SAN MATEO 12:24 - Tepehua Pisaflores

²⁴ Walh an fariseojnin mu ixta'asmat'acha, pus talajuniy: ―Ani xliyu lay jalhitamakxtuy an lakmakxkay'un mu Beelzebú yu ixpayk'an an lakmakxkay'uni t'atapatsay.

SAN MATEO 12:24 交叉引用

SAN MARCOS 3:22

Ixpulaknicha ch'a'a an xamaestrojnin lhamap'a'sin, yu ixtamintachalh Jerusalén ixtanajun: ―Xliyu lay jalhitamakxtuy an lakmakxkay'un mu yucha an Beelzebú xapay makxkay'uni t'atapatsay.

SAN MATEO 9:34

Walh an lapanakni yu ixjajunkan fariseojnin, tanajun: ―Xliyu lay jalhitamakxtuy, mu yucha an xapay makxkay'uni t'atapatsay.

SAN LUCAS 11:15

Pero an ali'in ixtanajun: ―Ani lapanak yucha an Beelzebú xajefe an lakmakxkay'uni t'atapatsay para li lay kajatamakxtulh an lakmakxkay'un.

SAN MATEO 9:32

Akxni ta'alhcha an yu jantu lay ixtajalakawanan, talhicha'anipalh pumatami an Jesús yu wa ixla'apaxto'ta makxkay'un, jantucha lay ixchiwiniy.

SAN MATEO 10:25

An jatalanini ka'achalhcha li tacha an ixmaestrojcha jalakpastaknan chi an ma'tapatsan li tacha an ixpatroncha tapatsay. Li tajuniy xapay makxkay'un an lapanak yu la'ts'ilhi'an tani lhiwilakalhcha la ixcha'a, ¿tasu jantu palaycha kajajunkana yu tawilanalh la ixcha'a'a?

SAN LUCAS 11:14

An Jesús a'tamchacha ixtamakxtunit'ajun la'atam makxkay'un pumatam lapanak, an makxkay'un jantucha ixmakawniya li kachiwinilh an lapanak. Pero akxni tamakxtulhcha an Jesús an makxkay'un la ixlakatunaj an lapanak, tsukulhcha chiwiniy. Pus an yu tala'ts'in ixtalhi'a'niycha.