14 Alizin tagna tora ta funɛ kpak kpok di a tum tum zene damata. Ba fun gba a lagmi tɛɛnɛ nɔ tim maga koorsa awa ba walɛ, chen ni Koosa wuzu zen naa o zi wa di ba sɛria chen wa tel, ba zi chem unu a li laal ni.
Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”
Koosa siim weri ti biksi nyɛn gbampulim ni di saha kurgɛ wau, nibin bɔnɛ zi wa buru a tiŋ Koosa. Ba ka zi wa nu alizin tagna biksiu a kitiŋ ba naa la mur ba nɔ.
O zi la gbau a mur tɛɛnɛ nɔ nara a lagmi ba wa ba naa ba yir Gɔg awa Megɔg di ba la chem Koosa nara wa laal ni. Ba zi wa iiu kinkan a chi mɔɔga hɛchɛ naa nandigi vɛ koti a guri.
A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.
Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.
Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.
Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.
Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.
Mu funɛ nau ka ba huusi sel zen naa li ni ni chen, nyuhu digi di ba kpu un, amaa bar huusi ti funɛ petiu ka o vɛ siwi. Tɛɛnɛ nɔ tim maga funɛ na chenani yɛɛ, alaazibu fun kpak ba ka ba tiŋ sel zen ti.
Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”