Tuma 15:1 - Tampulma

¹ Wuzu digi nibin bɔnɛ fun li Judia pulum a kaali Antiɔk a la biksi Yesu nitiŋɛ ba naa ya ya nibinsa a nyɛn dooni, a ŋɔ ba, “Koosa wa kikoti a yisi ma a li ma tum tagna ni see ba teŋsi ma a chi chenani Ju tim ta chiksɛ ta biksi ya.”

Tuma 15:1 交叉引用

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Tuma 15:5

Saha ti Yesu nitiŋɛ ba naa ya Farisi tim ta bɔnɛ fun si chiŋi ba suwachak ni a ŋɔ, “O lawa Yesu nitiŋɛ ta tiŋ Ju tim chiksɛ tau a nyɛ ba teŋsi ba.”

Kɔl. 2:8

Biksi bɔnɛ nyɛn doon ba yir zima. Nara bɔnɛ biksi a, amaa a ya yɔrirɛ. O ya nibinsa zimarɛ ba la alizin tagna wati. Adaha ma ta nyɛ ba wa kpak ma a muri. A nama wa li Kristo wati.

Tuma 15:24

Ya funɛ nu di ba naa li ya tuhu ni bɔnɛ funɛ wa buti ma awa ba biksi ni. Ya wa fun nyɛ ba nyinbaan di ba ya chen.

Jɔn 7:22

Ma nawaalsi ta funɛ te teŋsi ma bisau a li ba hiisi wuzu saha digi ka Mosis fun biksi ba di ba ha vɛɛn kiya chen.

Gal. 2:1

Bun fidanaasi gantɛl ni, min, Barnabas awa Taitus fun bur a kaali Jɛrusalɛm.

Tuma 15:3

Yesu nitiŋɛ ta maga fun tiŋ ba a li ta nyinbaan ni. Ba funɛ nyɛn nyinbaan ni a la chene, ba fun ŋɔ Yesu nitiŋɛ ba naa nyɛn Fonisia pulum awa Samaria pulum chenani ba naa vɛ ya Ju tima nidamata funɛ gil ba tum tagna a bur tiŋ Koosa. Chenani Antiɔk tim ta fun ŋɔ ba nyɛ ba tusa sɔɔni kinkan.

Tuma 6:14

Ya funɛ nuu ka o sɛm di Yesu Nazarɛt nar zi chɔk bar nɔu a chɛrgi nyinbaan naa Mosis fun ŋɔ ya nawaalsi ta di ba tiŋ.”

Kɔl. 2:16

Nandigi ŋɔ di maa di diwe digirɛ a la nyɔ kinyɔɔli digi a vɛ tiŋ wuzu zene awa pɛn falɛ wuzu zene awa hiisi wuzuna a na ma galimsa, ma ta nu ba wati.

Tuma 21:20

O funɛ sɛm peti, Jems awa nihɛɛti ta fun pɛgi Koosa chenani o tum chen daha. Ba fun ŋɔ Pɔɔl ni, “Ya niinbe, i zimu di Ju tima ba naa nyɛn bar nɔ, tusugsa funɛ nyɛ ya se su ya kunyan ti a kpak un ba bambe ni kinkan di ba tiŋ ba chiksɛ ta.

Tuma 15:22

Jems funɛ sɛm peti, nitumɛ ta, nihɛɛti ta awa Yesu nitiŋɛ ta maga fun lisi nara balɛ a li ba tuhu ni di ba la lagmi Pɔɔl awa Barnabas ni ba la Antiɔk. Ba sɔna funɛ ya Judas Barsabas awa Sailas. Yesu nitiŋɛ ta maga fun nyɛ ba jirima kinkan.

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 15:23

Nannɛ ba fun sɔbi a li tɔn nɔ ni. “Nitumɛ ta awa Yesu nitiŋɛ nihɛɛta, ba naa ya ma niinbisa, sɔbi tɔn nɔ a zaami Yesu nitiŋɛ ba naa vɛ ya Ju tima a nyɛn Antiɔk, Siiriya pulum awa Salisia pulum ni.

Tuma 15:32

Judas awa Sailas funɛ ya Koosa witinsi ta nara balɛwa. Ba gbanko fun kpami Yesu nitiŋɛ ba naa funɛ nyɛn dooni, di ba kpak Yesu nɛnɛ a vusi.

Gal. 6:12

Ba naa la daŋni sɔna nara suwachak ni, ba waa la daŋni ba muksi ma di ba teŋsi ma. Ba daŋni ba teŋsi ma chene, chen ni nandigi wa zi nyɛ ba na namsi. Ba wa la nɔɔni di chenani ma se su Kristo naa funɛ sou a li o daakakli ti ni, magu.