ROMANOS 13:7 - Tepehua Pisaflores

⁷ Ixchuxk'an k'ajaxt'a'nitcha yu jalhip'iniyat. Yu k'axt'a'niya'it'iti laka tu'u la'a'tayjun, k'axt'a'nitcha la'a'tayjun, yu k'amap'alhniya'it'iti ixlakata yu lhimapalhlhi'at tu'u, chunchacha k'amap'alhnit. Li yu k'alhiwilaya'it, k'alhiwilatcha, yu ay lapanak k'ala'ts'ina'it, ch'unch'ach'a k'ala'ts'int'it.

ROMANOS 13:7 交叉引用

SAN LUCAS 20:25

An Jesús jajuniy: ―P'us k'axt'a'nitcha yu ix'anu an xajamach'alhkat Roma chi yu ix'anu an Dios wach'uch'a k'axt'a'nit'it.

SAN MATEO 17:25

―Chun, mapalhlhi'an ―jajuniya an Pedro. Walh akxni tanuchalhcha an Pedro, tan ixwilh an Jesús, yuchacha p'ulh xa'alast'uk'a, junkan an Pedro: ―Pedro, ¿t'asuch'a lhiwilayi? An xarejnin ani lakamunulhpa, ¿tisiyu'unchacha yu talhich'iy an tanlhuncha lhimapalhlhi'ati? ¿Yu'uncha an yu tat'alamispay an rejnin u yu'uncha an yu jantu tat'alamispay?

1 TIMOTEO 5:17

An yu laktatanincha yu oxi tala'ts'ilhi'an an yu tajakiklaka'inin wanaj katapu'a't'uyunulhi oxi kajala'ts'inkalh. Yu chuncha ixlipu'a't'uy chuncha oxi kajamapalhnikalh, yu'uncha an yu talhichiwiniy an ixchiwinti Dios chi tamasuy.

SAN MATEO 22:21

Yu'uncha tajuniy: ―Yucha an xajamach'alhkat la'acha'an Roma. Pus an Jesús jajuniy: ―Pus k'axt'a'nitcha yu ix'anu an xajamach'alhkat Roma chi yu ix'anu an Dios wach'uch'a k'axt'a'nit'it.

EFESIOS 6:5

Uxitnan yu wa p'ut'ap'ats'ak'anatcha k'aja'asmatnit'iti amimpatronink'an yu wa de anicha lakaat'un. Ixlisawalhi li k'aja'asmatnit'it ch'i k'ajalhiwilat'it tachanu li yucha an Cristojch'a asmatnit'awnat.

1 PEDRO 3:7

Wanajcha chuni uxitnani lapanakni yu lakt'at'awk'anat, k'ajalhimach'a'xanit'iti amijat'iwinink'an, k'ajalhiwilat'it, mu yu'uncha palay jantu lajk'ut'ilin, chi yu'uncha katat'ala'a'iyani an jatsukunti yu kataxta'niyan an Dios. Ch'unch'a k'a'ilht'ut para li jantu tu'u kamama'tijlalh akxni t'ap'ayniyat.

1 TIMOTEO 6:1

Ixchuxk'an an lapanakni yu wa japutapatsakancha katapastaklhi li t'acha'ani an ixpatronk'an li katalhiwilalh, para li jantu wa aya kalhichiwinkalh an ixta'a'ut Dios chi an yu masuyaw.

EFESIOS 5:33

Atumpaj, atamjtamin uxitnan k'amap'aynit'iti mint'iwik'an t'ach'a akst'u map'aynik'anat, chi an t'aku wachu ka'asmatnilhi yu juniy ixt'apapa'.

SAN LUCAS 23:2

Chi tsukulhcha ta'alhtasuy, tanajun: ―Ani lapanak ik'a'taymaw li wa jalaktilha an lapanakni yu ani jamacha'an, chi najun li jantu kamapalhlhi'anikalhi an ay xajamach'alhkat Roma, najun li ma Cristojo yucha, ma Rey.

SAN MARCOS 12:17

Pus yucha jajuniy: ―K'axt'a'nitcha yu ix'anu an ay xajamach'alhkat Roma, chi yu ix'anu Dios wach'uch'a k'axt'a'nit. Pus sawalhcha talhi'a'nilh.

1 TIMOTEO 5:13

Atumpaj lakatamj lakatamjcha laka lakcha'a talajkilay, chi jantucha tatapatsay. Chi li jantucha tatapatsay wachu wa talakmaslakatinincha, wa tanchuncha tama'ch'axpatanuy chi wa tanlhuncha tanajun yu jantu tu'u lhitapalay.

SAN LUCAS 20:22

¿Oxi li akmapalhlhi'aniw an xajamach'alhkat Roma, u jantu?

ROMANOS 12:10

Tacha lhit'ala'awnini k'alamap'aynip'axat, oxi k'alala'ts'int'it ch'i k'alalhiwilap'axat.

ROMANOS 13:6

Chi wachu yucha ixlakata li uxitnan map'alhlhip'inat'it an tanlhun, mu an jamach'alhkatni yucha an Diosi tat'atapatsay chi yucha yu lhilhij ixli'ilhtutk'an.