38 An Juan alhtaylh, juniy: ―Maestro, ikla'ts'iw pumatam lapanak yu jak'uch'uyi la minta'a'ut an yu wa talakpach'apata makxkay'un, walh chi jantu kintat'alhtananan, pus jantucha ikmakawniw, mu jantu kintach'a'o'an.
Pus li kit'in Beelzebuju ikpak'uch'unun, an yu tach'a'o'ayan, ¿tisiyuchacha tapak'uch'ununi? Yu'unchacha katajunan li sawalh u jantu t'ach'a an nawnat'it.
Chunchuniya katamasuya an yu tajakiklaka'inin: layi katak'uch'uya la kinta'a'ut an yu wa tala'apaxt'o'a makxkay'un, chi layi katachiwinina tipalhuw tumpaj chiwinti.
