6 Pus jajuniy: ―An lhitan'oxi ixpa'xti an barcojo k'amu'ut an mimpaxo'tank'an, anch'a k'ach'ap'ayawya'it'it. Pus chunchacha ta'ilhtulh, walh ixli'astan jantucha lay ixtamakutuyi an ixpaxo'tank'an mu wanajcha lhuw jatanti ixtama'alhilata.
Pus yu ta'asmatnilhi an ixchiwinti, talaj'a'paxlicha. Anchunu wilhchan ka tacha la'at'utu milh lapanakni yu tat'atala'xto'lhicha an yu ixtakiklaka'iycha Dios.
Pero ixluwk'an an yu ixta'asmattacha an tacha ixtanajunta an Pedro chi an Juan, takiklaka'ilh. Katacha la'akisi milh lapanakni yu ixtajakiklaka'inincha.
