetu tudi tutumbila bua bualu buenu mu ekelesia ya Nzambi bualu bua ditantamana dienu ne bua ditabusha dienu mu makenga enu onso ne mu matata onso anudi nuikala nʼau.

2 Timote 3:11

makengeshibua anyi ne makenga anyi; ne wakalonda malu akankuata ku Antiokia ne ku Ikonio ne ku Luseta, ne makengesha anakakenga ne mutshima wa dikima; ne Mukelenge wakampandisha munkatshi mua buonso buau.

Rome 15:1

Butudi nʼabu, tuetu bantu bakole, mbua kutuala matekete a badi batekete, kembua kudisankisha nkayetu.

Matayi 10:22

Bantu bonso nebikale nʼenu lukuna bua dina dianyi; kadi wananukila tô ne kunshikidilu neasungidibue.

Ebrewu 13:13

Nunku, tuye bietu kudiye kukala kua tshitudilu, batuala bihendu bia bualu buandi.

Rome 8:24

Bua tuakasungidibua mu ditekemena; kadi ditekemena didibo bamona ku mesu kanditekemena; bualu bua muntu kai udi utekemena bidiye umona ku mesu?

Yobe 13:15

Monai, yeye neanshihe; tshiena ne ditekemena; kadi nennanukile kudijidila ku mesu kuandi bua bienzedi bianyi.

Genese 29:20

Yakoba wakamukuatshila mudimu to bidimu muanda mutekete bualu bua Lakele, ne bidimu ebi biakadi bu anu matuku makese bualu bua dinanga diakamunangeye nʼadi.

Dielulula 1:9

Nakanuambila ku tshikondo atshi ne, Tshiena mua kunutuala nkayanyi:

Marke 9:23

Yesu wakamuambila ne, Binamanya mua kuenza bualu! Bitabusha muntu, malu onso adi mua kumuenzekela.

Dielulula 22:27

bualu bua yeye wakasangakena nʼandi mu budimi; ne mushikankunde mubangila kudi mukuabo wakadila, ne kakuakadi muntu bua kumusungila.