1 Korente 12:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ munga muntu udi uhebua ditabusha mu Nyuma muomumue, mukuabo udi uhebua tshihedi tshia kuondaha mabedi mu Nyuma umue;

MUKANDA WA MYIDI MUKULU

⁹ Munga udi upeta kudi Mueyelu umue wa momumue dipa dia ditaba dikole, mukuabu dipa dia kuondapa babedi.

1 Korente 12:9 交叉引用

2 Korente 4:13

Kadi bualu bua tudi ne nyuma muomumue wa ditabusha bu mudi dî difundibue ne, Nakitabusha, nunku nakakula; tuetu tudi tuitabusha kabidi, nunku tudi tuakula kabidi:

Efeze 2:8

Bualu bua nudi basungidibue ku ngasa bua ditabusha; ne diodi kadiena difuma kunudi, ndiha dia Nzambi;

1 Korente 13:2

Ne bingikala ne tshihedi tshia kuambila bantu dî dia Nzambi, ne binamanya malu onso atshidi masokoka ne lungenyi luonso, ne bingikala ne ditabusha dionso dindi mua kumusha nʼadi mikuna, kadi bingikala tshi ne luse, ndi tshianana.

Ebrewu 11:33

Bua ditabusha diabo bobo bakatekesha makelenge, bakenza malu makane, bakaheta milayi, bakabuikila mukana mua nyama ya ntambue;

1 Korente 12:30

Bonso badi ne bihedi bia kuondaha, anyi? Bonso badi bakula miaku mikuabo, anyi? Bonso badi bajingulula bantu miaku, anyi?

1 Korente 12:28

Ne Nzambi wakateka bakuabo mu ekelesia: ba kumudilu bapostolo, bibidi baprofete, bisatu bayishi, hashishe, malu a kukema, ne bihedi bia kuondaha, ne bakuatshishi, ne bakokeshi ba bantu bandi, ne lungenyi lua kuakula miaku ya bungi.

Marke 16:18

nebakuate nyoka ne bianza, bianuabo tshintu tshia lufu, katshiena tshibasamisha; bialengabo badi ne masama bianza, nebasangale.

Bienzedi 5:15

Bua bualu ebu bantu bakalua ne basame mu misesu ya musoko, bakabaladika ha malalu ne ha biata ne, Hahita Petelo, mundidimbi wandi ubuikile nasha mukuabo wabo.

Luke 10:9

nuondahe bena mabedi badimu, nubambile ne, Bukelenge bua Nzambi buakulua ha buihi nʼenu.

Luke 9:2

Yeye wakabatuma bua kuambilabo bantu bualu bua bukelenge bua Nzambi, ne bua kukoleshabo bena mabedi.

Marke 6:13

Bakumusha bademon ba bungi, bakela manyi ha ba bungi bakadi ne mabedi, bakabakolesha.

Matayi 21:21

Yesu wakandamuna ne, Bulelela, ndi nuambila ne, Binuikala ne ditabusha, kanui ne mpata, nenuenze bu muakuenzelabo mutshi wa nfigi; ne bualu bukuabo kabidi, binuambila mukuna eu ne, Ubishibue, wedibue mu mai manene, bualu nebulue bu munuakuamba.

Matayi 10:8

Nukoleshe badi ne mabedi, mibishe bafue, nulengeshe bena nsudi, numushe bademon; nuakuangata bualu ebu tshianana, nubahebu tshianana.

Bienzedi 10:38

nudi bamanye kabidi bualu bua Yesu wa mu Nazaleta bu muakamuela Nzambi Nyuma Muimpe ne bukole; yeye wakendakana wenza malu mimpe, wondaha ukolesha bonso bakadi bakengeshibua kudi diabolo, bua Nzambi wakadi nʼandi.