46 Akxni an Jesús, p'ascha t'asalh, najun: ―KimPay, an kintakuwin la mimaka ikma'axta'niyan. Chi akxni chunchacha naw'olh, nilhcha.
Akxni ixtalakat'alhmat'ajuncha an Esteban, tapaynilh, najun: ―Jamach'alhkat Jesús, k'ala'a'it'i an kintakuwin.
Akxni otlhicha an Jesús, ixli'astan najun: ―Tapasa'olhcha. Pus lilijcha ma'alhtajulhi an ix'a'tsulh, ma'axta'lhicha an ixtakuwin.
Akxni xkayaj ixtajuniy, yucha jantu xkayaj ixja'alhtajiy. Akxni ixtamama'alh'ajniy, yucha jantu tu'u ixjapume'e'sway, yucha, yucha an Diosi ixmakawni'ojoy, mu yucha oxi lats'awalay an tanlhun.
An Cristo akxni ixt'ajunka ani lakamunulhpa, tapayninilh chi sk'inilhi laka p'as chiwinti chi alhut an yu lay kaxma'alhtaxtulh laka lhinin, chi mu wa xliyu jakiklaka'inin, pus an Dios asmatnilh.
