SAN MARCOS 1:27 - Tepehua Pisaflores

²⁷ Pus sawalhcha ixtalhi'a'niya an yu ancha ixtatanumanalh, ixtalajuniy: ―¿Tisuncha aniya? ¿Tisu sast'icha lhamap'a'sini li layi jalaj'aymay an makxkay'un chi ta'asmatniya?

SAN MARCOS 1:27 交叉引用

SAN LUCAS 9:1

An Jesús jama'ayxto'olhi an ixpumakawt'uyk'an ixt'alhtanan chi ja'ilhtulhcha li lay katatamakxtuya tanlhun lakmakxkay'un chi li layi katak'uch'uya wa tuchicha ta'an'at.

SAN MARCOS 7:37

Chi sawalhcha ixtalhi'a'niy, ixtalaknajun: ―Sawalh oxi tacha an ilhtulh, layi jak'uch'uy masi an yu wa laj'a'atapan chi an yu jantu lay tachiwiniy.

SAN MATEO 15:31

Tacha an ts'anakscha ixlakyakalh, sawalhcha ixtalhi'a'niya li an yu jantu lay ixtachiwiniy, ixtachiwiniycha, chi an lakmaklht'ulukun ixtata'oxicha, chi an la'ch'anlh'awilin oxicha ixtalakalhtanan, chi an la'la'lhtulu'un oxicha ixtajalakawanan. Sawalhcha ixtalaknajuni li an ixDiosk'an jamacha'an Israel, ay sawalh.

SAN MATEO 9:33

Pero akxni tamakxtulhcha an Jesús an makxkay'un la ixlakatunaj an lapanak, tsukulhcha chiwiniy. Pus an yu tala'ts'in ixtalhi'a'niycha, ixtalaknajun: ―¡Jantu a'tam chuncha la'ts'inkanta ani xalakaat'un Israel!

SAN LUCAS 4:36

Pus ixchuxk'an an yu tala'ts'ilh ixtalaktalhanancha, chi ixtalajumpaxay: ―¿Tisu wa tichiwinticha ani li layi ilhtuy li kata'osli an lakmakxkay'un chi ta'osa?

SAN MARCOS 10:32

Ixtitatama'ast'a'ancha la'acha'an Jerusalén an Jesús ali an ixt'alhtanan, ixp'ulayi an Jesús, an ixt'alhtanan jantucha ixtalhimacha'xayi li an Jesús o'sliyani ixti'an an la'acha'an masi ixk'atsaycha li kaniya', chi an yu astan ixtamintachalh ixtalaktalhanancha. Pus an Jesús a'tam jalhi'ampalhi tan wa ixpu'akstuk'an an ixpumakawt'uyk'an ixt'alhtanan, tsukulhcha jajuniya tani kaputapasayacha, jajuniy:

SAN MARCOS 10:24

An ixt'alhtanan sawalhcha ixtalhi'a'niya tacha an jajunilh, pus an Jesús jajumpalay: ―Kints'alan, ¡sawalh lhima'anxkayi katatanuyanta la ixlich'alhkat Dios an yu tachanu tumin takiklaka'iy!

SAN MATEO 8:9

Ijk'atsay, mu iklhismanita akxni tu'u kintalhijuniy an yu palaycha xalaj'ajin. Chi kit'in akxni xamati soldado ijkuniy li ka'alh inta, an, chi li kamilh, min. Chi li tu'u iklhijuniy an kima'tsuku, ilhtuy. Xliyu iklhik'atsay li uxint'i layi ka'una'a an ta'an'at li kamakawlhcha an kima'tsuku'.

SAN MARCOS 1:26

Pus an makxkay'un p'ascha lakchikixli an lapanak, chi p'ascha t'asalh, chi makawlhcha an lapanak.

SAN MARCOS 1:28

Watukan ta'a'pitsi'olhi an chiwinti chux Galilea.

SAN MARCOS 16:5

Chi tatanuchalh tala'ts'in ch'up'e' wilh pumatam ts'alh, lhilaka oxi ixpa'xti an puta'aknun, wanaj lhmani an sut'ut'u ixla'ch'it, pus ixtalaktalhanancha.

SAN MARCOS 16:6

Yucha jajuniy: ―Jant'u k'alakt'alhanant'it. Yucha an ka tamakxtukmuk'alh Jesús jamacha'a Nazareti p'uxk'awyat'it. Yucha la'awcho'olhcha, jantucha tu'u tanun. Jo' k'ala'ts'int'it, jantucha tu'u malh an tan ixtamamata.

LOS HECHOS 17:19

Wa chuncha talhi'alhcha tan ixtata'ayxt'o'a jueznin, laka Areópago junkan, chi tajuniy: ―¿Tisu la'sast'icha lhamap'a'sini yu kilalhiminitawi, layi akilajuniw?