Tuma 13:41 - Tampulma

⁴¹ Ba fun ŋɔ, ‘Ma naa la pini Koosa sɛma zoma chen, ma nu mu wati. Tum nawara mu tum ma se ni nan, hali nandigi wa ŋɔ ma a mun, ma se wa zi su a. Chendaha Koosa zi wa na ma galimsau a ta ma yɔri, alaazibu zi kpak mau chen daha.’ ”

Tuma 13:41 交叉引用

1 Pita 4:17

Koosa saksi di o di tɛɛnɛ nɔ tim maga sɛriau lalaknɔ. O wa wa, o zi te di ba naa o dɔ chen sɛriau a zi di ba naa se vɛ su o laaboor weri ti chen. O piili ya ni, yɛrɛ o kaa du ba ni?

1 Tɛs. 2:16

Ba funɛ daŋni ya gil Koosa laaboor weri ti a ta sɛm kinyɛ ba naa vɛ ya Ju tim ni, domi ba nuɛɛ, Koosa fu zi koti a yisi bau a li ba tum tagna ni. Chen funɛ ya ba tum tagin a kaali ba tum tagna maga. Lalaknɔ Koosa na paanu kinkan a du ba ni a zi wa ta ba yɔri.

Tuma 13:47

Ya kunyan ti funɛ lisi sɛm na a li Koosa sɛm tɔn ti ni o biksi ya chenani ya zi tiŋ. Ba funɛ sɔbi a ŋɔ o wɛ, ‘I chi fitinne a chaani nyinbaan ni di ba naa vɛ ya Ju tima chen, na a tiŋ. I daha Koosa koti a yisi tɛɛnɛ nɔ tim maga a li ba tum tagna ni ba tiŋ un.’ ”

Tuma 22:21

Mu kunyan ti fun bukoo ŋɔ min, ‘Mu kaa tum hin i la ba naa vɛ ya Ju tim watɛɛ a li tɔ bar bole ni. Adaha kila.’ ”

Luk 16:14

Farisi tim ta funɛ ya malɛ timwa. Chendaha ba funɛ nu chenani Yesu sɛm chen, ba mɔmsi un.

Tuma 3:23

Ba naa maga vɛ tiŋ chen, Koosa zi waligi bau a li o nara ni a ta ba yɔri.’

Tuma 6:14

Ya funɛ nuu ka o sɛm di Yesu Nazarɛt nar zi chɔk bar nɔu a chɛrgi nyinbaan naa Mosis fun ŋɔ ya nawaalsi ta di ba tiŋ.”

Luk 23:35

Zɛmɛ ta maga fun chiŋi a go aa nyini. Ju tim nihɛɛta ba naa funɛ nyɛn zɛmɛ ta ni, mɔmsi un a ŋɔ dɔŋ ni, “O laata fun yisi nara chen. O ya Kristo naa Koosa fun lisi a nyɛ o titi ni chen, ma nyɛ o lisi o titi.”