32 Wa chuncha sa'cha walhi an un akxni tatajulhcha an laka barco.
Pus sawalhcha ixtalaktalhanan, ixtalajumpaxay: ―¿Tisiyuchacha ani, li an un chi an xkan ta'asmatniya?
Pus wa chuncha yu'uncha ixtalaj'achancha akxni jala'cha'alh an laka barco, chi an barco cha'alhcha an tan ixtita'an lakaat'un.
Jala'tajuchalh an laka barco an Jesús, sa'cha walhi an un, pus sawalhcha ixtalhi'a'niy,
Watukan las mak'anilhi an Jesús, ma'ch'apachalh, chi juniy: ―¡Jantu ayi mijakiklaka'inti! ¿T'asu li jant'u k'ilhiwilayi?
Ixli'astan an yu ixtatajumanalh an laka barco stalhcha tala'alhi an Jesús, chi tatatso'ottanilhcha, tajuniy: ―Uxint'i isTs'alhk'at'i Dios sawalh.
