Tuma 9:17 - Tampulma

¹⁷ Ananias fun si a la zu dam ti a kpa o nisa a sak Sɔɔl ni a ŋɔ un, “Mu niinbe Sɔɔl, ya kunyana Yesu naa i na nyinbaan ni chen, funɛ tum min di mu wa lɛli i se. O gbanko funɛ tum min di o nyɛ Koosa siim weri ti zu hin ni a te i suwachak.”

Tuma 9:17 交叉引用

Tuma 8:17

Pita awa Jɔn funɛ sumi Koosa peti, ba fun kpa ba nisa a saksi ba nyuuni ni Koosa siim weri ti zu ba ni.

Tuma 6:6

Ba funɛ lisi ba peti a kpa ba a chiŋsi nitumɛ ta suwachak ni. Nitumɛ ta fun kpa ba nisa a saksi ba nyuuni ni a sumi Koosa a du ba ni.

Tuma 2:4

ka Koosa siim weri ti fun wa si ba bambe ni, a nyɛ ba fun piili a sɛm sɛm naa vɛ ya ba titi sɛma.

1 Tim. 5:22

Ta kpa i nisa a saksi nara ni lalaga di ba ya ya kunyan ti tumtumsa. Ta lagmi ba naa la tum tum tagna wati, amaa i kpak i titi wa tu chaan ni saha maga.

Tuma 13:52

Yesu nitiŋɛ ba naa se su Koosa laaboor weri ti a li Antiɔk ni, ba tusa funɛ sɔɔniu kinkan ka Koosa siim weri ti te ba suwachak.

Ju 6:2

awa chenani nibinsa kpa ni a chaksi ba nara aa kurge awa chenani ya kpa ya nisa a saksi dɔŋ ni. O wa lawa ya sɛm dɔŋ ni chenani Koosa zi wa lɛli nisitɛ a li ba sou ni wuzu digi a di nibinsa maga sɛria.

Faili. 1:16

Lalaknɔ o wa bu ya yoma kinkan. O ya ya niinbe daŋnirɛ. Mu daŋni unu kinkan. Lalaknɔ i zi daŋni unu a kaali min domi o ya i yomne ka o si su ya kunyana.

2 Tim. 1:6

Chendaha mu daŋni i lisi saha naa mu fun wa kpa mu nisa a sak hin ni, ka Koosa kpa o papaha a nyɛ hin chen. Ta tɔ un, amaa kitum un nɛnɛ.

1 Tim. 4:14

Ta suglɛ papaha naa Koosa fun nyɛ hin saha naa o wa yir hin di i ya o tumtumna a nyɛ o witiina sɛm a li o kpok ni ka Yesu nitiŋɛ nihɛɛti ta kpa ba nisa a sak hin ni.

1 Kɔr. 15:47

Koosa funɛ te kpa hɛɛra a naami Adam, amaa Adam naa tiŋ gantɛl chen, Koosa funɛ tum un a li o tɔhɔn ti nɛɛ.

1 Kɔr. 15:8

Min tiŋ gantɛl a na un. O funɛ duuti ba tiŋ gantɛllɛ a lul min mu na un.

Room 15:7

Maa la dɔŋa a chi Kristo funɛ la ma chen. Ma ya chen, nara zi nyɛ Koosa wa jirimau.

Tuma 26:15

Mu fun pɛɛsi un, ‘Mu kunyana, anti ya hin?’ O fun ŋɔ min, ‘Min ya Yesu naa i namsi chen.

Tuma 21:20

O funɛ sɛm peti, Jems awa nihɛɛti ta fun pɛgi Koosa chenani o tum chen daha. Ba fun ŋɔ Pɔɔl ni, “Ya niinbe, i zimu di Ju tima ba naa nyɛn bar nɔ, tusugsa funɛ nyɛ ya se su ya kunyan ti a kpak un ba bambe ni kinkan di ba tiŋ ba chiksɛ ta.

Tuma 19:6

Pɔɔl fun kpa o nisa a saksi ba ni di Koosa siim weri ti wa zu ba bambe ni. Ba fun piili a sɛm sɛm kurgɛ a la sɛm nara ni Koosa laaboor weri ti wɛ.

Tuma 13:3

Yesu nitiŋɛ ta fun sumi Koosa chen daha a kpa ba nisa a saksi ba ni a nyɛ ba kaali.

Tuma 10:36

Ma zim chenani o fun tum Yesu Kristo, naa ya kina maga nyuhu tiina, di o biksi Koosa laaboor weri ti a nyɛ Ju tim ta ni a nyɛ ba nyinbaan ba wa Koosa bu ya nɔ bɛgim.

Tuma 4:31

Ba funɛ sumi Koosa a peti, dɛ naa ba fun lagmi chen, zigsi ka o siim weri ti si ba bambe ni. Ba fun li a ŋɔ nara ni Koosa laaboor weri ti wɛ awa bambi kpoka ni.

Luk 15:32

amaa n funɛ baa di i niinbe ti sowu, amaa o ha vɛɛn nyɛnu. N funɛ nyuksi unu amaa lalaknɔ n na unu. Chendaha ya kpu mu nuchamsi ti a lagmi a di diwe wa tu sɔɔni ni.’ ”

Luk 15:30

Amaa i be nɔ funɛ di i malɛ magwa womsini a kpa a a daŋni nihaana yɔri yɔri. O funɛ wa bur wa dama, i funɛ kpu i nuchamsirɛ a nyɛ un.’

Luk 2:11

Dusum nɔwa ba lul bichɛla a li Devid tɔha Bɛtlihɛm ni. Waa la zi wa yisi ma a li ma tum tagna ni maa tiŋ Koosa. Waa ya ya kunyan Kristo.

Luk 1:76

Doone Zɛkaraya fun ŋɔ, “Mu be, hin la zi ya Koosa zen witiina. Hin la zi te naa Koosa ŋɔ di o kaa tumu chen suwachak a saksi o nyinbaan a nyɛ un.

Maak 6:5

O funɛ nyɛn dooni chene, o fun kpa o nin a sak wichɔɔrsi nara tam ni a tiibi ba. Chen duŋduŋnɛ o fun koti a tum. O wa fun koti a tum tum zene, domi ba se wa fun su un.

Mat. 19:13

Nara fun a kpa ba bisa a wa Yesu wati di o kpa o nisa a gbaŋsi ba a sumi Koosa a du ba ni. O gantɛl tiŋsi ta fun a nyiigi ba.

Maak 5:23

a sumi un kinkan a ŋɔ, “Mu nihabichɛla la wi a daŋni o sou. Mu sumi hinu kinkan, kuwa a wa kpa i nisa a sak un ni, chen ni o zi na alaafɛu.”

Luk 1:41

Ɛlizabɛt funɛ nu ka Mɛri zaami, o be ti fun si a go o tuha. A saha ti Koosa fun nyɛ o siim weri ti si Ɛlizabɛt ni,

Luk 1:67

Chen saha tirɛ Koosa siim weri ti fun si o nyan Zɛkaraya ti ni a sɛm a chi Koosa witinsi ta digi.

Tuma 9:18

O funɛ sɛm sɛm ta peti, Sɔɔl se ta fun vaan bu lɛli. O funɛ chi nyinsa pɛrɛ tɔ a a lɛligi. O fun si a nyɛ ba chaksi un wa ni ni.

1 Kɔr. 9:1

Mu wati, mu wa dɔ mu titii? Mu wa ya Yesu Kristo nitumɛ ta digirɛɛ? Mu wa fun na ya kunyan Yesuu? Ma waa tiŋ Yesu domi mu funɛ wa ma wati a biksi ma Koosa laaboor weri ti wɛɛ?

2 Pita 3:15

Ma lisi chenani ya kunyan ti nyɛ narawa nyinbaan lalaknɔ di ba gil ba tum tagna aa tiŋ un. Koosa funɛ kpa o zimarɛ a nyɛ ya niinbe daŋni Pɔɔl ni o fun sɔbi chen wɛ a nyɛ ma.