24 Ju tim ta nidigi funɛ nyɛn doon ba yir un Apɔlɔs. Ba funɛ lul un a li tɔhɔn naa ba yir Alɛzandria a li Ijipt pulum ni. O funɛ zim Koosa sɛm tɔn ti munu kinkan a koti a kpa un a biksi nara nɛnɛ. Wuzu digi o fun wa Ɛfɛsus.
Mu niinbisa, mu kpa mu tuma awa Apɔlɔs tuma di mu biksi ma ma se lɛli ma tiŋ chenani Koosa sɛm tɔn ti biksi ya chen. Maa tiŋ chen, ma wa zi lisi nibin digi a zer un a kaali digi.
Ju tim ta bɔnɛ funɛ wau di ba wa nyɛn Jɛrusalɛm ni a li Sairini pulum awa tɔhɔn naa ba yir Alɛzandria ni. Ba yaa yir ba bar lagmi dɛ ‘Yisi nibinsa a ta ba yɔri’ dɛ. Wuzu digi ba wa Ju tima ba naa li Silisia pulum awa Azia pulum ni fun lagmi a di Stivin amɔrɛ.
Ma nyɛ Kristo sɛma nyɛn ma bambe ni nɛnɛ a kpa o zima a biksi dɔŋa a kikpami dɔŋa a lɔ boola naa Koosa siim weri ti nyɛ ma, a kipɛgi Koosa aa kizaami un kinkan.
Mu funɛ piin sɔbiu di ma bɔnɛ ŋɔ di mu funɛ nyɛn ma wati, mu funɛ ya jɛrgɛrɛ ka mu sɛma ya yɔri. Mu funɛ bol a sɔbi ma, tɔni ta maga funɛ suu wa sɛm kpoka ni.
Doonee lanjimasa nihɛɛ ti fun na arŋa a li Alɛzandria ni ka o saksi di o la Itali pulum. O fun bur la zu arŋa naa kpa ya li Siizaria a wa lisi ya a bur du arŋ digi ni.
Yesu fun pɛɛsi un, “Baŋa ya?” O fun ŋɔ un, “Kin naa ba ya Yesu Nazarɛt nar. O funɛ ya witiin naa Koosa tum ya watɛɛ. Waa funɛ kpa o kpok a nyɛ o sɛm sɛm kpoka a la tum tum kpoka a nyɛ un. Chendaha nara maga nyɛ un jirima kinkan.
Yesu fun bukoo ŋɔ ba, “Nibinsa ba naa funɛ tiŋ Koosa chiksɛ gantɛl duŋduŋ ka Koosa dɔ ba lalaknɔ, ba waa chi ba naa kpak napagsa. Ba waa kote a lisi wuti bunɛ awa wuti falɛ a li ba napagsi ta ni a biksi nara.”
Apɔlɔs wa Ju tim ta fun di amɔrɛ kpok a nyaŋi ba a li nara tima suwachak ni. O fun lisi Koosa sɛm tɔn ti bar digi a biksi ba a li gbampulim ni di Yesu ya Kristo naa Koosa fun ŋɔ di o zi wa tumu wuzu digi chen.
Pɔɔl fun chausi Akwila awa Prisila dooni a ŋɔ ba naa la daŋni o nyɛn ba wati chen, “Koosa nyɛ min nyinbaan, mu zi bur wa ma watiu.” Doone o fun bu a la zu arŋ ti a kaali.
